VOV4.Bahnar - Thủ tướng Phạm Minh Chính ‘nao sơng ƀok Nagavara Ramaroa Narayana Murthy, sơ̆ng pơm Kơdră, bơngai pơjing Grŭp jang Infosys (Ấn Độ).

VOV4.Bahnar - Pơgê 21/5, Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng dêh char jang hơdoi hăm Anih vei lăng pơtho pơhrăm dêh char Kon Tum pơm lêh pơih blŭng pơyan he, năr Olympic kơ đe hơioh păng tơlĕch tơdỏng đĭ đăng kon pơlei pơhrăm gloi vă huei kơ glơ̆k, hăm tơdrong vang akŏm đơ̆ng hlŏh 1.300 ‘nu hơiŏh.

VOV4.Bahnar - Quốc hội ‘nao tơchơ̆t chih tơmơ̆t dơ̆ng lơ̆m Tơdrong jang ‘Măng hop akŏm mă 7 tơdrong ăn pơdơh kơ pơm Kơdră Anih tơm vei lăng Kŏng an.

VOV4.Bahnar - Pơgê hei (22/5), tơ̆ Hop akŏm mă 7, Quốc hội jăl XV jang đang tơdrong pôk rơih Kơdră teh đak CHXNCN Việt Nam, jăl jang đơ̆ng 2021-2026.

VOV4.Bahnar - Kơsơ̆ brei (21/5), tơ̆ Anih jang Khŭl kơdră teh đak, Phŏ Thủ tướng Trần Hồng Hà pơgơ̆r ‘măng hop akŏm trực tuyến lơ̆m teh đak mơ̆ng tơroi tơbăt, ăn tơgop nơ̆r găh hla ar chih dôm Tơdrong tơchơ̆t vei sơđơ̆ng ăn tơdrong jang kiơ̆ hloi đơ̆ng rŏng kơ Luơ̆t Hnam oei đei tơmơ̆t yua.

VOV4.Bahnar - Hơiă kơ lêh tih Phật đản năr pơnil khei 4 sơnăm Giáp Thìn, jĭ năr ‘nâu ‘năr 22/5/2024, dôm năr âu ki, lơ hnam chuơ lơ̆m teh đak đei hơmet pơrŏ tôch ‘lơ̆ng, pơgơ̆r lơ tơdrong lêh hơiă kơ Phật đản rơnĕh.

VOV4.Bahnar - Vă tơgŭm dôm bơngai iŏk jang pơm Trong gre kơdâu hrĕnh Khánh Hòa – Buôn Ma Thuột hơmet pơ ‘lơ̆ng tơdrong tơhlăk tam mă đei dôm hơnih tuh hŭt hŭt râm rĕk kơsơ̆ (21/5), Anih vei lăng kon pơlei dêh char Đắk Lắk hlôi tơlĕch ăn tơdrong Tơchơ̆t pơjing 2 khŭl hơlen lăng kơ lơ anih jang hơlen lăng teh yan âu dôm hơnih tuh hŭt râm rĕk pơgia.

VOV4.Bahnar - Đơ̆ng rŏng pơyan phang ‘năr tŏ tôch dêh, dôm tơring tơ̆ Tây Nguyên oei hăt bơ̆ jang tang găn ‘mi kial dơ̆ng. Tơ̆ plt Buôn Ma Thuột, dêh char Đăk Lăk, tơring kơdrâm đei tơm ‘long lơ hlŏh lơ̆m teh đak, khul công nhân vei lăng ‘long tơ̆ tơring kơdrâm bơ̆ jang roi dêh hlŏh dơ̆ng, chă vei lăng bơ̆n pơgar pơkao, ‘ngiĕt pơrŏ păng tang găn ‘long păk, hơleh. Jơhngâm đon ‘mêm kơ tơdrong jang đơ̆ng đe công nhân prăt sơnăm bơ̆ jang hăm ‘long, ‘ngiĕt, pơkao, oei tơgop pơjing đei pơlei tơm ‘lơ̆ng rŏ, đei bri ‘long lơ̆m tơring kơdrâm păng đei tơring kơdrâm lơ̆m bri ‘long, pơm hơtŏk kơjă kăp gĭt đơ̆ng cham char bri brăh ‘lơ̆ng rŏ.

VOV4.Bahnar – Kơsơ̆ năr 20/5, tơ̆ ‘Măng hop akŏm mă 7, Kuôk hô̆i jăl 15 hlôi keh đang tơdrong pôk Kơdră Kuôk hô̆i jăl 15, jăl jang 2021-2026.

VOV4.Bahnar