VOV.Bahnar – Pơma pơtôch 'Măng hop akŏm mă 4 kơ Hơnih juăt jang Kuô̆k hô̆i ah kơsơ̆ năr 29/7, Kơdră Kuô̆k hô̆i Trần Thanh Mẫn ră hơdah, tơdrong đei jơnei kơ 'Măng hop akŏm ưh hơdrô̆ đei pơtŏ hăm kơsô̆ luơ̆t, tơdrong tơchơ̆t đei hơlen pơkăp, mă kăp gĭt hloh noh dôm tơchơ̆t 'noh hăm tơpă pơklaih đei tơdrong tơhlăk tăk, chor trong pơm jang ăn hơtŏk tơ-iung păng hơtŏk tơdrong hơrih ăn kon pơlei.

VOV.Bahnar - Dêh char Lâm Đồng tŏk bŏk akŏm tơlĕch dôm trong jang vă hơtŏk vei lăng, ming hơmet trong nơnăm kơchăng ăn tơdrong jang tang găn, păng tơjră hăm 'mi kial đak hơbông.

VOV.Bahnar - Kơsơ̆ năr 29/07, tơ̆ Hơnih bơ̆ jang Trung ương Đảng, Tổng Bí thư, Kơdră chĕp pơgơ̆r Teh đak Tô Lâm pơm tơm jơ bơ̆ jang hăm rim hơnih bơ̆ jang ƀơm truh găh hơmet ming Grup jang Ngar tơmo-Tơmam drăm lơ̆m teh Việt Nam.

VOV.Bahnar - “Tơdrong jang 500 măng năr” sir chă, dônh akŏm kơting păng set hơlen chih hơdăh hơnăn đe linh lôch tang ăn teh đak tŏk bŏk hơnhăk ba lơ tơdrong hơiă blŭng a tơ̆ Đắk Lắk. Ưh khan lăp tơgŭm chơ ba đe ‘nhŏng vih dơ̆ng hăm pơlei pơla, teh đak kơdih đĕch, tơdrong jang ‘nâu oei tưk tơiung đon hơmĕng ăn rơbâu unh hnam oei hơngol gô chang nơ̆r tơroi ƀơm truh kơtum kơtŏng, ‘nhŏng oh kơdih, tơƀôh hơdăh hơnăp jang ‘lơ̆ng păng jơhngơ̆m đon băt ‘mêm bơnê kơ dôm bơngai hlôi hŭt hơkâu, lôch tang yoa teh đak.

VOV.Bahnar - Pơgê 29/7, Anih tơm Chĭnh trĭ pơgơ̆r hop akŏm lơ̆m teh đak vei kơjăp tơdrong Tơchơ̆t Hop akŏm Trung ương 3 jăl XIV.

VOV.Bahnar - Khul Kơdră chĕp pơgơ̆r Hơnih gru gra git kăl dăr sơnăm Hnam pơnă Hỏa Lò iung jang hơdoi hăm Hơnih mong răk mŭk drăm Đắk Lắk ‘nao pơgơ̆r blŭng a ‘măng pơdă găh tơdrong “Hơpơi ‘meh vă rơngei hiôk hian” tơ̆ phường Buôn Ma Thuột.

VOV.Bahnar - Yến sào jĭ mĭnh lơ̆m dôm tơmam gĭt kăl hloh kơ Khánh Hòa, pơjing tơdrong jang ăn rơbou bơngai jang păng hơnhăk đei iŏk yoa kơjăp ăn tơring. Mă lei, tơdrong đei ƀôh lơ tơmam drăm ya, tơmam pơm thơthoi ưh kơ ‘lơ̆ng tŏk bok pơm kơnê̆ găh tơmam tơpă, tơdrong tĕch mơdro păng jang sa iok đei kơ bơngai pơm tơlĕch tơpă.

VOV.Bahnar - Pơm ‘lơ̆ng, chă đei tôm bơngai jang păng hơtŏk tơdrong ‘lơ̆ng mưh bơ̆ jang đơ̆ng anih jang pơgang tơ̆ tơring 'nŏh hơnơ̆ng jing tơdrong tôch gĭt kăl vă vei lăng jơhngơ̆m pran kon pơlei. Tơ̆ dêh char Gia Lai, mưh bơ̆ jang kiơ̆ trong Khul kơdră pơgơ̆r tơring 2 tăl, kơsô̆ kon pơlei đei khăm hơmet jĭ jô̆ păh lăp tơ̆ rim hnam pơgang xăh tŏk lơ đơ̆ng hlŏh 9.700 'nu bơngai tŏk hlŏh 26.800 'nu bơngai. Mă đơ̆ng rim hnam pơgang xăh đei ƀak si bơ̆ jang ngăl, mă lei mă tơpă lơ̆m dêh char oei tơjră hăm tơdrong ưh kơmăh vă jê̆ 500 'nu bơngai jang dơ̆ng.

VOV.Bahnar - Kơsơ̆ 28/7, Anih pơgơ̆r jang 152 dêh char Đắk Lắk hop akŏm ‘măng mă 4 vă dăr hơlen trong jang tŏk 6 khei hơtuch sơnăm, khŏm jang đei tơdrong hơgăt pơđĭ sơnăm 10,02%.

VOV.Bahnar - Kơsơ̆ 28/7, tơ̆ Hà Nội, Tổng Bí thư, Kơdră teh đak Tô Lâm hlôi sơng Kơdră Quốc hội Campuchia Khuon Sudary ƀlep ƀơ̆t ‘măng năm ngôi, bơ̆jang tơ̆ Việt Nam.