VOV.Bahnar – ‘Năr 16/11, Phó Thủ tướng Hồ Quốc Dũng truh pơm lêh tơlĕch man Hnam trưng teh đak rong jăl 1 păng jăl 2 tơ̆ 7 xăh sơlam găh Pơmât kơ dêh char Gia Lai. 

VOV.Bahnar – Drơ̆ng kiơ̆ nơ̆r krao đơ̆ng Thủ tướng teh đak Kuwait Sheikh Ahmad Abdullah Al-Ahmad Al Sabah, kơsơ̆ brei (16/11) Thủ tướng Phạm Minh Chính kŭm hăm hơkăn ƀok păng Khul tang măt ăn Việt Nam truh tơ̆ cham gre păr Kuwait pơtơm năm ngôi tơ̆ teh đak Kuwait.

VOV.Bahnar - Ƀlep ƀơ̆t tơbăt 95 sơnăm Năr pơjing Mặt trận Hơdrĕch hơdrŭng jing mĭnh Việt Nam, ‘năr brei (16/11), tơ̆ phường Ba Đình, pơlei tơm Hà Nội, Kơdră Quốc hội Trần Thanh Mẫn vang truh akŏm chơt hơiă Năr tơgoăt tơgoăl đĭ đăng hơdrĕch hơdrŭng hăm kon pơlei Cụm 1, phường Ba Đình păng thây tro hnam trưng hŏk jăl 3 Phan Đình Phùng.

VOV.Bahnar - Hla ar chih Chinh trĭ vă tơroi lơ̆m Hop akŏm mă XIV kơ Đảng chih hơdăh: jang tŏk hrĕnh păng kơjăp athei ‘moi kiơ̆ 3 tơdrong tơm gĭt kăl, tơplih ‘nao trong jang tŏk, jang mŭk drăm rơgŏh, mŭk drăm tơ̆ đak dơsĭ, khoa hŏk – kơmăy kơmŏk păng tơplih hăm kơmăy sô̆. Hăm Khánh Hòa, tơring oei hơdrơ̆ hơkâu jang tŏk đơ̆ng rŏng kơ tơmơ̆t hơdai, tơdrong ‘nŏh dar deh đei tơ̆yăn âu kiơ̆ đơ̆ng hơmet ming anih vă jang tŏk, tưk tơiung chă tơmang lăng rơgŏh păng pơjing lơ trong jang kơmăy kơmŏk kơjăp ‘lơ̆ng.

VOV.Bahnar - Tơ̆ jơ bơ̆ jang hăm Anih vei lăng choh jang xa păng cham char, ƀok Lương Nguyễn Minh Triết, Bí thư Đảng dêh char Đắk Lắk pơtho tơƀôh hơtŏk tơdrong vei lăng kơjăp tơdrong rong ka hơdang hăm hơdrao, mă loi tơ̆ dôm dơnâu đak tih păng tơring tơter đak dơsĭ, vă pơm ‘lơ̆ng ăn tơdrong jang tŏk hơdai hăm vei lăng cham char rơgŏh ‘lơ̆ng.

VOV.Bahnar - Kơsơ̆ ‘năr 13/11, tơ̆ Anih jang kơ Khul kơdră teh đak, Thủ tướng Phạm Minh Chính pơgơ̆r Hop akŏm trư̆k tuyê̆n hơmet pơ 'lơ̆ng hiong răm đơ̆ng ‘mi kial hơbŭt, tơiung ming dơ̆ng tơdrong jang xa, tĕch mơdro păng pơm sơđơ̆ng tơdrong arih ăn kon pơlei tơ̆ tơring Tŏk bŏk.

VOV.Bahnar - Năr 13/11 tơ̆ Đồng Nai, Tổng Bí thư Tô Lâm chĕp kơ̆l khul kơ pal kơ Trung ương truh dăr hơlen tơdrong jang tơ̆ hơnih ming man Cham gre păr Apŭng plenh teh Long Thành.

VOV.Bahnar – Sơkơ̆t hơdah tơdrong asong jên jang ăn teh đak ah sơnăm 2025 kơ Lâm Đồng 'noh hloh 18 rơbou 600 tih hlj, đei hloi jên asong jang đơ̆ng sơnăm hơdrol ki.

VOV.Bahnar – Lơ̆m tơdrong Akŏm tơbôl gah khul linh sơlam teh Việt Nam – Campuchia tơ̆ Tây Ninh, Đại tướng Phan Văn Giang, Ƀô̆ trương Anih tơm vei lăng Khul linh Việt Nam hlôi pơma đam hăm Đại tướng Tea Seiha, Phŏ Thủ tướng, Ƀô̆ trương Anih tơm vei lăng Khul linh Campuchia.

VOV.Bahnar - Pơgê 13/11, Anih vei lăng kon pơlei dêh char Đắk Lắk pơgơ̆r hop akŏm trực tuyến păng kơtă hăm rim tơring vă pơma dơnuh trong jang hơmet pơ ‘lơ̆ng hiong răm đơ̆ng ‘mi kial hơbŭt kơsô̆ 13 - kial hơbŭt đei lăng pơm ăn hiong răm kơtang hloh tơ̆ Đắk Lắk lơ̆m lơ sơnăm âu ki.