VOV4.Xơ Đăng - Drêng koh tơbâ 70 hơnăm ƀlêi trâng Điện Biên Phủ (7/5/1954 - 7/5/2024), kơxo lơ 6/5, a Hà Nội, khu kăn pơkuâ, mâu kăn pơkuâ hneăng hdrối pơkuâ Đảng, Tơnêi têa troh pleăng rơvĭng reăng ƀă mot tung tíu ‘măn poăng Pôa Hồ Chí Minh; pleăng rơvĭng reăng tơbâ mâu Ngoh khên tơnôu a troăng Bắc Sơn (Ba Đình, Hà Nội).

VOV4.Xơ Đăng - Thăm pơtroh đảng viên mô đô̆i gâk tơkăng kong lăm pro kăn phŏ pơkuâ hnê ngăn cheăng Đảng cheăm, djâ đảng viên mô đô̆i gâk tơkăng kong veăng pêi cheăng rơtế ƀă chi ƀô̆ mâu kơtâu, pơlê a kơpong tơkăng kong Dak Nông dế mơjiâng châ tơƀrê kal khât. Châ hnê mơjiâng tơtro, ai chiâng rơkê ƀă ‘nâi tung tơdroăng pơtâng tối mơhnhôk ƀeăn ƀĕng rơkê, đảng viên krâ kơlŏng ngiât dế kum pơhlêh ‘’troăng tơmiât pêi’’, kum tơdroăng rêh ối dêi kuăn pơlê mâu hdroâng kuăn ngo a kơpong tơkăng kong, kơpong hơngế hơngo dêi kong pơlê Dak Nông rế hía rế tơniăn ƀă mơnhông.

VOV4.Xơ Đăng - Tung hneăng tơplâ xâ a Điện Biên Phủ, xua pá puât ‘na tơdroăng pơtroh răng pháu, Khu kăn pơkuâ ngăn hneăng tơplâ mê hiăng mơhnhôk: “Tơbriât paraxut vâ xo răng kơnŏng, ‘mrâm pháu”, “Xo pháu hơnêa dêi xâ plâ tơná xâ”. Tơdroăng cheăng kố hiăng chiâng môi tung mâu tơdroăng pêi pro dêi mô đô̆i pin tung tơplâ, kơnôm tiah mê, hiăng pá ai tơdroăng ki khuô̆t, ti ai ‘mrâm hơnêa, răng kơnŏng ƀă hiăng veăng kum kal kân khât khoh pro châ ƀlêi trâng Điện Biên Phủ 70 hơnăm hdrối nah.

VOV4.Xơ Đăng - Kơxo lơ 5/5, a kong pơlê Tây Ninh, pôa Phạm Minh Chính, Ngế pro xiâm hnê ngăn Chin phuh pơkuâ Hneăng hôp Hô̆i đong pơkuâ kơpong Đông Nam Bộ roh má 3 ƀă dó inâi “Pêi pro Pơkâ pêi kơpong Đông Nam Bộ hneăng 2021 – 2030, tơmiât pêi troh hơnăm 2050’’.

VOV4.Xơ Đăng - Klăng leh tơbâ 70 hơnăm Ƀlêi trâng Điện Biên Phủ (7/5), Khu pơkuâ hnê ngăn cheăng Đảng, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n Tơnêi têa Việt Nam kong pơlê Dak Lak hiăng tơkŭm po mâu khu râ kăn troh lăm pôu, diâp kơxuô tơmeăm mô đô̆i hneăng hdrối nah veăng tung tơplâ xâ Điện Biên Phủ dế rêh ối tung kong pơlê.

VOV4.Xơ Đăng - Kơxê hâi lơ 5/5, pôa Phạm Minh Chính - Ngế pro xiâm hnê ngăn Chin phuh veăng hôp tơbleăng Pơkâ hdró kong pơlê Tây Ninh pơla hơnăm 2021-2023, mâ ngăn mâu tơdroăng cheăng vâ pêi troh hơnăm 2050.

VOV4.Xơ Đăng - Kơmăng hâi lơ 5/5,  Drêng troh leh tơbâ 70 hơnăm Plâ ƀlêi trâng Điện Biên Phủ, Rơ’jíu mơ’no um tơvi Việt Nam tơkŭm po mơ’no tơdrêng triô troăng hyôh “Ing hlá cờ Pơkâ ƀlêi trâng”, tơdjêp tơdrêng ƀă 5 tíu mơ’no um dêi pơlê kong kơdrâm Điện Biên, Hà Nội, Thanh Hóa, Kon Tum  ƀă Pơlê kong kân Hồ Chí Minh.

VOV4.Xơ Đăng - Hiăng 70 hơnăm hiăng luâ, laga, mâu chôu phut tơplâ a tiú tơplâ Điện Biên Phủ hơnăm ki mê nah xuân u ối chôu vế tung hiâm tuăn dêi mâu ngế lêng hơnăm hiăng krâ dêi kong pơlê Yên Bái. Mâu tơmeăm khoăng, um méa, hlá mơ-eá ki ai tơdjâk troh hên tơdroăng cheăng dêi Đảng ƀô̆, khu kăn pơkuâ hnê ngăn, khu lêng ƀă kuăn pơlê dêi kong pơlê Yên Bái ki kum ăm tơdroăng tơplâ a Điện Biên Phủ xuân châ hên kơvâ ngăn ‘na cheăng kố chêh xo, chôu ‘măn ƀă tối tơbleăng.

VOV4.Xơ Đăng - Ing Kăn pơkuâ hnê ngăn dêi Đảng, kơ’nâi 9 hơnăm tơplâ xâ Pơhlăng, mâu lêng ƀă kuăn pơlê pin hiăng kâi plâ ƀlêi trâng rôh lăm plâ Điện Biên Phủ lơ (7/5/1954), hdró môi hvêa ki kal tung rơxông tơplâ rak vế tơnêi têa dêi hdroâng mơngế. 70 hơnăm hiăng luâ la tơdroăng tơplâ ƀlêi trâng Điện Biên Phủ xuân ai pơxúa kân khât tung rơxông mơnhông cheăng kâ, mơjiâng, ƀă kring vế tơnêi têa hâi kố.

VOV4.Xơ Đăng - Dak Lak kô kum 24 rơtal liăn rơtế ƀă Khu xiâm ngăn Kŏng an bro 1.200 toăng hngêi ăm rơpŏng kơtiê, xơpá ‘na hngêi ối, rơpŏng châ tơnêi têa kum, kuăn pơlê hdroâng kuăn ngo tung kong pơlê hơnăm 2024.