VOV4.Xơ Đăng - Pôa Tô Lâm, Kăn xiâm pơkuâ hnê ngăn Đảng pơkuâ djâ khu kăn xiâm tơnêi têa troh têk nhang, pleăng reăng tơbâ kơ pôa Trường Chinh a Um meăn ƀă Hngêi ‘măn um tơmeăm tơbâ dêi pôa Trường Chinh, Kăn xiâm pơkuâ hnê ngăn Đảng hneăng hdrối.

VOV4.Xơ Đăng - Kong pơlê Dak Nông dế hbrâ pêi pro rah xo bro lế lĕm, kơdroh khu pêi cheăng tơnêi têa tiô Pơkâ 18 dêi Tơnêi têa.

VOV4.Xơ Đăng - Tơdroăng ki klâ axoăng, pơkuô̆m mâu kơ koan chiâng môi dêi tơnêi têa tiô Pơkâ kơxô̆ 18 dế châ pêi pro thâ rĕng ‘nâng a kong pơlê Dak Lak, hên hĭn mâu hlá đơn pâ lo pơtê cheăng hdrối hơnăm ki tro pơtê păng ‘nâng, ing mâu kăn ƀô̆ ki cheăng ton hơnăm hiăng pơtroh mâu kơ koan ai hnoăng cheăng pôu râng, cho rôh vâ mâu rơxông hơnăm ối nếo pơtối pơtó ƀă pleăng dêi hnoăng tơná ăm tơdroăng cheăng. Tung mê, mâu ivá mơ-eăm ƀă tơdroăng púi vâ dêi mâu kăn ƀô̆ ki hiăng pêi cheăng ton hơnăm xuân ối đi đo mơdoh ăm tơdroăng mơnhông ton xŏn ă, kong pơlê.

VOV4.Xơ Đăng - Hâi hnah, lơ 15/1, Khu râ kăn pơkuâ kong pơlê Lâm Đồng hiăng tơkŭm po roh tơpui tơno ƀă kăn teăng mâ mâu râ kuăn pơlê vâ tơleăng hên tơdroăng ki kal tơdjâk troh tơdroăng mơnhông cheăng kâ – rêh ối pơlê pơla dêi kong pơlê.

VOV4.Xơ Đăng - Kơxê lơ 15/1, pôa Nguyễn Hòa Bình, Phŏ Ngế pro xiâm hnê mơhno má môi, pơkuâ roh hôp má 9 Khu hnê mơhno pơhlêh pơkuâ tơnêi têa dêi Chin phuh mơnhên tơdroăng châ tơƀrê pêi pro tơdroăng pơhlêh pơkuâ tơnêi têa hơnăm 2024, tơpui tơno troăng pêi la ngiâ, hnoăng cheăng tơdroăng pơhlêh pơkuâ tơnêi têa hơnăm 2025.

VOV4.Xơ Đăng - Hâi hnah, lơ 15/01, a Tíu pêi cheăng Khu xiâm Đảng, pôa Tô Lâm, Kăn xiâm pơkuâ hnê ngăn Đảng hiăng tơpui phôn ƀă pôa Tập Cận Bình, Kăn xiâm pơkuâ hnê ngăn Đảng, Kăn xiâm hnê ngăn tơnêi têa klăng roh leh tơbâ 75 hơnăm mơjiâng tơrŭm cheăng tơpui kâ pơla péa tơnêi têa.

VOV4.Xơ Đăng - Kơxo lơ 15/1, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng tơdah pôa Mikhail Mishustin, Ngế pro xiâm hnê ngăn kong têa Rusi ƀă khu kăn cheăng tung Chin phuh kong têa Rusi tung rôh pôu păng ‘nâng Việt Nam.

VOV4.Xơ Đăng - Pơtối tung rôh pêi dêi hnoăng cheăng a Gia Lai, hâi lơ 15/1, jâ Võ Thị Ánh Xuân, Phŏ Kăn xiâm hnê ngăn tơnêi têa rơtế ƀă khu kăn ki pêi dêi hnoăng cheăng hiăng pleăng reăng, chôu nhang ăm Pôa Hồ Chí Minh a Plông kân Đại Đoàn Kết ƀă mot pôu mâu mố đô̆i ki hlâ ki tâp a ilâng kiâ kong pơlê Gia Lai.

VOV4.Xơ Đăng - Kơxê lơ 15/1, pôa Phạm Minh Chính, Ngế pro xiâm hnê ngăn Chin phuh prế kơdrâi pôa rơtế ƀă kăn xiâm hnê ngăn Việt Nam hiăng lăm pôu păng ‘nâng Kŏng hòa Ba Lan, Kŏng hòa Cezch, veăng hôp a Rôh hôp rêm hơnăm rôh má 55 Rôh hôp cheăng kâ lâp plâi tơnêi (WEF) a Davos (Swiss) ƀă pêi cheăng pơla péa pâ a Swiss ing hâi lơ 16-23/01/2025.   

VOV4.Xơ Đăng - Kơxo lơ 15/1, a Hà Nội, pôa Tô Lâm, Kăn xiâm pơkuâ hnê ngăn cheăng Đảng veăng hôp a Rôh hôp Tơnêi têa Mơjiâng khu mơdró kâ kong ngê̆ kơxô̆ Việt Nam rôh má 6 ƀă inâi: “Pro ngế pơkuâ kong ngê̆ kơxô̆, pro ngế pơkuâ tung pơla pơhlêh kơxô̆ Việt Nam ƀă khu mơdró kâ kong ngê̆ kơxô̆ Việt Nam”.