VOV4.Sêdang - Hnoăng ki châ vâ ‘nâi mâu tơdroăng hiăng châ luât ăm phêp sap hơnăm 2016. Ing mê Luât pơtối ăm ‘nâi tơdroăng pơkâ ‘na tơdroăng pêi pro tăng ‘nâi ple\ng mâu tơdroăng dêi kuăn pơlê, luât pơkâ, tiô tơdroăng, pro hlá mơ-éa vâ châ ‘nâi mâu tơdroăng, hnoăng pêi pro, hnoăng cheăng pêi dêi kơ koan tơnêi têa tung tơdroăng rak vế châ ‘nâi mâu tơdroăng dêi kuăn pơlê. Tơdroăng hâi kố ai tối nhên’’ Po rơdâ ăm ‘nâi mâu tơdroăng ing xiâm rak pro tơniăn chiâng ‘nâi mâu tơdroăng kuăn pơlê kuăn ngo’’.

VOV4.Sêdang - Hâi lơ 29/9 kố nah, Vi [an ‘na mâu tơdroăng pơlê pơla dêi Kuo#k ho#i ăm rơkong veăng tơpui tối ‘na Kơxop hlá mơ-éa Luât ki ‘mâi rơnêu, ‘mot tơ’nôm mâu tơdroăng dêi Luât Công đoân. Tơdroăng ki kal tơbleăng tơdrăng tung xúa 2% kơxo# liăn công đoân hiăng châ hên mâu kăn tơmâng ngăn [ă pơkâ thế pêi pro nhên.

VOV4.Sêdang - Vâ rak tơniăn ‘na mơnhông mơdêk mâu hdroâng kuăn ngo a kơpong kơtiê xahpá, Đảng [ă tơnêi têa pin hiăng mơjiâng hên troăng hơlâ tơku\m pơkâ kơdroh kơklêa xăm kơtiê, mơnhông tơdroăng rêh ối dêi kuăn pơlê rơtế [ă pro tơniăn ăm hnoăng rêh ối kuăn mơngế, xúa vâ mơnhông mơdêk tâi tâng dêi kuăn mơngế, tung mê ai pêi ahdrối cho mơnhông cheăng kâ-rêh ối kơpong hdroâng kuăn ngo, rak tơniăn ăm kuăn pơlê hdroâng kuăn ngo châ mơnhông mơdêk tâi tâng, châ xúa mâu tơdroăng ki tơ-[rê tung cheăng kâ - rêh ối dêi Tơnêi têa. Môi tung mâu luât pơkâ mơhno ki tơmâng khât dêi Đảng, Tơnêi têa [ă kuăn ngo ki kơtiê a Việt Nam cho tơdroăng pơkâ kơxo# 134 kum ăm tơnêi pêi kâ, tơnêi pro hngêi ối [ă têa xúa ăm mâu hdroâng kuăn ngo ki kơtiê, tơdroăng rêh ối xahpá châ pêi pro tung mâu hơnăm hdrối mê hía nah. Ing luât pơkâ mê, hên rơpo\ng hngêi hiăng châ mơnhông tung rêh ối.

VOV4.Sêdang - Tung rôh hôp má 48 dêi Vi [an pơkuâ Kuo#k ho#i hdrối kố nah, mâu kăn hiăng veăng tơpui tối ‘na kơxop hlá mơéa Luât Rak vế tơniăn troăng prôk; tơdroăng kố châ pơcháu ăm Khu xiâm ngăn Ko\ng an lơ Khu xiâm ngăn troăng prôk rak ngăn hnê pơcháu [âng vê rơxế tâng ối ai hên tơdroăng ki tơpui tối phá tơ-ê dêi rơpó. Vi [an pơkuâ Kuo#k ho#i tối tiah kố, tơdroăng kố ai tơdjâk troh hnoăng cheăng rak ngăn tơnêi têa, pơkâ thế Chin phuh pôu râng dêi hnoăng cheăng xiâm tung tơku\m po pơkuâ, xing xoăng hnoăng cheăng. Tung mê kal mơgêi, mơnhên tối, malối cho mâu tơdroăng ki ai tơdjâk troh khu tơru\m pơkuâ tơnêi têa, liăn ‘no hrê; hriăn ngăn tơ’nôm tơdroăng ki rơkê ple\ng ing kong têa ê [ă troăng pơkâ pơlê pơla tung tơdroăng cheăng kố.