VOV4.Bahnar - Bơ̆ jang kiơ̆ tơdrong tơchơ̆t 57 găh atŏk tơiung khoa hŏk, kơmăy kơmŏk păng tơplih ‘nao rơgei, dôm anih jang, tơring tơrang tơ̆ găh Pơbăh kơ Tơring Tŏk bŏk păng Tây Nguyên oei hơtŏk tơdrong tơplih hăm kơmăy sô̆ đơ̆ng tơring  truh tơ̆ dêh char, tơguăt hrơ̆ch ‘lơ̆ng dôm trong jang mŭk drăm, tơpôl, mă loi jĭ choh jang xa, chă tơmang lăng păng jang kơmăy pơm tơmam. Gơnơm đơ̆ng noh, dôm anih tĕch mơdro đei tŏk iŏk jên păng pơgơ̆r jang xa ‘lơ̆ng, rơđăh rơđong păng đei yoa, pơjing jơhngâm pran ăn tơdrong jang tŏk pran kơjăp tơ̆ tơring.

VOV4.Bahnar - Pơgê 7/7, Kơdră teh đak Lương Cường truh Hop akŏm pơtôch 6 khei blŭng sơnăm kơ Anih tơm vei lăng Kŏng an.

VOV4.Bahnar - Trong bơ̆ jang khul kơdră chĕp pơgơ̆r tơring 2 kâp iung jang hloh mĭnh giĕng kơ ou, ma wlei hlôi ƀôh tơplih hơdăh dôm tơdrong tơplih ‘nao hơ iă tơ̆ lơ tơring. Tơ̆ dêh char Lâm Đồng, tơ̆ lơ tơring, phương dôm tơdrong bơ̆ jang hlôi tơplih hơdăh, lăng kon pơlei, hơnih mơdro sa jĭ tơmoi vă pơvih pơvăn ‘lơ̆ng hloh.

VOV4.Bahnar – Hop akŏm Kơpal BRICS 2025 pơtơm ah pơgê năr 6/7 (kiơ̆ jơ tơ̆ tơring), tơ̆ pơlei tơm Rio de Janeiro, teh đak Brazil. 'Nou jĭ 'măng mă blŭng Việt Nam năm hop akŏm hăm sơnong Teh đak vang Hop akŏm kơpal BRICS, minh tơchơ̆t jang hơdoi lơ teh đak kơ dôm teh đak jang mŭk drăm 'nao hơtŏk tơ-iung păng roi năr đei tơrĕk truh tơdrong jang mŭk drăm păng chĭnh trĭ.

VOV4.Bahnar – ‘Năr 6/7 (kiơ̆ jơ tơ̆ tơring), ƀlep ƀât vang truh Hop akŏm tih BRICS pơih xă tơ̆ Rio de Janeiro, Brasil, Thủ tướng Phạm Minh Chính hlôi tơƀâp Thủ tướng Malaysia Anwar Ibrahim.

VOV4.Bahnar – Anih vei lăng choh jang xa păng cham char dêh char Đắk Lắk pơgơ̆r Hop akŏm roi tơbăt tơdrong tơchơ̆t đơ̆ng Jơnŭm pơgơ̆r kon pơlei dêh char păng Tơdrong tơchơ̆t đơ̆ng Anih vei lăng kon pơlei dêh char găh tơdrong pơjing, hơmet ming anih jang, atŭm hăm ‘nŏh roi tơbăt dôm tơdrong tơchơ̆t pôk hơtŏk kăn ƀô̆ tơm dơnơm.

VOV4.Bahnar - Kŭm hăm lơ̆m teh đak, dêh char Đắk Lắk pơtơm tơmơ̆t bơ̆jang khŭl kơdră chĕp kơ̆l 2 tăl. Ƀlep 1 giĕng bơ̆jang kiơ̆ tơdrong jang ‘nao, 102 xăh, phường lơ̆m dêh char hlôi hơdrin iŏk yua tơplih kơsô̆ lơ̆m pơm bơ̆n hla ar kŭm nhen pơtho kon pơlei mưh năm pơm hla ar.

VOV4.Bhanar - Lăp đơ̆ng rŏng hơgrop dêh char Kon Tum, dêh char ‘nao Quảng Ngãi đei 9 tơring sơlamn teh đak. Bơ̆ jang ‘lơ̆ng hơ iă khul kơdră chĕp pơgơ̆r 2 kâp, tơ̆ rim tơring sơlam teh đak kơ dêh char hlôi đei kơdrơ̆m kon pơlei năm truh hơih bơ̆ jang tơring hle vă pơm hla bơar. Kon pơlei jei chơt hiôk, lăp đon găh trong bơ̆ jang đơ̆ng đe kang ƀô̆.

VOV4.Bahnar - Tơdrong hơrih sa tơpôl roi năr roi rơ ông rơ ang ‘noh ŭnh hnam sa roi đei tơnăp jang kăl hloh dơ̆ng, tơgŭm ăn rim bơngai đei tơdrong sơđơ̆ng dơ̆ng kơjăp. Mă lei rim ŭnh hnam jei kăl đei rim bơngai lơ̆m ŭnh hnam vei lăng năng tông kiơ̆ trong trŏ lăp, vă roi năr roi đei hơrih sa phĭ tơtŏ dơnŏ ‘lơ̆ng, hơnŭk hơnoa.

VOV4.Bahnar – Kơsơ̆ năr 3/7, Thủ tướng Phạm Minh Chính pơgơ̆r Hop akŏm trư̆k tuyê̆n Jơnŭm pơgơ̆r teh đak hăm 34 dêh char, pơlei tơm păng chô̆ pơdah hăm hloh 3.300 xah, phương lơ̆m jơ̆p teh đak.