VOV4.Bahnar - ‘Măng pơlong tôt ngiêp jăl 3 sơnăm 2025 tŏk bŏk vă jê̆ truh. ‘Nâu jĭ ‘măng mă blŭng ‘măng pơlong đei pơgơ̆r kiơ̆ Tơdrong pơtho pơhrăm phô thŏng sơnăm 2018 hăm lơ tơdrong ‘nao pơđĭ hloi găh pơm ƀai hăm trong pơlong. Anih vei lăng găh Pơhto pơhrăm dêh char Đắk Lắk hlôi kơchăng tơlĕch jang lơ trong jang hơtŏk ‘lơ̆ng ôn ƀai, hơmet ăn ‘lơ̆ng găh đon tơchĕng păng tơdrong hlôh vao ăn hŏk tro yak mơ̆t lơ̆m ‘măng pơlong gĭt kăl âu.

VOV4.Bahnar - Kơsơ̆ năr 25/5, tơ̆ Anih jang kơ Thủ tướng teh đak Malaysia, Thủ tướng Anwar Ibrahim hlôi pơgơ̆r lêh sơng Thủ tướng Phạm Minh Chính, Hơkăn ƀok păng khul kơpal tang măt ăn Việt Nam năm tơmang truh teh đak Malaysia.

VOV4.Bahnar – 'Năr ou (26/5), sơng iŏk nơ̆r hơvơn đơ̆ng Kơdră teh đak bơ̆n Lương Cường, Kơdră teh đak Phalăng Emmanuel Macron păng Hơkăn ƀok pơtơm năm tơmang Kơpal truh teh đak Việt Nam. 'Nou jĭ anih pơdơh jơ̆ng mă blŭng lơ̆m 'măng năm tơmang tơring Đông Nam Á đơ̆ng ƀok kơdră teh đak Phalăng, tơƀôh tơdrong lăng tơgĭt mă Phalăng 'măn ăn Việt Nam.

VOV4.Bahnar - ‘Năr 20 khei 5 sơnăm 2025, Kơdră teh đak adrol ki, ƀok Trần Đức Lương lôch tơ̆ Hà Nội, arih sot 88 sơnăm. Ƀok lôch hơchăng jĭ tơdrong hiong răm tih hăm Đảng, Teh đak păng kon pơlei Việt Nam, ‘măn ƀĕnh jơhngâm ‘mêm tôch pơnach, hmach tôch pơneh ăn kon pơlei jơ̆p tơring lơ̆m teh đak. Ƀok Trần Đức Lương jĭ kơdră chĕp kơ̆l gơ̆h hơgei, tơnăp ‘lơ̆ng, mă jang kơchư̆k kiơ, đơ̆ng ki sư hơlen năng teh năm jơ̆p tơring truh bơngai chĕp kơ̆l teh đak, ƀok hơnơ̆ng ‘măn đei lơ tơdrong ‘lơ̆ng hơiă, bơ̆ jang plang đĭ jơhngâm, vang tơgop tih tên ăn tơdrong pơjing păng atŏk tơiung teh đak, vei lăng teh đak.

VOV4.Bahnar - Pơgê năr 23/5, tơ̆ pơlei tơm Buôn Ma Thuột, Hơnih vei lăng kon pơlei dêh char Dak Lăk pơgơ̆r Pơm lêh Tơbăt 50 sơnăm năr joăt joe Ƀô̆ đô̆i vei lăng sơlam teh đak dêh char (23/5/1975 – 23/5/2025) păng sơng iŏk Mê đai vei lăng năng tông Teh đak dơ̆ng mă Pêng.

VOV4.Bahnar - Kơ iĕng Thủ tướng Lê Thành Long bơ̆ jang hăm Hơnih tơm vei lăng Hnam trương pơtho pơhrăm găh trong vă pơjing Tơdrong tơchơ̆t gơh jang kơ khul kơdră chĕp pơgơ̆r tơring lơ̆m tơdrong pơtho pơhrăm kiơ̆ trong khul kơdră tơring ƀar kâp .

VOV4.Bahnar - Kơdră chĕp pơgơ̆r Đảng, Teh đak năm hơpong Kơdră so chĕp pơgơ̆r Teh đak Trần Đức Lương.

VOV4.Bahnar - Pơgê 23/5, tơ̆ Pơsat lĭnh lôch dŏng teh đak apŭng Đức Cơ, dêh char Gia Lai hlôi pơgơ̆r pơdong ƀŭ 23 kơting lĭnh lôch dŏng teh đak Lĭnh năm tơgŭm păng bơngai joăt jang kơ Việt Nam, lôch tơ̆ teh Campuchia kiơ̆ rim jơhnơr tơblăh vang.

VOV4.Bahnar - Kơsơ̆ brei (23/5), tơ̆ Anih bơ̆jang kơ Khŭl kơdră teh đak, Phŏ Thủ tướng Nguyễn Chí Dũng pơgơ̆r ‘măng hop akŏm găh tơdrong klăih song hơnăp jang đơ̆ng Anih tơm Khoa hŏk păng Kơmăy kơmŏk kiơ̆ tơdrong hơgăt đơ̆ng Luơ̆t pơgơ̆r Khŭl kơdră teh đak, Luơ̆t pơgơ̆r khŭl kơdră chĕp kơ̆l tơring păng pơgơ̆r khŭl kơdră chĕp kơ̆l tơring 2 tăl.

VOV4.Bahnar - Tơ̆ plt Đà Lạt, Kơdră jang lơ̆m Anih tơm Chinh trĭ, Phó Thủ tướng Nguyễn Hòa Bình ‘nao đei jơ bơ̆ jang hăm Khul kơdră chĕp kơ̆l Đảng dêh char Lâm Đồng, Bình Thuận păng Đắk Nông găh bơ̆jang kiơ̆ tơdrong tơchơ̆t ‘măng mă 11 đơ̆ng Khul kơdră chĕp kơ̆l Trung ương Đảng jăl XIII, hơdai hăm chih pơjing hla ar kăl, tơdrong rơih hơmet bơngai jang. Phó Thủ tướng Nguyễn Hòa Bình pơma hơdăh: ‘Nâu jĭ tơdrong jang tôch gĭt kăl, dôm tơring athei ‘moi kiơ̆ tơdrong hơgăt đơ̆ng Đảng păng Teh đak vă bơ̆jang mă trŏ, kơjăp ‘lơ̆ng, rơđăh rơđong.