VOV4.Bahnar

VOV4.Bahnar – Gơmăng hei (26/6), Thủ tướng Phạm Minh Chính kŭm hăm khul tang măt ăn Việt Nam lĕch đơ̆ng Thượng Hải vih tơ̆ Hà Nội, pơtôch dôm tơdrong jang vang truh Hop akŏm rim sơnăm dôm bơngai năm hơdrol ‘măng mă 16 kơ Hop akŏm Khul jang mŭk drăm apŭng plenh teh pơgơ̆r tơ̆ plt Thiên Tân; năm ngôi păng bơ̆ jang tơ̆ Thượng Hải, Trung Quốc. 

VOV4.Bahnar - Lăp pă dôm năr dơ̆ng, khul kơdră pơgơ̆r tơring 2 tăl tơ̆ dêh char Đắk Lắk pơtơm mât bơ̆ jang tơpă. Khul kơdră chĕp kơ̆l Đảng, khul kơdră pơgơ̆r tơring oei pơgĕnh, tơgĕch iŏk jơnăr vă hơmet pơkĕh rim tơdrong, đơ̆ng khul kơdră pơgơ̆r, ăn khul bơngai jang truh hơmet pơ ‘lơ̆ng anih jang, tơmam drăm vă huei đei tơdrong pơjuăl, găn trong pơgơ̆r bơ̆ jang, vei lăng.

VOV4.Bahnar - Tơdrong jang vă pơm ‘lơ̆ng ăn tơdrong gơh hŏk pơhrăm đơ̆ng hŏk tro kon kông, pơjing khul bơngai jang hơgei pơyua ăn tơdrong jang atŏk tơiung mŭk drăm - tơpôl tơ̆ tơring hơtaih yaih.

VOV4.Bahnar – Kơsơ̆ năr 26/6, tơ̆ Hơnih jang Ƀok Kơdră, Kơdră teh đak bơ̆n Lương Cường hlôi pơm jang hăm Hơnih jang Kơdră teh đak gah tơdrong pơm jang ah khei 6 păng tơlĕch sơnong jang dơnơm ăn khei 7/2025.

VOV4.Bahnar – Kơsơ̆ năr 26/6, tơ̆ pơlei tơm Pleiku, Hơnih jang dơnơm kơ Tĭnh uy Gia Lai hlôi pơgơ̆r Hop akŏm 'măng mă 20 Ƀan châ̆p hanh Đảng ƀô̆ dêh char jăl 16 (pơih să).

VOV4.Bahnar – Kơsơ̆ năr 26/6, hloh 22.000 'nu bơngai pơlong tơ̆ Đăk Lăk hlôi keh đang pơlong môn Toan, pơtôch năr pơlong mă blŭng kơ 'măng pơlong tôt ngĭp THPT sơnăm 2025.

VOV4.Bahnar - Đơ̆ng rŏng 2 sơnăm tơlĕch jang kiơ̆ Tơdrong tơchơ̆t kơ Đảng uỷ Tơring 4 Ƀô̆ đô̆i đak dơsĭ găh “Jơk ƀlĭk tơ̆ Trường Sa”, hlôi đei hloh 80% hơgăt teh rim achon gơh pơtăm ‘long tih. Cham char jơk ƀlĭk păng tu đak hmă roi năr roi sơđơ̆ng, tơdrong hơrih sa Trường Sa roi năr roi ‘lơ̆ng rŏ.

VOV4.Bahnar – Hăm hơnăn "Tơdrong iung pơm jang ăn minh chăl sơnăm 'nao", Hop akŏm rim sơnăm Dôm bơngai yuk hơlou 'măng mă 16 kơ tơdrong Hop akŏm Mŭk drăm Apŭng plenh teh (WEF Thiên Tân). Đei pơgơ̆r đơ̆ng năr 24 – 26/6 hăm tơdrong vang truh akŏm đơ̆ng hloh 1.700 'nu tang măt jing Kơdră kơpal, tang măt ăn dôm hơnih jang tơm, hơnih jang apŭng plenh teh, bơngai juăt jang, bơngai hŏk kơjung păng kơdră kơ dôm hơnih jang mŭk drăm truh đơ̆ng jê̆ 100 teh đak lơ̆m jơ̆p apŭng plenh teh.

VOV4.Bahnar – Hăm hơnăn “Unh hnam jơnap – Teh đak pơdrŏng pran”, Năr akŏm Unh hnam Việt Nam sơnăm ou đei pơgơ̆r tơ̆ Hơnih akŏm joh ayŏ - tơmang pơhiơ̆ dêh char Đăk Lăk đơ̆ng năr 25/6 truh đĭ năr 29/6, hăm tơdrong vang akŏm đơ̆ng dêh char, pơlei tơm đei Sơn La, Tuyên Quang, Lạng Sơn, Ninh Bình, Thanh Hóa, Huế păng Đăk Lăk.