VOV4.Sêdang - A kong pơlê Kon Tum liăn ki ‘no mơhá ăm tơdroăng rak ngăn kong xua châ rak tơniăn ăm hnoăng cheăng ki ngăn lối 360 rơpâu ha kong, châ dâng 64,5% tung tâi tâng [ăng tơnêi kong dế nôkố dêi kong pơlê.

VOV4.Sêdang - Mâu hơnăm hiăng hluâ rơtế [a\ tơdroăng pêi pro tro hnoăng pêi chiâk deăng cheăng kâ, tơniăn cheăng lêng kring vế, gak ngăn tung cheăm tíu tơkăng kong ối tung tơring Tuy Đức, kong pơlê Dak Nông, mê Trung đoân 720 ({inh đoân 16) hiăng kum tơniăn tơdroăng rêh ối ăm hr^ng rơpo\ng vâi krâ hdroâng kuăn ngo Mông. Troh nôkố, vâi krâ pơrá ai hngêi ối, tơnêi pêi chiâk deăng, cheăng pêi tơniăn, kuăn ‘ne\ng châ hriâm tu\m, rak ngăn ivá, mơjiâng tơdroăng mơnhông mơdêk tu\m túa ăm kơpong tíu tơkăng kong dêi Tơnêi têa.

VOV4.Sêdang - Mâu hơnăm achê pơla kố, ai hên rơpo\ng kuăn pơlê a kơpong thôn 2 [ă thôn 3 dêi cheăm }ư\ Êbuôr, pơlê kong kơdrâm {uôn Ma Thuột, kong pơlê Dak Lak chiu pá rêh ối xêh tung tơnêi tíu ki ‘mêi, xú u\m ó xua ing tơdroăng ki păn mơnăn mơnôa. Maluâ hên hơnăm hdrối mê hía nah, kuăn pơlê hiăng tối tơbleăng hên troh kơ koan ngăn ‘na mâu tơdroăng cheăng, la tơdroăng kố xuân tá hâi teăm châ tơleăng mơnhên khât. Tuấn Long, Ngế chêh hlá tơbeăng cheăng tung Rơ’jíu Việt Nam ai chêh tối ‘na tơdroăng mê.

VOV4.Sêdang - Ai tơdjâk troh kơxo# liăn lối 59 rơtal liăn ki ối che\n ki tối vâ chêl thiăn ăm kuăn pơlê, veăng kum ăm kuăn pơlê a cheăm Đăk Nên, tơring Kon Plong ki pơla hdrối mê hía nah kong pơlê Kon Tum hiăng pâ thê Khu xiâm ngăn ‘na cheăng kơmăi kơmok [ă tê mơdró, Kăn xiâm hnê ngăn Ho#i đong ối tung Grup hrik chuâ têa châu têa kơxăng Việt Nam pơkâ thế Ko\ng ti pêi cheăng tiô rơnó mơjiâng on tơhrik Đăk Dring mơ’no liăn kum ăm cheăm kố. Maluâ ti mê, ki xiâm khoh pro khu ‘no liăn mơjiâng on tơhrik tá hâi mơdrếo tâi kơxo# liăn kố xua mâu khu râ, kơvâ cheăng dêi kong pơlê Kon Tum tá hâi teăm pêi pro klêi hô sơ tiô pơkâ. Khoa Điềm, Ngế chêh hlá tơbeăng cheăng tung Rơ’jíu Việt Nam ai tí tăng ‘nâi ple\ng ‘na tơdroăng kố.

VOV4.Sêdang - Dế ối rêh nah, pôa Hồ Chí Minh, Kăn xiâm hnê ngăn tơnêi têa hneăng hdrối cho ngế ki ôh tá vâ tơdroăng ki pro mơhno to pá kong, pro pơkrip. Pôa hiăng hôu tối kơtăng khât túa pêi cheăng ki ôh tá xê păng ‘nâng dêi mâu kăn [o#, đảng viên, [ă mâu khu pơkuâ cheăng ai pêi pro mơhnuâ tiah mê. {ă hnoăng tơ’noăng cheăng mơjo pâ tơnêi têa xuân tiah mê. Ki tơ’lêi châ hlo dế pơla kố cho mâu hneăng ki tơ’noăng a rêm râ, hên tíu ối hmâ pêi pro to a ngiâ, pá kong, xuân ối hên khu ngế ki pêi bu khoh ai ‘’Mơ’no cheăng la ôh tá pêi pro’’, ‘’Hnê tối la ôh tá mơhnhôk thế pêi’’. Ki rơhêng vâ tối, ối ai mâu kăn [o#, ko\ng chưk ki ối pơtối xo tơdroăng ki hlo dêi tơná cho kăn pơkuâ, ôh tá vâ djâ troăng ahdrối [ă ôh tá ai hnoăng veăng kum kuăn pơlê. Xua ti mê, tơ’noăng pêi pro tiô mơhno túa le\m tro a tíu pêi cheăng, hiâm tuăn cheăng, veăng kum khât ăm tơdroăng kum ăm kuăn pơlê, to\ng veăng ăm tơnêi têa cho môi tung mâu tơdroăng pơkâ thế, hnoăng cheăng tung chal nếo nôkố.

VOV4.Sêdang - Ô vâi krâ nho\ng o [ă pú hmâ! Măng t^ng hiăng luâ, Kuo#k ho#i hiăng klêi êng tiâ mơnhên mâu tơdroăng ki kal a Hneăng hôp má 7 [ă 4 khu ki ối tung hnoăng cheăng xiâm dêi 4 Ngế xiâm, mê cho êng pôa Tô Lâm, Ngế xiâm ngăn ko\ng an, pôa Phạm Hồng Hà, Ngế xiâm ngăn ‘na mơjiâng hngêi trăng, troăng klông, pôa Nguyễn Văn Thể, Ngế xiâm ngăn ‘na troăng prôk, rơxế kơtâu, pôa Nguyễn Ngọc Thiện, Ngế xiâm ngăn ‘na mơhno túa le\m tro, ivá [ă ôm hyô. Klêi kơ’nâi êng mê ăm hlo, mâu tơdroăng ki êng pơrá tơ’ló [ă tro khât dêi mâu tơdroăng rêh ối, pêi cheăng kâ, pơlê pơla ki kuăn pơlê [ă mâu kăn tung lâp tơnêi têa rơtế vâ ‘nâi ple\ng. Tơdroăng chêh tơku\m a kơ’nâi kố ai mơnhên ‘na hnoăng cheăng dêi Kuo#k ho#i, pó vâi krâ-nho\ng o kô tơmâng.