VOV4.Bahnar - Pơgê 23/1, Jơnŭm ‘long pơglang ƀrê dêh char Đắk Lắk pơgơ̆r tơdrong jang Dơnŏ ‘lơ̆ng pơyan Puih mak, hơpăh tơmam ăn dôm unh hnam tơnuh, đei tơdrong arih xa pơmat tat tơ̆ plt Buôn Ma Thuột.

VOV4.Bahnar - Thủ tướng Phạm Minh Chính kŭm hăm hơnăn sư păng khŭl tang măt gĭt kăl Việt Nam hlôi lĕch đơ̆ng Romania, pơtôch ‘lơ̆ng hơiă ‘măng năm bơ̆jang vang Hop akŏm WEF Davos, năm ngôi tơ̆ Hungary păng Romania. 

VOV4.Bahnar - Kơsơ̆ năr 22/1, tơ̆ Hơnih bơ̆ jang Kơdră chĕp pơgơ̆r Teh đak, Kơdră chĕp pơgơ̆r Teh đak Võ Văn Thưởng hlôi sơng pơma dơnuh hăm Kơdră chĕp pơgơ̆r dêh char Fukuoka, Nhật Bản, ƀok Hattori Seitaro tŏk bŏk năm ngôi, bơ̆ jang tơ̆ Việt Nam.

VOV4.Bahnar - Đơ̆ng rŏng vă jê̆ 2 sơnăm tơlĕch jang kiơ̆ tơdrong tơchơ̆t đơ̆ng Thủ tướng teh đak găh “Hơtŏk hrĕnh tơdrong kla jên ưh đei yoa jên măt”, dang ei tơdrong kla jên hăm kơmăy điên tư đĭ vă juăt hăm rim bơngai tơ̆ Đắk Lắk.

VOV4.Bahnar – Ƀơ̆t Têt Nguyên đan Giáp Thìn, kơsơ̆ năr 22/1, Kơdră kuôk hô̆i Vương Đình Huệ hlôi năm hơpong, thơ thâu Têt unh hnam nhap Kơdră Anih juăt jang Kuôk hô̆i Bùi Bằng Đoàn păng unh hnam nhap ƀok Kơdră Kuôk hô̆i Lê Quang Đạo.

VOV4.Bahnar – Pơgê năr 22/1 (kiơ̆ jơ tơ̆ tơring), tơ̆ Hnam tih Victoria (Anih jang kơ Thủ tướng) tơ̆ anih tơm Bucharest, Thủ tướng Ion-Marcel Ciolacu hlôi pơm Lêh sơng Thủ tướng teh đak bơ̆n Phạm Minh Chính păng khul kơpal tang măt ăn Việt Nam năm tơmang teh đak Romania.

VOV4.Bahnar – Lơ̆m ‘măng năm tơmang teh đak Romania, ah kơsơ̆ năr 21/1 (kiơ̆ jơ tơ̆ tơring), Thủ tướng teh đak bơ̆n Phạm Minh Chính păng Hơkăn ƀok atŭm hăm Khul kơpal tang măt ăn Việt Nam hlôi năm hơpong, pơm jang tơ̆ hnam trưng Đăi hŏk Ming man Bucharest, Romania.

VOV4.Bahnar – Pơm kiơ̆ tơchơ̆t vei hơlen dôm tơdrong pơm glăi hơdrol, lơ̆m păng đơ̆ng rŏng kơ têt Nguyên đan Giáp Thìn 2024, atŭm hăm noh hơtŏk pran tơdrong chă hơlen vei sơđơ̆ng trong nơnăm, khul kanh sat vei hơlen trong nơnăm Đăk Lăk kơchăng hơlen ƀôh băt, sek tơlang dôm bơngai pơm glăi luơ̆t tơ̆ dôm jăl trong vih vơ̆t; tang găn pơjĭp dôm tơmam drăm kâ̆m tĕch răt.

VOV4.Bahnar - Drung kơsơ̆ năr 21/1 (kiơ̆ jơ tơring), hơnơ̆ng bơ̆ jang năm tơmang Romania, tơ̆ hơnih tơm Bucharest, Thủ tướng Phạm Minh Chính tơƀơ̆p rim khul, bôl boăl Romania.

VOV4.Bahnar - Pơgê năr 22/1, Bí thư Trung ương Đảng, Kơdră chĕp pơgơ̆r Hơnih jang Dăr lăng Trung ương Trần Cẩm Tú hlôi năm ngôi, pôk tơmam drăm Têt tơ̆ dêh char groi kông Lào Kai.