VOV4.Bahnar - Tơdrong tơblah tih Hồ Chí Minh jơhnơr hơrih – tơdrong tơblah khŏm mă đei jơnei, tơdrong tơblah tih pơyan Puih mak 1975 – 'noh gru kơnăl ang hơdah, pơm gru kơnăl kơ tơdrong tơblah Mi, dŏng teh đak hlôi pơtôch hăm tơdrong tơblah jơnei tơring pơbah, rơngei teh đak.

VOV4.Bahnar - Tơbăt 50 sơnăm Năr Tơblah jơnei tơring pơbah, rơngei teh đak, pơgê năr 30/4, pơlei tơm Hồ Chí Minh jang atŭm hăm Anih tơm pơgơ̆r khul linh pơtơm tơdrong pơrok linh tih să.

VOV4.Bahnar - Lơ̆m jơhngâm đon chơt hơiă tơbăt 50 sơnăm iŏk rơngei đĭ đăng tơring Pơbăh, pơjing đei mĭnh teh đak kơjăp ‘lơ̆ng, mih ma duch nă dôm hơdrĕch kon kông tơ̆ Tây Nguyên roi čhôk ‘nă hlŏh dơ̆ng hăm dôm tơdrong jơnei lơ̆m tơdrong jang atŏk tơiung mŭk drăm, tơpôl păng pơm hơtŏk tơdrong arih xa ăn kon pơlei.

VOV4.Bahnar - Dôm năr ‘nâu đunh kơ âu 50 sơnăm sơ̆, hăm jơhngâm đon iung tơblăh tôch kơtang, khul linh păng kon pơlei lơ̆m teh đak hlôi pơjing đei tơdrong tơblăh Jơnei tih Pơyan Puih mak sơnăm 1975, iŏk rơngei đĭ đăng tơring Pơbăh, pơjing đei 1 teh đak kơjăp ‘lơ̆ng.

VOV4.Bahnar - Mât mĭnh ƀơ̆r đon ‘nŏh jĭ tơdrong juăt tôch kăp gĭt đơ̆ng hơdrĕch hơdrung bơ̆n, jĭ jơhngâm pran vă tơblăh hŭt hơyăt, iŏk dơ̆ng tơdrong rơngei hiôk hian, pơjing mĭnh teh đak kơjăp ‘lơ̆ng. Tơ̆ dêh char Đắk Lắk pơma hơdrô̆, Tây Nguyên pơma atŭm, đơ̆ng rŏng 50 sơnăm pơjing đei 1 teh đak kơjăp ‘lơ̆ng, mât 1 ƀơ̆r đon jing Tơdrong tôch ‘lơ̆ng lơ̆m tơdrong arih xa, vang mong akŏm đei jơhngâm đon ‘mêm mơnat păng gơ̆h hơgei, tơgŭm ăn pơlei pơla jang tŏk roi pơdrŏng păng pran kơjăp.  

VOV4.Bahnar - Kơsơ̆ năr 28/4, Khul kơdră tang măt Kuô̆k hô̆i dêh char Dak Lăk pơgơ̆r Hop akŏm iŏk nơ̆r tơgop đơ̆ng rim hơnih bơ̆ jang păng tơring lơ̆m dêh char, tơgop nơ̆r hăm 7 trong vă jang pơtruh ăn Kuô̆k hô̆i tơ̆ ‘Măng hop akŏm mă 9, Kuô̆k hô̆i jăl XV.

VOV4.Bahnar - Kơdră chĕp pơgơ̆r Teh đak Lương Cường hlôi sơng pơmna dơnuh hăm Tổng Bí thư, Kơdră chĕp pơgơ̆r Teh đak Lào Thoong-lun Xi-xu-lít ƀlep lơ̆m năr ƀok năm tơmang Việt Nam.

VOV4. Bahnar - Ƀlep lơ̆m jơ Tơbăt 50 sơnăm năr Rơngei tơring Pơbăh, Teh đak rơngei keh kong, kơsơ̆ năr 28/4 tơ̆ Hà Nội, Tổng Bí thư Tô Lâm hlôi soh hlôt nhang ăn Đại tướng Võ Nguyên Giáp hăm Đại tướng Văn Tiến Dũng - Ƀar ‘nu yŏng tơgop tih tên ăn tơdrong jang pơm rơngei hơdrech hơdrung, teh đak rơngei keh kong.

VOV4.Bahnar – Tơbăt 50 sơnăm Năr tơblăh iŏk rơngei đĭ đăng tơring Pơbăh, pơjing đei mĭnh teh đak kơjăp ‘lơ̆ng, Tổng Bí thư Tô Lâm đei ƀai chih tôch gĭt kăl hăm hơnăn “Teh đak Việt Nam jĭ mĭnh, hơdrĕch hơdrung Việt Nam jĭ mĭnh”. Đơ̆ng rŏng âu nhôn apinh tơroi tơƀôh ƀai chih ‘nâu.

VOV4.Bahnar - Vă jê̆ pơđăm jĭt sơnăm hlôi yak hloh jô̆ đơ̆ng năr rơngei tơring pơbăh, Teh đak rơngei keh kong. Hăm dôm ƀô̆ đô̆i so hlôi vang iung tơblăh ‘măng iung tơblăh Hồ Chí Minh gĭt kăl, ƀlŏk hơdơ̆r găh dôm ‘măng tơblăh kơtang tơ̆ kơđông Đồng Dù, Củ Chi dăh mă Dinh Độc Lập oei ƀôh nhen dang ei lơ̆m jơhngơ̆m đon.