VOV4.Bahnar – Ƀơ̆t tơbăt 77 sơnăm Năr Linh jĭ rơka – Linh lôch tang (27/7/1947 – 27/7/2024), kơsơ̆ âu, Kơdră teh đak bơ̆n Tô Lâm atŭm hăm Khul kơpal kơ Trung ương hlôi truh hơpong, asong tơmam ăn linh jĭ rơka tơ̆ Anih Akŏm rong ‘me hơmet jĭ ăn đe Linh jĭ rơka Thuận Thành tơ̆ xah Ninh Xã, apŭng Thuận Thành, dêh char Bắc Ninh.

VOV4.Bahnar - Kơsơ̆ 23/7, tơ̆ Anih jang kơ Ƀok Kơdră teh đak, Kơdră teh đak bơ̆n, ƀok Tô Lâm tơƀâp Khul chă pơma nuh hăm băl kơ khul linh so Đại đoàn 305 Linh yu-Đặc Công.

VOV4.Bahnar - Dôm năr ‘nâu, kon pơlei lơ̆m teh đak tơƀôh jơhngâm ‘mêm kơ eng, ơh ol hăm tơdrong lôch hơchăng đơ̆ng Tổng Bí thư Nguyễn Phú Trọng.

VOV4.Bahnar - Hăm 80 sơnăm arih, 57 sơnăm Đảng, 7 jăl jang lơ̆m Trung ương Đảng, 6 jăl jang lơ̆m Anih tơm Chĭnh trĭ, 5 jăl Bơngai tang măt Quốc hội, Tổng Bí thư Nguyễn Phú Trọng hlôi yak hloh lơ kơ chư̆k jang gĭt kăl yua đơ̆ng Đảng, teh đak păng kon pơlei pơjao ăn, mă loi ‘noh hăm 2 jăl jang pơm Kơdră Quốc hội, Kơdră Quốc hội Nguyễn Phú Trọng hlôi đei lơ tơgop tih tên, gĭt kăl ăn pơgơ̆r hơtŏk ‘lơ̆ng đei yua tơdrong jang kơ Quốc hội, tơgop pơjing, hơmet pơ ‘lơ̆ng Teh đak chĕp kơ̆l pơgơ̆r kiơ̆ khôi luơ̆t xã hội chủ nghĩa Việt Nam.

VOV4.Bahnar - Bản Lầu – xăh đei Chi ƀô̆ đảng mă blŭng kơ apŭng Mường Khương, dêh char Lào Cai jĭ anih chơt hơiă đei sơng Tổng Bí thư Nguyễn Phú Trọng năm ngôi lơ̆m sơnăm 2013. Dôm tơdrong ‘lơ̆ng hơiă kơ 1 ‘nu Tổng Bí thư rơhău chơt, tơpăt ‘lơ̆ng, đei ƀĕnh jơhngâm đon ‘lơ̆ng hrei ‘nâu oei đei chĕp vei hơnơ̆ng tơ̆ groi teh tơ̆ jih găh tu teh đak ‘nâu.

VOV4.Bahnar - Pơgê 23/7, Jơnŭm pơgơ̆r kon pơlei dêh char Đắk Nông jăl IV pơgơ̆r ‘Măng hop akŏm mă 8 vă hơlen lăng tơdrong mŭk drăm - tơpôl 6 khei blŭng sơnăm păng tơlĕch jang dôm hơnăp jang tơm dôm khei hơtuch sơnăm.

VOV4.Bahnar - Đơ̆ng rŏng kơ Nơ̆r tơroi Tổng Bí thư Nguyễn Phú Trọng lôch hơchăng đei roi tơbăt, tơ̆ mang tơpôl, kon pơlei jơ̆p tơring lơ̆m teh đak păng kon pơlei oei xa tơ̆ teh đak đe hlôi tơƀôh đon kŭp yom păng ‘mêm kơ eng tôch pơneh, mưh athei hơchăng lê̆ 1 ‘nu bơngai rơgei, đei jơhngâm đon ‘lơ̆ng kơ hơdrĕch hơdrung, 1 ‘nu kơdră chĕp kơ̆l hlôi plang đĭ chăl arih kơdih ăn tơdrong jang kăch mang đơ̆ng Đảng păng hơdrĕch hơdrung bơ̆n:

VOV4.Bahnar - Dôm năr ‘nâu, đơ̆ng kông truh tơ̆ tơring teh lơ̆m đak dơsĭ hơtăih yăih, đơ̆ng pơlei tơm truh tơ̆ tơring tơrang, tơring groi kông, kon pơlei păng khul linh jơ̆p lơ̆m teh đak hơnơ̆ng tơƀôh jơhngâm đon ‘mêm kơ eng tôch pơneh hăm tơdrong lôch hơchăng đơ̆ng ƀok Tổng bí thư Nguyễn Phú Trọng.

VOV4.Bahnar - Rim răih kon pơlei, ƀô̆ đô̆i, kŏng ang lơ̆m teh đak vang ơh sơ-‘ngon kơ nhap ƀok Tổng Bí thư Nguyễn Phú Trọng. 

VOV4.Bahnar - Tổng Bí thư Nguyễn Phú Trọng arih đĭ jơhnơr yoa teh đak, yoa kon pơlei  hăm 80 sơnăm arih, vă jê̆ 57sơnăm jang Đảng, 14 sơnăm pơm Tổng Bí thư, hlŏh 2 năm pơm Kơdră teh đak, loi 5 sơnăm pơm Kơdră Quốc hội. Mă jang kiơ, ƀok Nguyễn Phú Trọng hơnơ̆ng tơtăm, đĭ jơhngâm hăm tơdrong jang kăch mang đơ̆ng Đảng păng hơdrĕch hơdrung, kŭm hăm Trung ương Đảng, Khul kơdră teh đak chĕp kơ̆l pơgơ̆r đĭ đăng Đảng, đĭ đăng kon pơlei, đĭ đăng khul linh bơ̆n jang đei lơ tơdrong jơnei tih tên, kăp gĭt lơ̆m jơhnơr arih. Dôm nơ̆r pơma ‘lơ̆ng hơiă đơ̆ng Tổng Bí thư Nguyễn Phú Trọng kiơ̆ chăl sơnăm, kiơ̆ tơdrong oei jang đei hyup iŏk, păr ang truh kơ triu kơ triu plei nuih kon pơlei Việt Nam: