VOV4.Bahnar – Pơgê năr 30/5, tơ̆ pơlei tơm Buôn Ma Thuột, Jơnŭm pơgơ̆r jang tang găn păng tơjră răm đơ̆ng hơ̆t hla dêh char Đăk Lăk pơgơ̆r pơma đam păng pơtơm pơm kiơ̆ Năr Apŭng plenh teh ưh đei et hơ̆t hla năr 31/5, Giĕng lêh kơ teh đak ưh đei et hơ̆t hla đơ̆ng năr 25–31/5.

VOV4.Bahnar – Năr 30/5, tơ̆ Anih jang Trung ương Đảng, Tổng Bí thư Tô Lâm hlôi sơng ƀok Thongsalith Mangnomek, Kơdră Anih jang Trung ương Đảng Kon pơlei Kăch mang Lào, tŏk bŏk oei tơmang teh đak Việt Nam.

VOV4.Bahnar - Dôm năr âu ki, tơ̆ trong kơphô̆ anih kơdrơ̆m pơlei tơm Gia Nghĩa (Đắk Nông) ‘noh đei ƀôh hơđang trong să, pơm pơmat tat ăn tơdrong năm vih vơ̆t đơ̆ng rim bơngai păng đei ƀôh krê hơmơt ưh kơ sơđơ̆ng trong nơnăm.

VOV4.Bahnar - Năr 30/5, tơ̆ Tokyo, Nhật Bản, Kơ iĕng Thủ tướng Nguyễn Chí Dũng iung pơma gĭt kăl tơ̆ Hop akŏm tơdrong đunh đai tai sơnăm châu Á, tơroi tơbăt trong bơ̆ jang atŏk tơ iung kơ Việt Nam păng tơlĕch ăn rim trong tơ iung pơjing châu Á kơjăp ‘lơ̆ng.

VOV4.Bahnar - Dêh char Lâm Đồng oei adrin tơlĕch lơ trong jang vă atŏk tơiung chă tơmang lăng, năm truh đon pơhnŏng sơng đei hlŏh 11 triu ‘nu tơmoi lơ̆m sơnăm 2025.

VOV4.Bahnar - ‘Năr 29/5, ƀok Nguyễn Xuân Thắng, Kơdră chĕp kơ̆l Hnam hŏk Chinh trĭ quốc gia Hồ Chí Minh bơ̆ jang hăm Khul kơdră chĕp kơ̆l Đảng dêh char Bình Định păng Gia Lai găh tơdrong tơmât hơdai dêh char.

VOV4.Bahnar - Kơsơ̆ brei 29/5, tơ̆ Hnam Quốc hội, Kơdră Quốc hội Trần Thanh Mẫn tơƀâp Khul tang măt Quốc hội dôm jăl kơ dêh char Hậu Giang, ƀlep ƀât khul năm tơ̆ anih tơm a tơbăt 80 sơnăm Năr pôk rơih mă blŭng kơ Quốc hội Việt Nam (6/1/1946).

VOV4.Bahnar – Pơgê brei (29/5), tơ̆ Anih jang kơ Trung ương Đảng, Tổng Bí thư Tô Lâm, Kơdră Anih pơgơ̆r jang, pơgơ̆r hop akŏm Khul kơdră chĕp kơ̆l Anih pơgơ̆r jang kơ Trung ương găh atŏk tơiung khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆.

VOV4.Bahnar - Nhen đei tơroi tơ̆ ƀai 1 lơ̆m dôm ƀai chih “Tơdrong jang kăch mang kăt tơjur khul bơngai jang –Unh čhông lăng măih, pơmat tat pơlong năng jơhngâm đon kăn ƀô̆”, tơplih anih jang, trong yak hơtăih truh kơhrĕng kilômét hăm lơ tơdrong tơplih pơm pơjuăl truh tơdrong arih xa, oei pơtih nhen thoi unh čhông lăng măih, pơmat tat pơlong năng jơhngâm đon kăn ƀô̆, bơngai jang kơ teh đak tơ̆ tơring Tây Nguyên lơ̆m tơdrong jang kăch mang kăt tơjur bơngai jang oei pơgơ̆r tôch ai dang ei.

VOV4.Bahnar – Pơgê 'năr brei (29/5), tơ̆ Hơnih jang kơ Jơnŭm pơgơ̆r teh đak, Thủ tướng Phạm Minh Chính pơma đam hăm Kơdră teh đak Hungary Sulyok Tamás lơ̆m 'măng năm tơmang teh đak Việt Nam.