VOV4.Sêdang - Măng t^ng hiăng luâ, a Ninh Bình, pôa Nguyễn Xuân Phúc, Ngế pro xiâm hnê ngăn tơnêi têa pin hiăng lăm pôu ngăn túa mơjiâng kế tơmeăm mơ’no tê tơngi kong ê dêi Ko\ng ti tơlo liăn cheăng tê mơdró kế tơmeăm Đồng Giao, châ hlo, châ ‘nâi nhên tơdroăng ki mơ’no mâu plâi kơchâi pôm ki apoăng lăm troh a kơchơ dêi kong têa Nhuk dêi Ko\ng ti kố. Séa mơnhên [ă tối hôm khât hnoăng cheăng dêi Ko\ng ti hiăng thâ lo pêi cheăng klêi kơ’nâi to lâi hâi pơtê Têt, mê Ngế pro xiâm hnê ngăn Chin phuh hiăng pâ thế mâu khu pơkuâ ngăn tơdroăng cheăng tung lâp tơnêi têa thâ re\ng pêi cheăng hlối, rak vế tơniăn tơdroăng ki tê mơdró kế tơmeăm, tăng cheăng pêi ăm kuăn pơlê, pêi lo liăn tơniăn, veăng kum rak vế, pêi pro klêi hnoăng cheăng tung 3 khế apoăng hơnăm [ă tá plâ hơnăm 2019 tung lâp tơnêi têa.

VOV4.Sêdang - A pơlê kong krâm Gia Nghĩa, kong pơlê Dak Nông, mâu hâi apoăng hơnăm 2019 hiăng po Leh mơd^ng mơhno túa le\m tro teăn rơneăm kế tơmeăm Việt Nam rôh má môi. Tối tơbleăng a rôh leh, pôa Nguyễn Xuân Phúc, Ngế pro xiâm hnê ngăn tơnêi têa tối nhên, kal ngăn hlo mâu tíu cheăng kâ [ă mâu tơdroăng ki hiăng ai hlâu kal châ mơnhên tối tung rêm kế tơmeăm teăn ki hdroâng kuăn ngo pin hiăng kơhnâ teăn [ă tâi tâng mâu tơdroăng ki hâk tơngăm ‘na khôi túa le\m tro, mâu tơmeăm ki le\m mơhno tối ivá krê châ pơtroh [ă mâu pơché ki teăn. Pro klâi vâ rak vế [ă mơdêk khôi túa le\m tro ki hiăng ai mê? Tơdroăng hâi kố ai tơbleăng tối hnê mơhno dêi Ngế pro xiâm hnê ngăn Chin phuh a Leh mơd^ng teăn rơneăm kế tơmeăm Việt Nam rôh má môi vâ nôkố: ‘’Rêm plâ tơneăm ki teăn rơneăm mê châ mâu ngế ki pơchuât ngăn mơhno túa le\m tro dêi 54 hdroâng kuăn ngo Việt Nam’’.

VOV4.Sêdang - Ôh tá chiâng vâ kok tơmeăm mung liăn ing hngêi rak liăn, drêng pro hngêi ối pơrá athế mơjiâng pro ôh tá tro luât, mê cho tơdroăng ki hiăng trâm sap ing ton nah [ă dế pơtối ối hlo a Bu Nơr B, cheăm Quảng Tâm, tơring Tuy Đức, kong pơlê Dak Nông. Tơdroăng ki kố cho vâi krâ nho\ng o ôh tá châ hbru ăm hnoăng rak xúa tơnêi, xua Vi [an hnê ngăn kong pơlê hiăng tơku\m tâi tâng tơnêi ối, tơnêi pêi dêi [on tung tơdroăng tơkêa ăm khu mơdró kâ mung tơnêi, mung kong. Ôh tá tro lối chât hơnăm kố xuân tá hâi châ ‘mâi rơnêu, dế pro lối hr^ng rơpo\ng kuăn pơlê [on Bu Nơr B trâm pá tung pêi pro mâu túa pơkâ pêi cheăng kâ tê mơdró mơeăm hluăn ing kơtiê. Tuấn Anh, ngế chêh hlá tơbeăng ai chêh tối.

VOV4.Sêdang - A kong pơlê Hòa Bình, Khu kăn séa ngăn dêi Vi [an pơkuâ Kuo#k ho#i nếo tơku\m po hneăng hôp ‘’Tơdroăng ki pêi pro pơkâ dêi tơnêi têa ‘na kơdroh kơtiê krá tơniăn tung kơpong hdroâng kuăn ngo, peăng kong ngo-La mâu víu ngăn ki hên kơvâ’’. Hneăng hôp kố hiăng tối tơbleăng hên tơdroăng sap ing kơ koan tơniăn phá, kơ koan kong têa ê ‘na hnoăng cheăng rak ngăn tơnêi têa a tơnêi têa [ă a kong pơlê, mâu khu ki rơkê ple\ng tung tơnêi têa [ă kong têa ê ‘na troăng hơlâ dêi Đảng [ă dêi Tơnêi têa [ă kơpong hdroâng kuăn ngo [ă kong ngo, mâu tơdroăng ki xiâm tung pêi pro tơdroăng pơkâ dêi tơnêi têa kơdroh kơtiê krá tơniăn tung kơpong hdroâng kuăn ngo. Hoàng Thái, ngế chêh hlá tơbeăng ai chêh tối.

VOV4.Sêdang – Ôh tá châ môi khế xếo hiăng troh Têt Khôi hmâ Kỷ Hợi 2019. Tung pơla kố, Khu xiâm ngăn ko\ng an [ă khu ki ai tơdjâk troh ko\ng an mâu kong pơlê, pơlê kong kân hiăng [ă dế tối tơbleăng mâu túa pơkâ, troăng hơlâ hbrâ tơplâ mơdât [ă mâu ngế ki pro xôi [ă mâu ngế ki xôi luât ‘na trếo pơtôu, kế tơmeăm xúa ki ê malối cho mlo\i dế hlo rế hlo hên khât tung mâu rôh Têt troh. Ing mê, vâ rak tơniăn ăm kuăn pơlê sôk ro tơdah têt tơniăn, rơdêi, sôk ro.

VOV4.Sêdang - Têt Khôi hmâ Kỷ Hợi 2019 hiăng vâ chê troh, rơtế [ă tơdroăng ki tôu tuăn ‘na hmê – hmân ếo, phái, liăn lối hr^ng rơpo\ng kuăn pơlê a cheăm Đak Cấm, pơlê kong kơdrâm Kon Tum, kong pơlê Kon Tum dế ối trâm môi tơdroăng ki tôu tuăn nếo, mê cho ôh tá ai têa ôu kâ, hum roh. Ki rơhêng vâ tối cho tung lối hr^ng rơpo\ng kuăn pơlê trâm tơdroăng kố, ai 130 rơpo\ng hiăng cho tơmối dêi Ko\ng ti Tơlo liăn ‘no têa Kon Tum sap ing vâ chê 10 hơnăm kố. Khoa Điềm, ngế chêh hlá tơbeăng ai [ai chêh

VOV4.Sêdang - Măng t^ng hiăng luâ, a Hà Nội, Khu hnê mơhno cheăng Tơnêi têa ‘na pêi pro túa pơkâ tơniăn phá a mâu kong pơlê tơku\m po Hneăng hôp mơgêi tơdroăng mơjiâng [ă pêi pro túa pơkâ tơniăn phá a mâu kong pơlê hơnăm 2018, tối tơbleăng hnoăng cheăng hơnăm 2019. Veăng hôp ai jâ Trương Thị Mai, kăn cheăng tíu xiâm kal kí, kăn pơkuâ ngăn tíu xiâm Đảng, kăn pơkuâ hnê mơhnhôk cheăng tơnêi têa, poâ Trần Thanh Mẫn, kăn xiâm hnê mơhno cheăng Tơnêi têa, kăn pơkuâ ngăn tíu xiâm Đảng, kăn hnê ngăn Vi [an Tíu xiâm Măt tra#n tơnêi têa Việt Nam. Phương Thoa, ngế chêh hlá tơbeăng ai [ai chêh.

VOV4-Sêdang – Tây Nguyên-Tơnêi ki kân rơdâ la dế ai hên tơdroăng ki tơviah, phá tơ-ê mê cho kuăn pơlê ôh tá bê tơnêi vâ pêi chiâk pêi deăng. Lối chât rơpâu rơpo\ng kuăn pơlê dế kal tơnêi vâ pêi chiâk pêi deăng la tá hâi teăm xing xoăng tơnêi vâ pêi kâ. Kố cho môi tung mâu tơdroăng ki xiâm khoh chiâng ai tơdjâk troh tơdroăng ki đi đo ối kơtiê xahpá dêi mâu khu kuăn pơlê [ă tơdroăng ki ko ‘nhê kong pêi chiâk pêi deăng xuân môi tiah mâu tơdroăng ki ôh tá tơniăn ‘na cheăng kâ-rêh ối. Xua ti lâi kuăn pơlê ôh tá bê tơnêi vâ pêi chiâk deăng, ôh tá tơniăn tung hnoăng pơkuâ ngăn, xúa tơnêi tung kơpong, tơdroăng kố xua ki klâi?

VOV4.Sêdang - Hneăng hơnăm 2016 – 2020, troh mơ’nui hơnăm 2018, kơxo# rơpo\ng kơtiê tung lâp tơnêi têa ối dâng 6%, kơdroh 1 troh 1,3% tâng pơchông [ă 2017, hiăng ai 8 tơrting hluăn ing kơtiê tung tâi tâng 64 tơring kơtiê tiô pơkâ 30a, 14 tơring châ kâ tiô tơdroăng pơkâ 30a hluăn ing tơdroăng xơpá. Laga, tơdroăng ki ôh tá tơ’mô pơla kro [ă mơdro\ng, kơxo# rơpo\ng kơtiê a mâu kong ngo kơpong hdroâng kuăn ngo xuân ối hlo hên.

VOV4.Sêdang - Rôh hôp kăn [o# cho ‘’hnoăng cheăng xiâm’’ dêi tơdroăng ‘’hnoăng cheăng xiâm’’, pơkâ hnoăng ki [lêi chiâng lơ ôh dêi Khu kăn [o# pơkuâ ngăn. Xua hiâm mơno tuăn mơno Hồ Chí Minh ‘na hnoăng cheăng dêi kăn [o# tung mâu hâi hiăng luâ, mê Đảng hiăng kum ngăn khât tơdroăng hnê mơjiâng, tí tăng mơjiâng khu kăn [o#, ki má lối cho kăn [o# ki cheăng ton hơnăm. {ai hriâm ki kơnía git tung hnoăng cheăng kăn [o# tung mâu khế hơnăm hiăng luâ, mê tơdroăng ki mơjiâng, hnê tối, mơjiâng khu kăn [o# cheăng ton la ngiâ mê cho tơdroăng ki kal păng ‘nâng’’.