VOV.Bahnar - Gơmăng hei (27/7), tơ̆ Đà Lạt, Hơnih vei lăng kon pơlei dêh char Lâm Đồng pơgơ̆r ‘măng hop akŏm vă pơtrut kơtang tơlĕch kon jên teh đak tơmơ̆t jang sơnăm 2026 păng tơlĕch jang kơtang rim tơdrong jang tơm lơ̆m khei năr kơnh.

VOV.Bahnar - Năr 27/7, tơ̆ Hơnih bơ̆ jang Trung ương Đảng, ƀok Tô Lâm, Tổng Bí thư Hơnih chĕp pơgơ̆r Trung ương Đảng, Kơdră chĕp pơgơ̆r Teh đak Cộng hoà xã hội chủ nghĩa Việt Nam bơ̆ jang hăm Khul kơdră chĕp pơgơ̆r Đảng păng Kơdră chĕp pơgơ̆r Hơnih bơ̆ jang Dăr lăng Khul kơdră chĕp pơgơ̆r Teh đak.

VOV.Bahnar - Lêh Sầu riêng dêh char Đắk Lắk ‘măng mă mônh vă pơgơ̆r đơ̆ng ‘năr 15/8 truh 2/9 hăm lơ tơdrong jŏh ayŏ kơ dŏ xoang, chă tơmang lăng, tơlĕch trong tĕch mơdro păng chă trong tĕch tơmam đơ̆ng choh jang đei. Ưh lăp pôk pơ ư anih jang kơti đô đĕch, lêh oei jing jơnăr vă roi tơbăt dôm tơdrong juăt, jŏh ayŏ kơ dŏ xoang ‘lơ̆ng hơiă kơ Tây Nguyên, pơih đei tơdrong ‘lơ̆ng vă sơng iŏk jên jang păng hơnhăk hơnăn sầu riêng Đắk Lắk truh tơ̆ jơ̆p tơring.

VOV.Bahnar - Hơnih bơ̆ jang chĕp pơgơ̆r Kuô̆k hô̆i ăn tơgop nơ̆r hăm Hla bơar pơtruh ăn đơ̆ng Khul kơdră Teh đak gah trong vă pơjing Tơdrong tơchơ̆t trong bơ̆ jang, trong jang kăl hăm tơdrong vă pơjing tơ iung pơjing tơring kơdrơ̆m bĭt iŏk đak dơsĭ tơ̆ pơlei tơm Đà Nẵng.

VOV.Bahnar - Tơ̆ tơring Ia Tul, dêh char Gia Lai iung jang ming man Tơdrong vă jang proh hơmet oei sa sơđơ̆ng ăn kon pơlei đơ̆ng tơring ‘mi kial pơrăm.

VOV.Bahnar - Pơgê brei (26/7), tơ̆ Hnam kơmăy Điện phân Nhôm Đắk Nông, Hơnih jang kơmăy kơmŏk Nhân Cơ, xăh Nhân Cơ, dêh char Lâm Đồng pơgơ̆r lêh roi tơbăt tơmam nhôm hơpôm mă blŭng đei pơm tơlĕch tơ̆ Việt Nam.

VOV.Bahnar - Ƀlep ƀơ̆t tơbăt 79 sơnăm Năr Linh jĭ rơka - Linh lôch tang ăn teh đak, kơsơ̆ brei, 26/7, tơ̆ pơlei tơm Hồ Chí Minh, Kơdră Quốc hội Trần Thanh Mẫn hlôi năm pơyơ̆r pơkao, soh nhang tơ̆ Hơnih man rup Tổng Bí thư Trần Phú, Hnam Chih tơbăt kơ đe Linh nuih mơng lôch tang ăn teh đak, Hnam vei lăng kơting đe linh lôch tang ăn teh đak, hơnih soi kơ Linh nuih mơng lôch tang ăn teh đak Lê Thị Riêng păng Linh nuih mong lôch tang ăn teh đak Trần Văn Kiểu; hơdai hăm năm ngôi apĭnh jet gia pơma dơnuh, pơlung dôm khŭl linh vang jang tơchă, sir iŏk akŏm kơting linh lôch tang ăn teh đak tơ̆ Cham ngôi pơhiơ̆ Lê Thị Riêng.

VOV.Bahnar - Drơ̆ng nơ̆r krao hơvơn đơ̆ng Kơdră Quốc hội Trần Thanh Mẫn, Kơdră Quốc hội teh đak Campuchia, yă Samdech Khuon Sudary chĕp kơ̆l Khŭl tang măt gĭt kăl kơ Quốc hội Campuchia năm ngôi, bơ̆jang tơ̆ Việt Nam đơ̆ng ‘năr 27 truh 29 khei 7 năm 2026.

VOV.Bahnar - Kơmăng 26/07, pơgơ̆r pơih pơdăh tivi "Sơnglŏng pơchrang tơƀôh trong", ƀlep ƀât tơbăt 79 sơnăm Năr linh jĭ rơka, linh lôch tang ăn teh đak (27/7/1947 - 27/7/2026).

VOV.Bahnar – Tơ̆ Anih jang kơ Trung ương Đảng, ƀok Trần Cẩm Tú, Kơdră chĕp kơ̆l Ban Bí thư sơng Khul tang măt ăn Đảng Kon pơlei pơm tơm hiôk hian Nhật Bản (LDP) yoa ƀok Hagiuda Koichi, Tổng Thư ký kơplăh dang ei chĕp kơ̆l năm ngôi păng bơ̆ jang tơ̆ Việt Nam.