VOV4.Bahnar - Kơsơ̆ 29/2, yă Nguyễn Thị Kim Thúy, Phŏ Kơdră Anih vei lăng tơpôl kơ Quốc hội, Kơdră chĕp kơ̆l Khul dăr lăng đơ̆ng anih âu đei jơ bơ̆ jang hăm Anih vei lăng kon pơlei dêh char Đắk Lắk găh tơdrong bơ̆ jang kiơ̆ trong tơgŭm, khôi luơ̆t pơm hơtŏ hơnơ̆ng kơplăh drŏ kăn hăm drŏ nglo tơ̆ dêh char sơnăm 2023; tơdrong pơm kiơ̆ Luơ̆t iŏk unh om chom gŏ păng unh hnam đơ̆ng 2015 - 2023.

VOV4.Bahnar - Hop akŏm tih Jăl 55 Anih vei lăng tơdrong pơm tơm kơ Liên hợp quốc hlôi tôch lơ̆m ‘năr 29/2, tơ̆ Giơ-ne-vơ – Thụy Sỹ. Khul tang măt ăn Việt Nam yoa Kơdră tơm jang tơbôl Bùi Thanh Sơn chĕp kơ̆l vang truh akŏm păng đei ƀai iung pơma gĭt kăl, tơƀôh hơdăh tơdrong tơgop tôch ‘lơ̆ng păng đon jang tơnăp đơ̆ng Việt Nam hăm 1,2 tơdrong pơlong nol dêh hlŏh mă apŭng plenh tĕh athei tơjră.

VOV4.Bahnar - Bơngai chă pơma tơlĕch nơ̆r kơ Anih tơm jang tơbôl Phạm Thu Hằng pơma rơđăh: Đon tơchĕng đơ̆ng Việt Nam hăm hơnih đak dơsĭ đơng Tư Chính jĭ drơ̆ng lăp hăm băl păng hlôi đei sơkơ̆t hơdăh lơ ‘măng.

VOV4.Bahnar - Kơsơ̆ 29/2, tơ̆ Anih bơ̆jang Trung ương Đảng, hlôi pơgơ̆r Hop akŏm tơƀơ̆p muh măt bơngai hŏk jrŭ, bơngai jang khoa hŏk, bơngai joh hơri hơsoang ƀlep ƀơ̆t blŭng Pơyan puih mak Giáp Thìn 2024. Kơdră teh đak Võ Văn Thưởng vang truh hop akŏm.

VOV4.Bahnar – Sơng iŏk nơ̆r krao đơ̆ng Phó Thủ tướng, Kơdră tơm jang tơbôl păng vei lăng khul linh teh đak Ireland Micheal Martin, Kơdră tơm jang tơbôl Bùi Thanh Sơn oei năm hơpong tơ̆ teh đak Ireland. Ƀok kơdră Bùi Thanh Sơn hlôi tơƀâp pơma nuh hăm Kơdră tơm teh đak Ireland Michael D. Higgins.

VOV4.Bahnar - Bơ̆ jang kiơ̆ nơ̆r pơtho đơ̆ng Thủ tướng teh đak, pơgê (29/2), tơ̆ plt Pleiku, dêh char Gia Lai, Khul kơdră teh đak pơgơ̆r Hop akŏm atŏk tơiung mŭk drăm, tơpôl tơklep hăm vei sơđơ̆ng tơ̆ tơring Tây Nguyên.

VOV4.Bahnar  - Pơgê brei (29/02), tơ̆ Anih jang tơbôl Trung ương, Bí thư Trung ương Đảng, Kơdră anih jang tơbôl Trung ương Lê Hoài Trung hlôi đei jơ pơma đam trực tuyến hăm Kơdră anih jang tơbôl Trung ương Đảng Cộng sản Cu-ba.

VOV4.Bahnar – Kơsơ̆ ‘năr brei (28/2), tơ̆ Hà Nội, Anih jang Đảng dôm anih jang Trung ương pơgơ̆r Hop akŏm hơlen hơdah tơdrong kăl lơ̆m kơsơ̆p hla bar chih đơ̆ng Ƀok Tổng Bí thư Nguyễn Phú Trọng. Hop akŏm đei akŏm trư̆k tuyê̆n hloh 400 anih chô̆ pơtoi păng đei hloh 8.300 đảng viên truh akŏm.

VOV4.Bahnar - Ƀlep jơ ‘năr Campuchia pơgơ̆r keh kong ‘măng pôk rơ̆ih Thượng viện jăl V lơ̆m năr 25/02/2024, Tổng Bí thư Nguyễn Phú Trọng pơtruh kơthơ hmach chơt hơ iă ăn Kơdră chĕp pơgơ̆r Đảng Kon pơlei Campuchia Hunsen.

VOV4.Bahnar - Pơgê năr 28/2, dêh char Bình Thuận pơgơ̆r pơm lêh tơbăt pơprŏ dêh char jăl jang 2021-2030, lăng truh sơnăm 2050. Kơ iĕng Thủ tướng Teh đak Trần Hồng Hà vang năm păng iung pơma tơ̆ pơm lêh.