VOV.Bahnar - Kơsơ̆ ‘năr 9/6, Khul dăr lăng đơ̆ng Anih pơgơ̆r jang kơ Trung ương yoa Kơdră jang lơ̆m Trung ương Đảng, Phŏ Kơdră Anih pơgơ̆r jang kơ Trung ương Bùi Thị Quỳnh Vân chĕp kơ̆l hlôi bơ̆jang hăm dêh char Đắk Lắk găh mĭnh sơnăm bơ̆ jang kiơ̆ trong jang Khul kơdră pơgơ̆r tơring 2 tăl.4

VOV.Bahnar - Kơsơ̆ 9/6 tơ̆ Hà Nội, đơ̆ng rŏng pơm lêh sơng, Thủ tướng Lê Minh Hưng hlôi pơma đam hăm Thủ tướng Kay Rala Xanana Gusmão ƀlep ƀơ̆t ‘măng năm ngôi, bơ̆jang tơ̆ Việt Nam păng vang truh Hop akŏm Khei ‘năr tơ̆ hơnăp kơnh kơ ASEAN 2026.

VOV.Bahnar - ‘Nao âu, tơ̆ xăh Vĩnh Thạnh, dêh char Gia Lai tơlĕch tơdrong jang pơtăm ‘long pơgang Đan Sâm lơ̆m teh xă 200ha, akŏm đĭ đăng jên jang truh 139 ti. ‘Nâu jĭ tơdrong jang lăp hăm trong jang atŏk tơiung ‘long pơgang, y học cổ truyền năm truh tơdrong pơjing tơring pơtăm tơmam akŏm, tơklep hăm pơm tơlech, hơtŏk kơjă tơmam đơ̆ng choh jang xa păng pơjing tơdrong arih xa, jang xa kơjăp ‘lơ̆ng ăn kon pơlei tơ̆ tơring.

VOV.Bahnar - Anih vei lăng kon pơlei dêh char Đắk Lắk ‘nao tơlĕch ăn trong jang pơlong lăng pơm hrĕnh hla ar tơmơ̆t jên jang lơ̆m dêh char.

VOV.Bahnar - ‘Năr (9/6), Hop akŏm Tơ̆ hơnăp kơnh ASEAN (AFF) 2026 pơtơm pơgơ̆r pơih blŭng tơ̆ Hà Nội hăm hơnăn “Vang pơjing trong ăn tơ̆ hơnăp kơnh atŭm: Rơngei, Hơnŭk hơnoa păng Hơtŏk tơiung iŏk kon pơlei pơm tơm”.

VOV.Bahnar – Năr (09/06) tơ̆ Hơnih jang Trung ương Đảng, Tổng Bí thư, Kơdră teh đak bơ̆n Tô Lâm pơgơ̆r 'măng pơm jang hăm Jơnŭm jang gah Chih nơ̆r pơma xa Trung ương jăl jang 2026-2031 gah tơdrong tơlĕch jang lơ̆m khei năr truh.

VOV.Bahnar – Hơnih jang vei lăng kon pơlei dêh char Lâm Đồng hlôi tơbang hla bar pơkăp pơgơ̆r hăm rim hơnih jang, rim tơring dah tenh kuăng pơkăp jang đơ̆ng rŏng kơ hơgrop hơnih jang hanh chĭnh, vei sơđơ̆ng tơdrong jang keh đang kiơ̆ đơ̆ng Trung ương hơmet pơtơm.

VOV.Bahnar - Ƀok Nguyễn Thanh Nghị, Kơdră jang lơ̆m Anih tơm Chinh trĭ, Bí thư Trung ương Đảng, Kơdră chĕl kơ̆l Anih tơlĕch trong jang gĭt kăl kơ Trung ương ‘nao bơ̆ jang hăm Khul kơdră chĕp kơ̆l Đảng dêh char Đắk Lắk păng roi tơbăt dôm tơdrong hơlen năng mưh bơ̆ jang 4 tơdrong tơm đei: Tơdrong jang đơ̆ng Khul kơdră pơgơ̆r tơring 2 tăl; bơ̆ jang kiơ̆ đon pơhnŏng jang tŏk mŭk drăm; tơlĕch tơdrong Tơchơ̆t kơsô̆ 57 đơ̆ng Anih tơm Chinh trĭ; tơdrong hơlen năng tơdrong rơgei, jang gơ̆h đơ̆ng anih jang Đảng, rim đảng viên păng kăn ƀô̆ chĕp kơ̆l, vei lăng.

VOV.Bahnar – Sơng iŏk nơ̆r hơvơn đơ̆ng Thủ tướng teh đak bơ̆n Lê Minh Hưng, Thủ tướng teh đak Thái Lan Anutin Charnvirakul năm tơmang teh đak Việt Nam păng năm Hop akŏm Khei năr hơnô̆ hơnăp ASEAN 'măng mă 3.

VOV.Bahnar – Lơ̆m khei 5 ou ki tơdrong pơm jang kŏng ngĭp kơ dêh char Lâm Đồng tŏk hloh 12% pơtêng hăm khei 4 păng tŏk hloh 15% pơtêng hăm khei năr ou sơnăm sơ̆.