VOV.Bahnar – Kơsơ̆ năr 15/6, Hô̆i đŏng kon pơlei dêh char Gia Lai jăl 13, jăl jang 2026-2031 pơgơ̆r 'Măng hop akŏm mă 4 (gah juăt jang), hơlen lơ tơdrong kăp gĭt gah hơtŏk mŭk drăm tơpôl, atŭm hăm noh bơne ekơ dôm tơdrong jang đei jơnei păng tơnap tap đơ̆ng rŏng kơ 1 sơnăm jang kiơ̆ pơkăp jơnŭm pơgơ̆r tơring 2 tăl.

VOV.Bahnar - ‘Năr dơ̆ng năr 15/6, ƀok Lương Nguyễn Minh Triết, Bí thư Đảng dêh char Đắk Lắk pơm tơm jơ bơ̆ jang hăm Grŭp jang T&T trong vă iung jang chă tơchĕng hơlen tơmơ̆t jên jang rim tơdrong vă jang tơring kơdrơ̆m păng ŭnh hơyuh rơgoh ‘lơ̆ng lơ̆m dêh char.

VOV.Bahnar - Kơsơ̆ năr 15/6, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn pơm tơm ‘măng bơ̆ jang hăm Kơdră chĕp pơgơ̆r Hơnih tơm jang tơbôl; Kơdră chĕp pơgơ̆r Hơnih vei lăng sơđơ̆ng teh đak, Sơđơ̆ng tơring păng Hơpeh hơpong hăm teh đak đe; Hơnih bơ̆ jang ăn Kuô̆k hô̆i, kơ Khul kơdră Kuô̆k hô̆i.

VOV.Bahnar - Lơ trong tih ƀrach ƀrônh unh điên, ƀrông ƀrang hla kơ đei hơtol tôch rŏ dăh mă trong jang vei lăng cham char kơdih oei pơm tơplih ‘lơ̆ng um ai pơlei pơla tơ̆ Đắk Lắk. Đơ̆ng dôm tơdrong jang tôch hơiă, tôch ƀônh lơ̆m tơdrong arih xa rim năr, bơngai jang lơ̆m Khul kon pơlei jang chŭn păng kon pơlei tơ̆ tơring oei tơgop jơhngâm hơmet pơ ‘lơ̆ng cham char arih, pơm pơ ‘lơ̆ng ăn um ai tơring tơrang, vang tơgop pơjing lơ tơring teh pơlei pơla arih xa hiôk chơt.

VOV.Bahnar - Pơgê 15/6, tơ̆ Anih jang kơ Khul kơdră teh đak, Thủ tướng Lê Minh Hưng pơma điên thoăi hăm Thủ tướng teh đak Trung Quốc Lý Cường.

VOV.Bahnar - Pơgê năr 15/6, Hơnŏ anih Đảng dêh char Đắk Lắk pơgơ̆r Hop akŏm tơroi tơbăt rim tơdrong tơchơ̆t găh bơ̆ jang kang ƀô̆. Khul kơdră chĕp pơgơ̆r Đảng dêh char tơbăt hơdăh 15 tơdrong tơchơ̆t găh pơjao jang ăn kang ƀô̆ tơ̆ rim hơnih bơ̆ jang pơchoh trong kơ Đảng dêh char păng rim tơring, phương lơ̆m dêh char.

VOV.Bahnar - Pơgê năr 15/6, tơ̆ Hơnih bơ̆ jang Trung ương Đảng, Tổng Bí thư, Kơdră chĕp pơgơ̆r teh đak Tô Lâm pơm tơm jơ bơ̆ jang hăm Hơnih jang vei lăng Pơtho pơhrăm atŭm hăm rim hơnih bơ̆ jang ƀơm truh găh bơ̆ jang hơmet ăn sơnăm hŏk 2026-2027.

VOV.Bahnar - Pơyan ‘mi kial tŏk bŏk truh mă lei lơ hơnih teh tơdrŭt hơlih hlôi đei ƀôh tơ̆ rim tơring kon pơlei oei păng jăl trong gre  tơm dơnơm tơ̆ Lâm Đồng.

VOV.Bahnar - Ƀlep lơm năr tơbăt 101 sơnăm Năr Khul chih kơtơ̆ng ang Kĕch mang Việt Nam, kơsơ̆ năr 14/6, tơ̆ Hnam Kuô̆k hô̆i, Thủ tướng teh đak Lê Minh Hưng hăm Kơdră chĕp pơgơ̆r Kuô̆k hô̆i Trần Thanh Mẫn vang chĕp pơgơ̆r ‘măng tơƀơ̆p muh măt rim kơdră chĕp pơgơ̆r rim hơnih chih kơtơ̆ng ang.

VOV.Bahnar - Lơ̆m khei ‘năr jang hơdai tơring roi ‘năr roi đei tŭn pran, dôm tơring Tây Nguyên păng tơter đak dơsĭ Nam Trung Bộ tŏk bŏk pơih să jang hơdai, iŏk jang đei yua tơdrong ‘lơ̆ng tơgŭm băl đ”bri kông păng đak dơsĭ” vă pơjing dôm tơmam chă tơmang lăng hơdai tơring gĭt kăl. Đơ̆ng dôm tơdrong jang hơdai hơnih truh, pơtrŭt tơmơ̆t jên jang truh pơjing dôm trong chă tơmang lăng ‘nao, tơdrong tơklep hơdai đơ̆ng bri păng đak dơsĭ ưh khan lăp pơm dơ̆ng tơdrong hơiă ăn tơmoi chă tơmang lăng mă oei pơih đei hơnih hơtŏk tơiung ‘nao.