VOV.Bahnar - Pơgê brei (21/7) tơ̆ Pơsat Lĭnh lôch tang ăn teh đak Dốc Bà Đắc, dêh char An Giang, Thủ tướng Phạm Minh Chính vang năm pơm lêh hơpong, pơdong ƀŭ 81 kơting lĭnh lôch tang ăn teh đak, lĭnh năm jang tơgŭm, bơngai joăt jang Việt Nam lôch tơ̆ teh đak Campuchia păng lơ̆m teh đak.

VOV.Bahnar - Pơgê 21/7, tơ̆ Anih bơ̆jang Kơdră teh đak, Phŏ Kơdră teh đak Võ Thị Ánh Xuân tơƀơ̆p bơngai tang măt vang Hop akŏm Bơngai mơlôh hŏk jrŭ Việt Nam jơ̆p plei teh ‘măng mă VI, sơnăm 2025.

VOV.Bahnar - Hăm đon tơnăp bơ̆ jang yoa tơpôl, dôm jĭt ‘nâu sinh viên năm jang tơgŭm păng đe kăn ƀô̆, khul linh tơ̆ dêh char Đắk Lắk vang bơ̆ jang lơ tơdrong tơgŭm, vei lăng sơđơ̆ng ‘lơ̆ng tơdrong arih xa tơ̆ dôm tơring hơtăih yăih păng tơring sơlam. Dôm tơdrong jang tôch đei yoa ‘nŏh ưh lăp tơgop pơjing tơring tơrang ‘nao đĕch mă oei hơmet kơjăp tơdrong pơvei đơ̆ng linh hăm kon pơlei, tưk tơiung jơhngâm đon vang jang tơgŭm đơ̆ng jơhnơr mơlôh.

VOV.Bahnar – Kiơ̆ tơdrong đei jơnei đơ̆ng 'măng pơlong tôt ngĭp THPT sơnăm 2025, tơ̆ Gia Lai đei hloh 300 điêm 10 tơ̆ dôm môn pơlong. Kiơ̆ đơ̆ng noh ăn ƀôh hơdah tơdrong hơdrin kơ-'nôh đơ̆ng đe hŏk tro păng tơdrong jang pơtho pơhrăm tơnăp, đei jơnei đơ̆ng rim hnam trưng.

VOV.Bahnar – Pơgê 'năr brei (21/7), tơ̆ Hà Nội, Tổng Bí thư Tô Lâm truh akŏm păng iung pơma ah lêh tơbăt 65 sơnăm Năr juăt jue tơ-iung Anih jang akŏm hơlen tơdrong glăi lơ̆m tơpôl (26/7), sơng iŏk hơnăn pôk Khul jang Nuih mơng păng Hop akŏm pơlong jang băt 'mêm kơ teh đak kơ Anih jang akŏm hơlen tơdrong glăi lơ̆m tơpôl 'măng mă 7.

VOV.Bahnar – Pơgê 'năr brei (21/7), ƀok Trần Cẩm Tú, Kơdră juăt jang kơ Ƀan ƀĭ thư năm Hop akŏm bơngai tang măt Đảng ƀô̆ phương Bàn Thạch 'măng mă mônh, jăl jang 2025 – 2030.

VOV.Bahnar – Đe Kơdră Anih jang vei lăng kon pơlei dêh char Lâm Đồng păng rim anih jang, anih vei lăng kon pơlei dôm xah đei tơrĕk hlôi hơlen tơdrong jang păng hop akŏm tơmơ̆ng tơroi gah tơdrong pơm kiơ̆ Tơdrong ming man jăl trong kơdou hrenh Bảo Lộc – Liên Khương.

VOV.Bahnar - Hăm pơrô̆ jang tĕnh koăng, kơtang, dêh char Lâm Đồng hlôi xek tơlamg keh đang hloi dôm tơdrong tơhlăk tơhlĭn lơ̆m chĕp pơgơ̆r khul kơdră 2 kâp păng dơ̆ng mă 7 lơ̆m teh đak găh bơ̆ jang pơm hla bơar.

VOV.Bahnar – Anih vei lăng kon pơlei dêh char Gia Lai ‘nao đei hla ar pơtho ăn dôm anih jang kơpal păng dôm anih vei lăng kon pơlei xăh, phường hơmet ming anih jang, tơmam vă pơvih ăn Khul kơdră pơgơ̆r tơring ‘nao đơ̆ng rŏng kơ tơmât hơdai anih vei lăng.

VOV.Bahnar – Pơgê brei (20/7), Đại tướng Phan Văn Giang, Kơdră tơm vei lăng khul linh teh đak năm ngôi, pơlung, hơpăh tơmam ăn dôm unh hnam đei kŏng rơgei păng dôm khul linh tơ̆ dêh char Đắk Lắk ƀlep ƀât tơbăt 78 sơnăm Năr Linh jĭ rơka – Linh lôch tang ăn teh đak (27/7).