VOV4.Xơ Đăng - Tiô tối hdrối khu kăn cheăng tung Chin phuh kô châ rah iâ mơngế ing 30 chu ối 21 tíu pêi cheăng xiâm mê cho: 13 khu xiâm, 4 kơ koan tơdâng Khu xiâm ƀă 4 kơ koan cho tung Chin phuh.

VOV4.Xơ Đăng - Kơnôm ai tơdroăng pơkuâ ngăn, hnê mơhno dêi Khu pơkuâ hnê ngăn cheăng Đảng kong pơlê Kon Tum, Khu pơkuâ hnê ngăn cheăng Đảng kong pơlê Đăk Glei ƀă hnoăng pêi pro dêi rêm râ ngăn ‘na cheăng Đảng cheăm, mê 2 to cheăm ki kơtiê má môi dêi kong pơlê Kon Tum cho cheăm Mường Hoong ƀă cheăm Ngọc Linh, tơring Đăk Glei hiăng mơnhông châ hluăn ing kơtiê ki ‘ló mơnê ‘nâng. Kơxô̆ rơpŏng kơtiê hiăng chu kơdroh lối 10% rêm hơnăm, tâk châ 10 xoh tâng vâ pơchông ngăn ƀă kơlo kơtiê vâ riân ngăn tơdjuôm dêi lâp tơnêi têa.

VOV4.Xơ Đăng - Kơxê hâi lơ 27/12, a tíu pêi cheăng dêi Khu xiâm ngăn ‘na Chiâk deăng bă Mơnhông thôn pơlê, pôa Phạm Minh Chính-Ngế pro xiâm hnê ngăn veăng Hôp mơgêi hơnăm 2024 ƀă pơkâ pêi pro hnoăng cheăng tung hơnăm 2025 dêi kơvâ pêi chiâk pêi deăng ƀă tơdroăng rêh ối - pêi cheăng a thôn pơlê.

VOV4.Xơ Đăng - Pôa Trần Thanh Mẫn - Kăn xiâm hnê ngăn Kuô̆k hô̆i hiăng pêi cheăng ƀă khu pơkuâ hnê ngăn cheăng Đảng kong pơlê Hà Tĩnh ‘na tối mơgêi tơdroăng pêi pro tiô Pơkâ hôp dêi Đảng xiâm lâp tơnêi têa rôh má 13, Pơkâ hneăng hôp kân Đảng ƀô̆ kong pơlê rôh má 14, hneăng hơnăm 2020 - 2025.

VOV4.Xơ Đăng - Tíu xiâm ngăn ‘na  krúa lĕm ƀă mơnhông kơchơ tê mơdró - Khu xiâm ngăn ‘na Chiâk deăng ƀă Mơnhông thôn pơlê nếo ai hlá mơ-éa chêh pơtroh ăm Khu xiâm ngăn ‘na Chiâk deăng ƀă Mơnhông thôn pơlê Dak Lak pơkâ thế tơbleăng  tối mâu tơdroăng ki tơdjâk troh ‘na tơdroăng mê.

VOV4.Xơ Đăng - Hâi lơ 27/12, Khu pơkuâ hnê ngăn cheăng Đảng kong pơlê Lâm Đồng hiăng tơkŭm po roh Hôp mơgêi mâu tơdroăng rak vế, pêi pro tơdroăng pơkâ kơxô̆ 18 dêi Khu xiâm pơkuâ hnê ngăn Đảng hneăng 12. Lối 6.000 ngế kăn pơkuâ, mơngế cheăng tung khu kal kí hiăng châ kơdroh, lo pơtê cheăng.

VOV4.Xơ Đăng - Pôa Trần Hồng Hà, Ngế pro xiâm phŏ hnê ngăn tơnêi têa nếo pơkuâ po rôh hôp Khu hnê mơhno mơjiâng pro tơdroăng tơkêa troăng ‘no liăn pro troăng rơxế lơ treng a troăng kân Bắc – Nam ƀă mâu tơdroăng tơkêa pro troăng rơxế lơ treng ki kal dêi tơnêi têa.

VOV4.Xơ Đăng - Kơxo lơ 27/12, a Hà Nội, Khu xiâm Đoân Droh rơtăm Kŏng san Hồ Chí Minh tơkŭm po Leh pơxiâm po Tơ’noăng kâu lăk ƀô̆, đô̆i, khu pleăng hnoăng cheăng lâp tơnêi têa roh má 3.

VOV4.Xơ Đăng - Ƀơrô Kan sát Cheăng kâ, Kŏng an kong pơlê Dak Lak nếo pơkâ xăm tối, rup 4 ngế xôi xúa trếo pơkeăng ki mơdât vâ pro hmŏng prá.

VOV4.Xơ Đăng –  Kơxê măng lơ 26/12, pôa Trần Thanh Mẫn, Kăn xiâm hnê ngăn Kuô̆k hô̆i tơdah Kăn teăng mâ kong têa Australia - pôa Andrew Goledzinowski koh pơ’lâng.