VOV4.Bahnar - Thủ tướng Teh đak krao hơvơn tơpôl apŭng plĕnh teh kăl iung jang tĕnh koăng hloh, kơtang hloh dơ̆ng păng kăl vang iung jang đơ̆ng rim teh đak păng apŭng plĕnh teh lơ̆m vei lăng năng tông păng iŏk yoa kơjăp ‘lơ̆ng đak dơsĭ jơk ƀlĭk.

VOV4.Bahnar - Atŭm hăm lơ̆m teh đak, hơnih pơtho pơhrăm rim dêh char Dak Lăk, Kon Tum tŏk bŏk iung jang keh đang hơmet ăn vă sơđơ̆ng ăn ‘Măng pơlong lĕch ‘măng khoă jăl pêng sơnăm 2025 pơgơ̆r sơđơ̆ng, ƀlep tơdrong tơchơ̆t.

VOV4.Bahnar - Jang kiơ̆ tơdrong jang sut pơđĭ hnam pơgia, hnam hiăh hiok đơ̆ng Khul kơdră  teh đak, Anih tơm vei lăng Công an krao hơvơn rim anih tơgŭm vang pơm ăn dêh char Đắk Nông 500 tŏ hnam hăm kơsô̆ jên 30 ti. Dang ei đĭ đăng 500 tŏ hnam hlôi đei man păng hlŏh 100 tŏ hnam đĭ man đang bơih. Hăm jơhngâm đon “’Mi pă lăng, prăng pă lê̆” tŏk bŏk đei Công an Đắk Nông bơ̆ jang tôch pơneh, khŏm man đang păng pơjao đĭ đăng hnam ăn unh hnam đei xa yoa lơ̆m khei 6 âu.

VOV4.Bahnar - Kiơ̆ đơ̆ng chih akŏm, đĭ đei hloh 280 triệu nơ̆r tơgop đơ̆ng anih jang, khŭl jang, rim ‘nu găh đĭ đăng rim tơdrong lơ̆m hla ar chih ming tơdrong Tơchơ̆t; lơ̆m noh, jô̆ păh lăp kơsô̆ drơ̆ng lăp ‘noh 99,75%.

VOV4.Bahnar - Tơ̆ pơlei tơm Buôn Ma Thuột, dêh char Dak Lăk ‘nao pơgơ̆r pơm Lêh sơng iŏk Mê đai bơ̆ jang dơ̆ng mă Blŭng kơ yuơ Khul kơdră teh đak Lào pôk ăn.

VOV4.Bhanar - Pơgê năr 9/6, tơ̆ Lâm Đồng, Tổng Bí thư Tô Lâm pơm tơm jơ bơ̆ jang hăm Khul kơdră chĕp pơgơ̆r Đảng dêh char Lâm Đồng hăm Khul kơdră chĕp pơgơ̆r Đảng dêh char Bình Thuận păng Dak Nông găh tơdrong tơlĕch jang kiơ̆ rim tơdrong tơchơ̆t, nơ̆r pơma pơtôch kơ Trung ương; tơdrong proh hơmet khul kơdră chĕp pơgơ̆r kơ 3 dêh char atŭm hăm pơgơ̆r Hop akom tih đang ƀô̆ rim hơnih.

VOV4.Bahnar - Ƀlep ƀơ̆t ‘măng vang năm Hop akŏm Kơdră kơpal ‘măng mă 3 kơ Liên hợp quốc găh Đak dơsĭ tơ̆ Phalăng, Thủ tướng Phạm Minh Chính hlôi tơƀơ̆p ƀok Rodrigo Chaves, Kơdră tơm teh đak Costa Rica.

VOV4.Bahnar - ‘Năr 8/6, Đảng bộ Anih chih iŏk tơdrong Hơpơi ‘meh đơ̆ng kon pơlei păng Dăr lăng kơ Quốc hội pơgơ̆r Hop akŏm ‘măng mă I, jăl jang 2025–2030. Phŏ Kơdră Quốc hội, Thượng tướng Trần Quang Phương vang năm păng pơgơ̆r Hop akŏm.

VOV4.Bahnar - Jang kiơ̆ trong jang đơ̆ng Trung ương găh hơtŏk tơiung khoa hŏk, kơmăy kơmŏk păng tơplih hăm kơmăy kơsô̆, dôm tơring tơ̆ Tây Nguyên oei hơdrin tơlĕch jang lơ trong jang tôch rơgei, lăp hăm yăn âu. Tơ̆ Gia Lai, tơdrong jang “Pơtho kơmăy kơsô̆ ăn kon pơlei” đei tơlĕch vă pơtho tơƀôh đon hlôh vao, băt trong iŏk yoa kơmăy kơsô̆ ăn rim bơngai, rim khul grŭp tơpôl, mă loi tơ̆ tơring hơtăih yăih. Kơplăh ‘nŏh tơ̆ Đắk Lắk, tơplih hăm kơmăy kơsô̆ đei jang kiơ̆ dôm ‘măng gre đơ̆ng anih mong jên yak vih vât năm truh tơ̆ pơlei pơla vă tơgŭm ăn kon pơlei pơm hla ar tŏk iŏk jên; dôm hơp tak xăh ‘nŏh iŏk yoa kơmăy kơsô̆ vă roi tơbăt păng tĕch mơdro tơmam jang đei.

VOV4.Bahnar – Pơgê 'năr brei (8/6), tơ̆ Hà Nội, Rađiô nơ̆r Pơma Việt Nam (VOV) pơgơ̆r 'măng tơƀơ̆p tơbăt 100 sơnăm Năr Ƀăo chĭ Kăch mang Việt Nam (21/6).