VOV.Bahnar – ‘Năr 23/7, tơ̆ Tơring jang kơmăy Ninh Thủy, phường Đông Ninh Hòa, Tơring jang mŭk drăm Vân Phong, dêh char Khánh Hòa pơgơ̆r tơlĕch Tơdrong jang man Hnam kơmăy hơmet pơ ‘lơ̆ng tơmam (Block) pơm ‘nao ƀato đơ̆ng Công ty Miboo Heavy Industries.

VOV.Bahnar - Đơ̆ng rŏng kơ tơmât hơdai, 3 dêh char Đắk Lắk, Gia Lai păng Lâm Đồng đei teh xă hlŏh 63,8 rơbâu km², iŏk đei 1/5 groi teh lơ̆m teh đak, hăm kơsô̆ kon pơlei truh 10 triu 790 rơbâu ‘nu bơngai, hơtŏ hăm dang 1/10 kơsô̆ kon pơlei lơ̆m teh đak. Mă đơ̆ng 2/3 kơsô̆ kon pơlei oei đei lơ̆m sơnăm bơ̆ jang, lơ tơring oei ưh kơmăh bơngai jang vă jang tŏk. Lei, bơngai jang tơ̆ Tây Nguyên oei dơ̆ng ƀât yơ lơ̆m hla kak bơngai jang? Ƀai mă 2 kơ dôm ƀai chih “Đon pơhnŏng jang tŏk đơ̆ng Tây Nguyên păng tơdrong nol găh khul bơngai jang” đei hơnăn “Hơmet pơ ‘lơ̆ng khul bơngai jang ăn tơdrong vă jang tŏk pran kơjăp đơ̆ng” gô tơl tơblang nơ̆r apinh âu.

VOV.Bahnar – Năr 23/7, Ƀô̆ trương Hơnih tơm jang tơbôl Lê Hoài Trung hlôi tơƀơ̆p hăm Kơdră jang tơbôl Hoa Kỳ Marco Rubio 'nguaih kơ Hop akŏm Ƀô̆ trương jang Tơbôl ASEAN 'măng mă 59 (AMM-59) tơ̆ Manila, Philippines.

VOV.Bahnar – Năr 23/7, Cham gre păr apŭng plenh teh Liên Khương pơtơm ăn păr vă hơlen lăng, tơchơ̆t trong păr păng unh pơchră ăn gre păr păr jur, hơmet ăn tơdrong asong păr yua đơ̆ng năr 19/8.

VOV.Bahnar – Pơgê năr 23/7, tơ̆ Hà Nội, Thủ tướng teh đak bơ̆n Lê Minh Hưng hlôi truh păng iung pơma ah Hop akŏm pôk bơnê kơ bơngai tơgŭm jơhngơ̆m ăn kăch mạng lơ̆m jơ̆p teh đak ah sơnăm 2026 păng tơlĕch tơdrong jang jang vei lăng hăm bơngai tơgŭm jơhngơ̆m ăn kăch mạng.

VOV.Bahnar - Hơnih vei lăng Khŭl linh dêh char Lâm Đồng 'nao akŏm đei 12 kơting linh lôch tang tơ̆ xah Hòa Thắng, păng tŏk bŏk oei iŏk kơcheh kơting vă pơkăp ADN sơkơ̆t hơdah hơnăn măt ăn linh lôch tang ah sơnăm 1967.

VOV.Bahnar - Dôm năr khei 7, ƀơ̆t lơ̆m teh đak lăng găh tơbăt 79 sơnăm Năr Linh jĭ rơka - Linh lôch tang ăn teh đak (27/7/1947 - 27/7/2026), tơ̆ Đắk Lắk, rơbâu ŭnh hnam linh lôch tang ăn teh đak hlôi đei măt tơ̆ dôm hơnih iŏk kơmâu ADN hăm 1 tơdrong hơmĕng hơdai; đơ̆ng rŏng lơ sơnăm chang gô, bơngai ŭnh hnam kơ sư gô đei tơdrong hiôk đei krao trŏ hơnăn.

VOV.Bahnar - Pă đei hơbĕn ao ƀô̆ đô̆i, pă đei kơdrăn tơblah, dôm bơngai ƀô̆ đô̆i hlôi đei ‘măng yak hloh tơblăh vang brŏk vih hơrih nhen kon pơlei hmă, tơklep kơjăp hăm mir na, mir pơgar să dăh mă hơnih tĕch mơdro tơmam drăm choh jang sa. Tơ̆ tơring Krông Ana, dêh char Đắk Lắk, jơhngơ̆m đon pơhrăm lơ̆m oei pơm ƀô̆ đô̆i sơ̆ oei hơnơ̆ng ƀôh hơdăh lơ̆m jơhngơ̆m đon đe sư jang sa, yak hloh tơnap tap păng lăng ba hăm kon pơlei pơla hăm dôm tơdrong jang hơdăh.

VOV.Bahnar – Năr 22/7, tơ̆ Hnam Kuô̆k hô̆i, Kơdră Kuô̆k hô̆i Trần Thanh Mẫn hlôi sơng ƀok Hagiuda Koichi, jang Tổng Thư ký Đảng Dân chủ Tự do Nhật Bản (LDP) ƀơ̆t 'măng năm tơmang păng pơm jang tơ̆ Việt Nam.

VOV.Bahnar – Đăk Lăk păng Khánh Hòa tŏk bŏk hơtŏk kơtang tơdrong hơmet 'lơ̆ng tơdrong pơtho pơhrăm kŏng lơ̆p lơ̆m tơring. Hăm tơchơ̆t pơm bot 'lơ̆ng đơ̆ng 34% truh pơhlom 50% hơnih jang vei lăng.