VOV4.Bahnar - Đơ̆ng rŏng 6 năr Quốc hội pơdơ̆h vă dôm anih jang kơ Quốc hội, Khul kơdră teh đak păng dôm anih jang kơpal đei jơnăr chih hơmet luơ̆t, tơdrong tơchơ̆t, năr ‘nâu ‘năr 20/11, đơt 2, ‘măng hop akŏm mă 8, Quốc hội jăl 15, pơtơm bơ̆ jang dơ̆ng.

VOV4.Bahnar – Pơgê 'năr brei (19/11) tơ̆ Anih jang Trung ương Đảng, Ƀok Tổng Bí thư Tô Lâm, Kơdră Jơnŭm pơgơ̆r jang pơgơ̆r hop akŏm 'măng mă mônh Jơnŭm pơgơ̆r jang Trung ương gah sơkơ̆t tơdrong pơm kiơ̆ Tơchơ̆t 18 năr 25/10/2017 đơ̆ng Ƀan châ̆p hanh Trung ương Đảng jăl 12 gah minh ƀar tơdrong jang pơtoi tơplih 'nao, hơmet jơnŭm jang kơ Anih jang chĭnh trĭ bot 'lơ̆ng pơm jang tơnăp.

VOV4.Bahnar - Dôm sơnăm âu ki, dôm bơngai bơ̆ jang vei rong, pơtho pơhrăm tơ̆ Anih vei lăng năng tông đe hơioh kơmlo jo jăn Vi Nhân, tơ̆ plt Buôn Ma Thuột, dêh char Đắk Lắk hơnơ̆ng prăt măng, prăt năr bơ̆ jang, vang tơgŭm ăn lơ bơngai kơmlo, jo jăn dar dêh tih vơ̆, mât hơdai hăm tơpôl.

VOV4.Bahnar - Ƀlep ƀât vamng truh Hop akŏm tih G20 tơ̆ Rio de Janeiro, teh đak Brazil, (pơgê ‘năr 19/11, kiơ̆ jơ Việt Nam), Thủ tướng Phạm Minh Chính tơƀâp Kơdră tơm teh đak Mi, Joe Biden.

VOV4.Bahnar - Pơgê năr 18/11 (kiơ̆ jơ tơring) tơ̆ Rio de Janeiro, Brazil, Hop akom Kơdră kơpal G20 sơnăm 2024 hlôi pơgơ̆r blŭng a hăm hơnăn “Tơ iung pơjing mĭnh apŭng plenh teh hơtŏ hơnơ̆ng păng mĭnh plei teh kơjăp ‘lơ̆ng” kơ yuơ Ƀok kơdră tơm Brazil Lula da Silva, Kơdră chĕp pơgơ̆r G20 sơnăm 2025 chĕp kơ̆l pơgơ̆r.

VOV4.Bahnar - Pơgê năr 18/11, ƀlep tơbăt 42 sơnăm năr Ƀok thây kô Việt Nam, GS_TS Tô Lâm, Tổng Bí thư Hơnih bơ̆ jang Trung ương Đảng hlôi pơm tơm chĕp pơgơ̆r ‘măng tơƀơ̆p muh măt bơngai tang măt ăn rim ƀok thây kô pơtho, kang ƀô̆ vei lăng pơtho pơhrăm.

VOV4.Bahnar - Pơgê năr 18/11, Hơnih vei lăng Hnam trương pơtho pơhrăm dêh char Dak Lăk pơgơ̆r Pơm lêh pôk ăn hơnăn Nhà giáo ưu tú, pôk pơ ư dôm bơngai gơ̆h hơgei sơnăm 2024 păng Tơbăt 42 sơnăm Năr Ƀok thây kô Việt Nam.

VOV4.Bahnar - Kơdră Quốc hội Trần Thanh Mẫn pơm Kơdră Khŭl Pơgơ̆r jang pơtôch bơ̆jang kiơ̆ Tơdrong tơchơ̆t kơsô̆ 18 tơ̆ dôm anih jang Quốc hội.

VOV4.Bahnar - Kơsơ̆ brei (18/11) tơ̆ Anih bơ̆jang Trung ương Đảng, Tổng Bí thư Tô Lâm pơgơ̆r jơ bơ̆jang hăm Anih krao hơvơn Kon pơlei Trung ương găh tơdrong bơ̆jang kiơ̆ hơnăp jang krao hơvơn kon pơlei đơ̆ng blŭng jăl jang Hop akŏm 13 kơ Đảng truh dang ei păng hơnăp jang tơm đơ̆ng dang ei truh Hop akŏm 14 kơ Đảng.

VOV4.Bahnar - Pơgê ‘năr 18/11, Khŭl chĕp kơ̆l pơgơ̆r Anih jang Đảng dêh char Kon Tum pơgơ̆r Hop akŏm roi tơbăt păng Pơjao hla ar tơchơ̆t đơ̆ng Ban Bí thư Trung ương Đảng kĭ ăn kơ ƀok Nguyễn Đức Tuy - Kơdră Khŭl krao hơvơn kon pơlei kơ Anih jang Đảng dêh char pơm Phŏ Bí thư Anih jang Đảng dêh char Kon Tum.