VOV4.Bahnar - Pơgê brei (17/6), tơ̆ Hà Nội, Học viện Chính trị quốc gia Hồ Chí Minh pơgơ̆r Hop akŏm pơjei băl ‘mêm kơ teh đak ‘măng VI (2025-2030).  

VOV4.Bahnar – Kơsơ̆ năr (16/6), tơ̆ Hà Nội, Anih jang Đảng Măt trâ̆n Tôh kuôk, dôm jơnŭm jang tơpôl Trung ương, Anih jang Trung ương Măt trâ̆n Tôh kuôk Việt Nam pơgơ̆r akŏm pơma dơnuh hăm dôm anih jang ƀăo chĭ ƀơ̆t tơbăt 100 sơnăm Năr Ƀăo chĭ kach mang Việt Nam (21/6).

VOV4.Bahnar – Truh hop akŏm, Phŏ Kơdră teh đak Võ Thị Ánh Xuân- Phŏ Kơdră mă mônh kơ Anih pơgơ̆r pơjei pôk hơpăh kơ Trung ương; kŭm hăm 193 ‘nu bơngai tang măt – ‘nŏh jĭ dôm bơngai jang rơgei lơ̆m tơdrong pơjei băl ‘mêm teh đak đơ̆ng 2020-2025 tơ̆ Hnam hŏk păng dôm Hnam trưng chinh trĭ dêh char, plt găh Trung ương vang hop akŏm.

VOV4.Bahnar – Anih chĕp kơ̆l Đảng dêh char Kon Tum pơjao ăn dôm Khul chĕp kơ̆l đảng tơ̆ tơring hơlen năng, hơmet pơkĕh trong rơih bơngai jang, pơm anih jang, tơmam kơmăy kơmŏk vă bơ̆ jang…pơm ‘lơ̆ng vă ăn Anih jang tơ̆ xăh gơ̆h bơ̆ jang hiôk hian đơ̆ng ‘năr 1/7.

VOV4.Bahnar - Lơ̆m trong tơplih ‘nao păng atok tơ iung kơ Teh đak, khul đang viên sơnăm mơlôh roi năr roi sơkơ̆t hơdăh hơnăp jang pơm jŭk yŭk trong hơlou rim tơdrong jang kơ tơdrong hơrih sa tơpôl. Tơ̆ dêh char Dak Lăk, lơ đang viên sơnăm mơlôh ưh khan hơdrin hŏk pơhrăm, jang keh đang ‘lơ̆ng tơdrong jang đei pơjao mă oei pơm ăn lang să jơhngơ̆m đon ‘meh vă tơgop ăn kon pơlei pơla. Đơ̆ng pơlei pơla truh tơ̆ hnam trương hŏk, đơ̆ng hơnih bơ̆ jang teh đak truh tơ̆ tơring hơtăih yăih, đe sư ‘noh dôm bơngai tŏk bok tơgop pơm lang să găh jơhngơưm đon ‘lơ̆ng lơ̆m hơrih sa, găh tơdrong hơpơi ‘meh vă vang tơgop tơ iung pơjing pơlei pơla. 

VOV4.Bahnar - Bơ̆ jang kiơ̆ tơdrong tơchơ̆t đơ̆ng Trung ương găh tơdrong tơmât hơdai 3 dêh char Lâm Đồng, Bình Thuận păng Đắk Nông, hop akŏm tơlĕch trong jang tŏk mŭk drăm, tơpôl ăn dêh char Lâm Đồng (‘nao) đơ̆ng 2026 - 2030 păng dôm sơnăm đơ̆ng rŏng dơ̆ng ‘nao đei pơgơ̆r. Hop akŏm hơlen năng rim tơdrong tơ̆ yăn âu, chih hơdăh tơdrong ‘lơ̆ng vă jang tŏk, tơlĕch lơ trong jang gĭt kăl păng đei yoa vă tơblang păng chih akŏm rim tơdrong đei tơ̆ yăn âu pơvih ăn tơdrong chih pơjing Hla ar kăl ăn Hop akŏm bơngai tang măt Đảng ƀô̆ dêh char Lâm Đồng (‘nao) jăl jang đơ̆ng 2025-2030.

VOV4.Bahnar – Pơgê năr 16/6, Tổng Bí thư Tô Lâm chĕp kơ̆l khul kơpal Trung ương năm pơm jang hăm Anih jang Thanh uy Hà Nội gah tơdrong pơm kiơ̆ Tơchơ̆t, Pơkăp đơ̆ng Trung ương, pơgơ̆r Hop akŏm Đảng dôm jăl păng pơkăp jơnŭm pơgơ̆r jang.

VOV4.Bahnar – Pơgê năr 16/6, pơtoi kơ tơdrong hop akŏm mă 9, Kuôk hô̆i jăl 15 hlôi hơlen Tơchơ̆t hơmet ming minh ƀar tơdrong lơ̆m Luơ̆t tơm sơnăm 2013.

VOV4.Bahnar - Pơgê 15/6, tơ̆ Hnam Quốc hội, Kơdră Quốc hội Trần Thanh Mẫn pơgơ̆r pơma đam ƀlep ƀât tơbăt 100 sơnăm năr Hla ar tơroi Kăch mang Việt Nam hăm hơnăn "Trong pơgơ̆r, tơdrong tơgŭm vă atŏk tơiung Hla ar tơroi Kăch mang Việt Nam".

VOV4.Bahnar – Tơdrong hŏk hôp akŏm lơ̆m dôm tơdrong gah jơnŭm pơgơ̆r tơring 2 tăl, hơtŏk jang đei jơnei dôm tơdrong jang kơ anih jang chinh trĭ tơ̆ tơring.