VOV4.Xơ Đăng - Tung 2 hâi lơ 10 ƀă 11/10, a pơlê kong kơdrâm Kon Tum po Hneăng hôp khu kăn mâu hdroâng kuăn ngo kong pơlê Kon Tum rôh má IV.

VOV4.Xơ Đăng –  Kơxê lơ 10/10, Khu pơkuâ tơdroăng cheăng Đảng kong pơlê Lâm Đồng tơkŭm po Hneăng hôp tơbleăng mâu pơkâ ‘na tơdroăng cheăng kăn ƀô̆.

VOV4.Xơ Đăng - Kơxê hâi lơ 10/10, pôa Phạm Minh Chính Ngế pro xiâm hnê ngăn tơnêi veăng hôp mâu Kăn xiâm ASEAN - Ấn Độ rôh má 21.

VOV4.Xơ Đăng - Hâi lơ 10/10, khu kăn lăm pêi cheăng dêi khu xiâm ngăn tê mơdró hiăng tơrŭm hlối pêi cheăng ƀă Vi ƀan kuăn pơlê dêi kong pơlê Dak Nông  tah mâu tơdroăng xơpá tơvâ tơvân ki tơdjâk troh mơnhông kơvâ cheăng kơmăi kơmok bauxite.

VOV4.Xơ Đăng - Tung mâu hâi hdrối kố nah, hên kăn ƀô̆ mâu ngế cheăng ‘na on tơhrik Dak Lak dế veăng pêi pro, tơ’noăng “Tăng ‘nâi plĕng ‘na tơdroăng xúa on tơhrik ‘nâi kơdĭng ƀă tơƀrê tung hơnăm 2024’’ xua tơdroăng kơdĭng on tơhrik ƀă mơnhông krá tơnián cho dêi Khu xiâm ngăn mơdró tơkŭm pêi.

VOV4.Xơ Đăng - Mot tơrŭm tung kơchơ tê mơdró hrá la kơnôm hbrâ rơnáu châ xúa tơdroăng pơhlêh kơxô̆, hên khu mơdró kâ pơxiâm pêi chdeăng a Dak Lak hiăng rế hía rế ai hên tơmối tơniăn, rơdâ troh lâp lu. ‘Nâi nhên tơdroăng kố, rế hía rế hên khu mơdró kâ mơ-eăm hmâ ƀă ‘no liăn cheăng tung pơhlêh kơxô̆, veăng gum mơdêk tơdroăng cheăng pơhlêh kơxô̆ a kong pơlê.

VOV4.Xơ Đăng - Kơxo hâi lơ 10/10, a Hngêi hôp kân Tơnêi têa, Khu kăn Xiâm Đảng, Kuô̆k hô̆i, Kăn xiâm hnê ngăn tơnêi têa, Chin phuh Tơnêi têa Kŏng hoa xah hô̆i chuh ngiah Việt Nam, Vi ƀan xiâm Măt trâ̆n Tơnêi têa Việt Nam ƀă pơlê kong kân Hà Nội po leh kân krip tơbâ 70 hơnăm Hâi châ tơleăng lĕm pơlê kong xiâm (10/10/1954 - 10/10/2024).

VOV4.Xơ Đăng - Kơxo hâi lơ 10/10, drêng troh veăng Hôp khu kăn xiâm ASEAN 44, 45 ƀă mâu Hneăng hôp dêi mâu kăn xiâm ai tơdjâk troh a Vientiane, kong têa Lếo, pôa Phạm Minh Chính, Ngế pro xiâm hnê ngăn Chin phuh hiăng veăng hôp ƀă pôa Yun Seok-yeol, Kăn xiâm pơkuâ kong têa Hàn Quốc.

VOV4.Xơ Đăng - Học viện Chính trị Quốc gia Hồ Chí Minh nếo tơrŭm ƀă Khu pơkuâ hnê ngăn Đảng kong pơlê Gia Lai tơkŭm hôp tơpui tơno Khoa hok “Pơtối rak hnoăng cheăng dêi ngế kuăn pơlê pâ nhoăm tung mơjiâng Đảng ƀă tơdroăng kal kí a pơlê cheăm tơniăn lĕm, krá rơdêi tung kong pơlê Gia Lai”.

VOV4.Xơ Đăng - Kơxê lơ 9/10, a pơlê kong xiâm Vientiane (Lếo), pôa Phạm Minh Chính, Ngế pro xiâm hnê ngăn tơnêi têa ƀă Ngế pro xiâm hnê ngăn kong têa Singapore Lawrence Wong hiăng tơpui tơno roh apoăng tung roh trâm mâ tiah hmâ rêm hơnăm pơla péa Ngế pro xiâm hnê ngăn tơnêi têa, klăng roh veăng Hneăng hôp Khu râ kăn xiâm ASEAN 44, 45.