VOV.Bahnar - Anih pơgơ̆r bơ̆ jang kiơ̆ đon pơhnŏng jang tŏk truh 2 kơsô̆ đơ̆ng 2026–2030 kơ Anih chĕp kơ̆l Đảng dêh char Đắk Lắk ‘nao đei pơjing păng gơ̆r hop akŏm ‘măng mă blŭng. Hop akŏm pơma nuh găh dôm trong pơgơ̆r jang kiơ̆ rim anih, rim jăl khei, chih hơdăh hơnăp jang tơklep hăm rim tơdrong tôch rơđăh; atŭm hăm ‘nŏh hơtŏk tơdrong hơmet ming trong pơm hla ar, pơjing trong jang “hiôk ‘lơ̆ng” ăn tơdrong jang kăl păng tơlĕch nơ̆r apinh athei hơmet pơ ‘lơ̆ng dôm tơdrong oei tơhlăk găh tơdrong tơgŭm, tơlĕch jên jang tơtom vă pơih trong jang tŏk, năm truh tơdrong jang tŏk jô̆ păh lăp đơ̆ng 11–11,5% 1 sơnăm.

VOV.Bahnar - Tổng Bí thư lui akhan, Kuô̆k hô̆i jăl XVI ưh kơ jor iŏk đei kơnei kơtang mă Đảng, teh đak păng Kon pơlei pơjao ăn; tơgop atŭm lơ̆m Đảng, pơđĭ lơ̆m kon pơlei, ƀô̆ đô̆i kong ang iung jang tơdrong hơpơi ‘meh vă tơ iung pơjing mĭnh teh đak Việt nam rơngei hiôk hian, pơm tơm kơdih, pơdrong pran kơtang, hơnŭk hơnoa, pran kơjăp iăp kơtang yak mơ̆t lơ̆m chủ nghĩa xã hội.

VOV.Bahnar - Kơdră Quốc hội jăl XV Trần Thanh Mẫn hlôi đei Quốc hội pôk hơnơ̆ng pơm Kơdră Quốc hội jăl XVI.

VOV.Bahnar – Anih vei lăng kon pơlei dêh char Gia Lai hôp hăm Anih pơgơ̆r jang păng vei lăng sơđơ̆ng yă tơmam vă tơlĕch trong vei lăng ‘lơ̆ng tơdrong tĕch mơdro ƀât mă dôm kơjă tơmam yoa kăl oei jur tŏk tôch dêh dang ei.

VOV.Bahnar - Ƀlep ƀât Têt Bunpimay sơnăm 2026 kơ kon pơlei dôm hơdrĕch hơdrung Lào, ‘năr (5/4), Khul jang đơ̆ng Anih chĕp kơ̆l pơgơ̆r khul linh plt Đà Nẵng năm ngôi, hơpăh tơmam, khăm jĭ păng ƀơk đĕch pơgang ăn kon pơlei tơ̆ apŭng Đắc Chưng, dêh char Sê Kông, teh đak Cộng hòa Dân chủ Nhân dân Lào.

VOV.Bahnar – Năr ‘nâu, ‘năr 6/4/2026, Hop akŏm mă mônh, Quốc hội teh đak Cộng hòa xã hội chủ nghĩa Việt Nam jăl XVI pơgơ̆r tih tơ̆ Hnam Quốc hội, anih tơm Hà Nội.

VOV.Bahnar - Kơsơ̆ 05/4, tơ̆ Anih jang kơ Khŭl kơdră teh đak, Thủ tướng Phạm Minh Chính hlôi sơng Kơdră tang măt ăn teh đak Trung Quốc tơ̆ Việt Nam Hà Vĩ.

VOV.Bahnar - Sơnăm Tơmang lăng teh đak 2026 yua đơ̆ng Gia Lai iŏk pơgơ̆r tŏk bŏk hơnơ̆ng pơm tơdrong păr ang pran, sơng đei lơ tơmoi lơ̆m păng ‘ngoăih teh đak. Tơdrong pơgơ̆r lêh oei pơvei chơt hơiă tơ̆ lơ hơnih tơmang lăng, hăm kơsô̆ tơmoi tŏk lơ lơ̆m dôm năr blŭng đơ̆ng rŏng kơ pơgơ̆r jang, pơih ăn hơiă ‘nao ăn anih jang tơmang lăng tơrring.

VOV.Bahnar – Dêh char Lâm Đồng oei bơ̆ jang, chă hơlen năng vă hơmet ming trong jang atŏk tơiung tơring jang kơmăy đơ̆ng 2026- 2030 păng trong jang đơ̆ng rŏng kơ sơnăm 2030 kiơ̆ trong akŏm tơring jang kơmăy tơ̆ tơring tơter đak dơsĭ.

VOV.Bahnar - Tơ̆ dêh char Đắk Lắk, tơdrong jang đoan oei tŏk pran đơ̆ng jang kiơ̆ khul jing tơlĕch lơ tơdrong jang tôch hơdăh, tơklep kơjăp hăm tơdrong ‘mĕh vă tơ̆ yăn âu kơ tơring. Đơ̆ng tơgŭm ăn kon pơlei pơm bơ̆n hla ar trư̆k tuyê̆n, hơtŏk tơdrong tơplih ‘nao rơgei, tơplih hăm kơmăy sô̆, truh năm bơ̆ jang tơgŭm mưh đei tơdrong sar bar, lơ tơdrong jang ‘nao đei tơlĕch, pơm hơtŏk đon jang tơnăp, gơ̆h hơgei đơ̆ng đe đoàn viên, druh dăm, kiơ̆ đơ̆ng noh tơƀôh hơdăh hơnăp jang đơ̆ng sơnăm mơlôh lơ̆m chăl jang tŏk ‘nao.