VOV4.Xơ Đăng - Kơxo lơ 5/6, pôa Phạm Minh Chính, Ngế pro xiâm hnê ngăn tơnêi têa hiăng ai roh tơdah pôa Thani bin Ahmed Al Zeyoudi, Kăn xiâm pơkuâ tê mơdró lâp plâi tơnêi, ối tung Khu xiâm pơkuâ tê mơdró UAE (Mâu kong têa tung Arab Thống nhất).

VOV4.Xơ Đăng - Kơxo lơ 5/6, a Tíu pêi cheăng kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa tơdah pôa Marc Evans Knapper, Kăn teăng mâ pơkuâ tâi tâng Mih a Việt Nam.

VOV4.Xơ Đăng - Kơxê hâi lơ 5/6, jâ Ngô Thị Minh, Ngế xiâm phŏ ngăn hnê hriâm ƀă hnê mơjiâng tuăn ngôa rơkê râ Tơnêi têa ƀă mâu ngế tung khu pêi cheăng kơxô̆ 3 hiăng pêi cheăng ƀă kong pơlê Gia Lai ‘na tơdroăng hbrâ hneăng tơ’noăng mơgêi hriâm râ má pái phôh thong hơnăm 2023.

Pôa Bùi Thanh Sơn, Ngế xiâm tơpui kâ Việt Nam hiăng pôu pêi cheăng a Kong têa Pơhlăng sap ing hâi lơ 5 – 6/6/2023.

VOV4.Xơ Đăng - Kơxê hâi lơ 5/6 a tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng ai rôh trâm mâ va achê 150 ngế kăn kơdrâi Kuô̆k hô̆i hneăng 15.

VOV4.Xơ Đăng - Kơxê lơ 04/6, a Tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa hiăng tơdah Ngế pro xiâm hnê ngăn kong têa Australia lăm pôu pêi cheăng Việt Nam sap hâi lơ 3 – 4/6.

VOV4.Xơ Đăng - Kơxê hâi lơ 4/6, a tíu pêi cheăng xiâm Đảng, pôa Nguyễn Phú Trọng - Kăn xiâm pơkuâ ngăn Đảng tơdah pôa Anthony Albanese, Kăn xiâm ngăn Công đảng, Ngế pro xiâm hnê ngăn kong têa Australia lăm pôu Việt Nam.

VOV4.Xơ Đăng - Pơreăng COVID-19 hiăng châ mơdât ƀă hiăng châ Khu hnê mơhno tơnêi têa ‘na hbrâ mơdât pơreăng mơnhên ngăn ƀă pơkâ hơ’lêh chiâng tơdroăng châi tamo ki tiah hmâ, la troh nôkố, a kong pơlê Dak Nông xuân tá hâi teăm ăm kâ liăn tơ’nôm ƀă mâu kăn ƀô̆, ƀok thái pơkeăng ki veăng khăm pơlât, hbrâ mơdât pơreăng COVID-19.

VOV4.Xơ Đăng - Hâi lơ 2/6, a pơlê kong kân Pakse, kong pơlê Champasak, peăng hdroh kong têa Lếo, Kăn xiâm teăng mâ Việt Nam a Pakse tơkŭm po Leh diâp tơmeăm dêi pôa Vương Đình Huệ, Kăn xiâm hnê ngăn Kuô̆k hô̆i ăm kuăn pơlê mơngế Việt Nam ki rêh ối a 4 to kong pơlê peăng Hdroh kong têa Lếo.

VOV4.Xơ Đăng - Pôa Võ Văn Thuưởng, Kăn xiâm hnê ngăn tơnêi têa nếo kĭ pơkâ tơdroăng cheăng Tơkêa tŏng kum ‘na luât tung kơvâ xivil pơla Việt Nam ƀă Lếo tiô tơdroăng pơkâ thế dêi Chin phuh.