VOV4.Xơ Đăng - Kơxo lơ 8/1, Rôh hôp mơgêi tơdroăng cheăng pêi hơnăm 2024, tơbleăng tơdroăng cheăng pêi hơnăm 2025 dêi Chin phuh ƀă Khu kăn pơkuâ kong pơlê hiăng po a tíu pêi cheăng Chin phuh.

VOV4.Xơ Đăng –  Kơxê măng lơ 7/1, pôa Phạm Minh Chính, Ngế pro xiâm hnê ngăn tơnêi têa tơdah pôa Nicholas Berggruen - Kăn hnê ngăn Kŏng ti mơ’no liăn cheăng Berggruen Holdings (Mih).

VOV4.Xơ Đăng -  Kơxo lơ 7/1, a Tíu pêi cheăng Kăn xiâm hnê ngăn tơnêi têa, jâ Võ Thị Ánh Xuân, Phŏ Kăn xiâm hnê ngăn tơnêi têa tơdah jâ Slivia Danailov, Kăn teăng mâ Khu pơkuâ râng kơxô̆ liăn tŏng gum vâi hdrêng Khu lâp kong têa UNICEF a Việt Nam troh koh.

VOV4.Xơ Đăng - Kơxo lơ 7/1, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ roh hôp Chin phuh tơdroăng cheăng hriăn plĕng mơjiâng luât khế 01/2025.

VOV4.Xơ Đăng - Kơxê hâi lơ 7/1, klêi têk nhang koh tơbâ kơ mâu ki hiăng hlâ tơplâ khên tơnôu, mơngế ai hnoăng ƀă pơlê xiâm, tơnêi têa, pôa Tô Lâm, Kăn xiâm pơkuâ hnê ngăn Đảng hiăng pêi cheăng ƀă mâu kăn kong pơlê Hưng Yên.

VOV4.Xơ Đăng - Pôa Bạch Văn Mạnh, Ngế pơkuâ Khu ngăn mơngế pêi cheăng kong pơlê Dak Lak, mơnhên tối Vi ƀan kuăn pơlê kong pơlê hiăng châ xo đơn pâ pơtê cheăng hdrối hơnăm pơtê dêi pôa Nguyễn Văn Nghiêm, Phŏ pơkuâ ngăn Khu mơdró  kong pơlê.

VOV4.Xơ Đăng - Kơxê lơ 6/1, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh, Ngế xiâm pơkuâ Khu hnê mơhno cheăng dêi Chin phuh ‘na “Mơgêi tơdroăng cheăng pêi pro Pơkâ kơxô̆ 18 dêi Tíu xiâm Tơnêi têa hneăng 12 ‘na pơtối pơhlêh nếo, xing xoăng khu tơrŭm cheăng tơnêi têa dêi khu pơkuâ tơdroăng kal kí iâ tơkŭm, pêi cheăng xêt tơƀrê” pơkuâ po Rôh hôp má tơheăm dêi Khu hnê mơhno cheăng.

VOV4.Xơ Đăng - Kơxê hâi lơ 6/1, pôa Tô Lâm, Kăn xiâm pơkuâ hnê ngăn Đảng, Kăn hnê ngăn Đảng lêng xiâm tơnêi têa hiăng troh lăm pôu hlối pêi cheăng ƀă Kuân đoân 34 - Kuân đoân  nếo mơjiâng ing Kuân đoân 3  ƀă Kuân đoân 4, tiô tơdroăng ‘’rah xo iâ mơngế, pêi cheăng rơdêi’’  tiô pơkâ dêi Khu xiâm Kal kí ‘na tơkŭm Khu lêng kuăn pơlê Việt Nam.

VOV4.Xơ Đăng - Kơxê hâi lơ 6/1, pôa Phạm Minh Chính, Ngế pro xiâm hnê ngăn tơnêi têa hiăng trâm mâ thái hnê kơtú cho Kim Sang Sik ƀă Khu kơtú ƀa long Việt Nam a Ƀơrô Chin phuh klêi khu kơtú ƀa long troh a Ƀơrô cheăng Chin phuh, ƀă hnoăng ki châ kâ ối má môi ASEAN Cup 2024.

VOV4.Xơ Đăng - Kơxê hai lơ 6/1, a tíu pêi cheăng Đảng pơlê kong krâm Buôn Hồ, Kăn hnê ngăn Đảng kong pơlê Dak Lak tơkŭm po hôp tơbleăng mâu pơkâ ‘na tơdroăng cheăng kăn ƀô̆.