VOV4.Bahnar - Kơsơ̆ (14/7), tơ̆ Anih bơ̆jang Khŭl kơdră teh đak, Thủ tướng Phạm Minh Chính sơng ƀok Masayuki Omoto, Kơdră dơnơm vei lăng Grŭp jang Marubeni (Nhật Bản) tŏk bŏk năm ngôi bơ̆jang tơ̆ Việt Nam vă pơtrŭt tơmơ̆t jên jang hơdai, tĕch mơdro.

VOV4.Bahnar - Ƀok Phan Đình Trạc – Kơdră Anih jang Nô̆i chĭnh Trung ương atŭm hăm Khul tang măt ăn Kuôk hô̆i dêh char Lâm Đồng 'nao akŏm pơma dơnuh hăm kon pơlei tah hla tơ̆ xah Lạc Dương.

VOV4.Bahnar - Lơ̆m năr 12 păng 13/7, Hop akŏm Đảng ƀô̆ Jơnŭm pơgơ̆r Ƀô đô̆i vei lăng sơlam teh dêh char Đăk Lăk 'măng mă mônh hlôi pơgơ̆r keh kong.

VOV4.Bahnar - Thủ tướng hơpơi ‘mĕh bơngai tăh hla, mă loi jĭ dôm bơngai jang khoa hŏk hơnơ̆ng tơgop nơ̆r, tơƀôh trong jang ăn teh đak.

VOV4.Bahnar - Pơgê 13/7, đơ̆ng rŏng 2 năr bơ̆ jang tơpăt ‘lơ̆ng, Hop akŏm bơngai tang măt Đảng ƀô̆ Anih Radio nơ̆r pơma Việt Nam ‘măng mă 27, jăl jang đơ̆ng 2025–2030 đei pơgơ̆r đang ‘lơ̆ng hơiă.

VOV4.Bahnar - Giĕng ou ki, tơ̆ Hnam Kuô̆k hô̆i hlôi pơgơ̆r ‘Măng hop akŏm mă 47 kơ Hơnih bơ̆ jang chĕp pơgơ̆r Kuô̆k hô̆i. Pơm tơm Hop akŏm, Kơdră chĕp pơgơ̆r Kuô̆k hô̆i Trần Thanh Mẫn athei akŏm tơ iung pơjing tơdrong jang khôi luơ̆t, tơplih ‘nao kơtang pơđĭ dôm trong jang păng tơdrong jang ‘lơ̆ng vă sơkơ̆t hơdăh hơnăp jang pơchoh trong, pơjing ăn jăl jang atŏk tơ iung ‘nao.

VOV4.Bahnar - Đơ̆ng ‘năr 1/7/2025, 2 dêh char Bình Định păng Gia Lai đei tơmơ̆t hơdai, iŏk hơnăn ‘nŏh dêh char Gia Lai. Đơ̆ng groi kông Pleiku truh tơ̆ đak dơsĭ găh Tơring Tŏk bŏk, tơring teh đei tơmơ̆t hơdai gô jing tơdrong ‘lơ̆ng vă jang tŏk, hăm lơ tơdrong pran đơ̆ng tơgoăt hơdai lơ anih jang păng lơ tơring.

VOV4.Bahnar – Đơ̆ng rŏng tơmơ̆t hơdai 3 dêh char Lâm Đồng, Đăk Nông păng Bình Thuận, dêh char Lâm Đồng ‘nao đei teh să hloh lơ̆m jơ̆p teh đak hăm hloh 24.000km², kơsô̆ măt bơngai đei jê̆ 3,9 triu ‘nu, 124 anih jang hanh chinh tơ̆ xah, joh ayŏ đak dơsĭ - bri lơ tơdrong. Lơ̆m tơchơ̆t hơtŏk tơ-iung ah jăl ‘nao, atŭm hăm iŏk yua tơnăp tơdrong hiôk, mŭk drăm hlôi đei, dêh char Lâm Đồng sơkơ̆t hơdah pơtoi iŏk yua tơdrong pran kơtang gah Tơguăl tơguăl vă pơjing jơhngơ̆m pran atŭm pơjing dêh char Lâm Đồng hơtŏk tơ-iung kơjăp.

VOV4.Bahnar - Tơ̆ tơring sơlam Đắk Lắk, đei đak krong Ea Hleo, pơtruh mơ̆r đơ̆ng teh dơ̆k păng đak tơruih ăn tơdrong choh jang xa. Mĭnh năr ‘noh, đe kăn ƀô̆ sir đei tơmam tôch kăp gĭt tơ̆ âu, anih đei tơmam âu tôch lơ, hlôi đei kơlơ̆p lê̆ lơ̆m teh truh rơbâu sơnăm. ‘Nŏh jĭ Anih sir chă tơmam kră sơ̆ Thác Hai, 1 anih pơm ‘long khoan hăm tơmo đunh kơ âu đơ̆ng 4.000 sơnăm adrol sơ̆.

VOV4.Bahnar – Lơ̆m tơdrong adrin kăt tơjur khul bơngai jang, bơ̆ jang kiơ̆ trong tơmât hơdai dôm anih jang, Anih vei lăng choh jang xa păng cham char Lâm Đồng tơjur pă 394 ƀiên chê̆; jur đei 46 anih jang. ‘Ngoăih kơ ‘nŏh Anih vei lăng hlôi tơroi ăn Anih vei lăng kon pơlei dêh char Lâm Đồng pơm hla ar asong pơdơ̆h hưu, pơdơ̆h jang kiơ̆ tơdrong Hơgăt 178 ăn 46 ‘nu kăn ƀô̆.