VOV4.Bahnar – Kơsơ̆ 'năr brei (20/2), Kơdră Anih jang Tuyên giáo păng Hơvơn pơtho kon pơlei Trung ương Nguyễn Trọng Nghĩa hlôi truh hơpong ngôi, thơ thou hơ-iă hăm Hnam pơgang Thống Nhất (pơlei tơm HCM) ƀơ̆t tơbăt 70 sơnăm Năr Thâi pơgang Việt Nam (27/2).

VOV4.Bahnar – Dêh char Đăk Lăk hlôi pơm kiơ̆ pơkăp bot 'lơ̆ng hloh 40 anih jang lơ̆m anih jang chĭnh trĭ tơ̆ tơring.

VOV4.Bahnar - Pơgê brei 20/2, Anih Trung ương Mặt trận Tổ quốc Việt Nam pơgơ̆r Hop akŏm ‘măng mă 3 (jăl 10).

VOV4.Bahnar - Pơgê 20/2, Trung ương Đoàn TNCS Hồ Chí Minh, Anih mong jên tơgŭm ăn sơnăm mơlôh rơgei kơ Việt Nam pơgơ̆r hôp roi tơbăt hơnăn 19 ‘nu bơngai đei rơih mât lơ̆m vŏng mă hơtuch lơ̆m tơdrong rơih hơlen trư̆k tuyê̆n kơ Tơmam hơpăh “Sơnăm mơlôh Việt Nam gơ̆h hơgei” sơnăm 2024.

VOV4.Bahnar - Pơgê 20/02, Khul kơdră chĕp kơ̆l Đảng dêh char Đắk Lắk pơgơ̆r Hop akŏm roi tơbăt dôm tơdrong tơchơ̆t găh tơdrong jang hơmet ming anih jang păng kăn ƀô̆ kiơ̆ tơdrong tơchơ̆t 18 đơ̆ng Khul kơdră chĕp kơ̆l Trung ương Đảng.

VOV4.Bahnar - Lơ sơnăm arih xa chă hơmĕng kư̆ kă păng ưh băt vă yak trong yơ, dôm bơngai bơ̆h ƀơm lui kiơ̆ nơ̆r pơhlŭ đơ̆ng khul iung tơjră phă ngơ̆r teh đak hlôi hŭt pơđĭ lơ tơdrong đei yoa. Mă lei đơ̆ng rŏng kơ lĕch brŏk dơ̆ng đơ̆ng tơdrong yoch, dôm bơngai âu đei unh hnam păng tơpôl thar sơng, hăm jơhngâm đon ‘mêm mơnat. Trong tơplih ming âu kŭm iŏk đei tơdrong tơgŭm tôch pơneh đơ̆ng Đảng păng teh đak. Trong jang “Vih dơ̆ng hăm đon lui, vei kơjăp tơdrong hiôk sơđơ̆ng tơ̆ pơlei pơla” đei tơlĕch jang tơ̆ dêh char Gia Lai tŏk bok tơgŭm ăn lơ bơngai bơ̆h ƀơm yak trong glăi mât oei xa hơdai hăm tơpôl tơ̆ tơring, pơgơ̆r hơkŭm trŏ ƀlep, ‘lơ̆ng hơiă.

VOV4.Bahnar - Anih jang vei lăng kon pơlei dêh char Kon Tum 'nao drơ̆ng nơ̆r hơlen “Tơchơ̆t gah tơdrong pơjing minh ƀar anih juăt jang lơ̆m Anih jang vei lăng kon pơlei dêh char Kon Tum”.

VOV4.Bahnar - Kơsơ̆ 19/2, Kơdră teh đak Lương Cường hlôi sơng bơngai tang măt ăn dôm teh đak Đông Nam Á păng Timor-Leste tơ̆ Việt Nam.

VOV4.Bahnar - Pơgê 19/2, Jơnŭm pơgơ̆r kon pơlei dêh char Đắk Lắk pơgơ̆r ‘măng hop akŏm tơdrong jang ‘măng mă 17, pơdrơ̆ng kiơ̆ dôm tơdrong tơchơ̆t găh proh hơmet, pơm tŏ sĕt bơngai jang kơ teh đak. Kiơ̆ kơ ‘noh, 1,2 anih jang gô pơdơh kơ bơ̆jang, 6 anih jang ‘nao pơjing gô pơtơm bơ̆jang đơ̆ng 1/3 vă jê̆ truh.

VOV4.Bahnar - ‘Năr 19/2, Quốc hội hop akŏm ‘măng Pơtôch ‘măng hop akŏm ưh kơ ê ‘măng mă 9, Quốc hội jăl 15. Hơdrol kơ Pơtôch ‘Măng hop akŏm, Quốc hội yơ̆r ti pơdrơ̆ng kiơ̆ 6 tơdrong tơchơ̆t vă pơtrŭt hơtŏk tơiung mŭk drăm - tơpôl kơ teh đak păng dôm trong jang tơgŭm hơdrô̆ hăm 1,2 tơdrong jang tơm kơ teh đak.