VOV.Bahnar – Pơgê năr 10/8, Khul Kơpal kơ Jơnŭm pơgơ̆r teh đak Cộng hòa xã hội Chủ nghĩa Việt Nam kơyuơ Thủ tướng teh đak bơ̆n Lê Minh Hưng chĕp kơ̆l truh plang kơvang pơkao pơjôk nhap ƀok Saysomphone Phomvihane, jang lơ̆m Hơnih tơm Chĭnh trĭ, Kơdră Kuô̆k hô̆i teh đak Lào, tơ̆ Hơnih jang tang măt ăn teh đak Lào tơ̆ Việt Nam.

VOV.Bahnar - Dêh char Đắk Lắk vă tơjur dang 51% kơsô̆ hnam hŏk đơ̆ng teh đak pơjing đơ̆ng rŏng kơ hơmet ming hnam trưng, lăm hŏk. ‘Nâu jĭ trong jang ‘nao đei Khul kơdră chĕp kơ̆l Đảng dêh char Đắk Lắk tơgop nơ̆r tơ̆ hop akŏm ‘măng mă 27. Hăm tơdrong hơmet ming tih, tơdrong đei tơlĕch kơplăh dang ei ‘nŏh pơm thoi yơ vă kăt tơjur ƀiơ̆ hnam trưng, iŏk yoa ‘lơ̆ng khul jang mă lei ưh đei ƀơm ưh ‘lơ̆ng truh tơdrong pơtho păng hŏk pơhrăm.

VOV.Bahnar - Anih vei lăng kon pơlei dêh char Gia Lai ‘nao pơgơ̆r Hop akŏm pơma dơnuh kơtă đơ̆ng Kơdră Anih vei lăng kon pơlei dêh char hăm đoàn viên, hơdruh tơdăm sơnăm 2026. Tơ̆ hop akŏm, sơnăm mơlôh Gia Lai tơlĕch lơ trong jang ƀơm truh tơdrong jang, pơjing tơdrong jang sa, tơplih kơmăy kơsô̆ păng hơtŏk tơiung tơmang lăng.

VOV.Bahnar - Kơsơ̆ brei 9/8, tơ̆ Anih tơm Vientiane, Khul tang măt gĭt kăl kơ Đảng păng teh đak Việt Nam yoa Kơdră Quốc hội Trần Thanh Mẫn chĕp kơ̆l năm hơpong nhan ƀok Saysomphone Phomvihane, Kơdră jang lơ̆m Anih tơm Chinh trĭ, Kơdră Quốc hội Lào.

VOV.Bahnar- Drơ̆ng nơ̆r krao hơvơn đơ̆ng Kơdră chĕp kơ̆l teh đak Australia păng Kơdră chĕp kơ̆l teh đak New Zealand Cindy Kiro, đơ̆ng ‘năr 9 truh 14/8/2026, Tổng Bí thư, Kơdră teh đak Tô Lâm kŭm hăm Khŭl tang măt gĭt kăl Việt Nam năm ngôi, bơ̆jang tơ̆ teh đak Australia păng New Zealand.

VOV.Bahnar - Lơ̆m jơ năr pơdong, rim anih jang, anih bơ̆jang lơ̆m teh đak păng anih jang tang măt Việt Nam tơ̆ teh đak đe hơtol hla ar sơ ‘ngon, chô̆ che găm tơbăt kơnê̆ hơkâu păng pơdơh pơđĭ tơdrong jang ngôi pơchơt lơ̆m tơpôl.

VOV.Bahnar - Đơ̆ng rŏng hlŏh 10 sơnăm tơlĕch tơdrong jang, lơ djrong nhôm mă blŭng đơ̆ng Việt Nam ‘nao đei pơm tơlĕch tơ̆ Hơnih jang kơmăy kơmŏk Nhân Cơ, dêh char Lâm Đồng. Đơ̆ng quặng bauxite lơ̆m teh, jing alumin, păng truh dang ei jing nhôm; mĭnh trong jang tŏk bŏk đei hơmet pơ ‘lơ̆ng, hơnhăk ba lơ tơdrong hơmĕng găh tơdrong jang, sơng bơngai tơmât jên jang păng dôm anih jang kơmăy kơmŏk ‘nao tơ̆ Tây Nguyên.

VOV.Bahnar - Jang kiơ̆ tơdrong Tơchơ̆t kơsô̆ 57 đơ̆ng Anih tơm Chinh trĭ, dêh char Lâm Đồng oei hơtŏk tơdrong hơnhăk khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆ mât lơ̆m rim tơdrong jang xa. Đơ̆ng tĕch mơdro, pơtruh dôm tơdrong tơchĕng hơlen đei truh tơdrong pơjing kơjă tơmam, dêh char oei hue lăng truh tơdrong ‘lơ̆ng vă pơjing tơmam drăm, hơtŏk kơsư̆k pơjei, pơjing jơhngâm pran ‘nao ăn tơdrong jang tŏk mŭk drăm.

VOV.Bahnar - ‘Năr 6/8, Jơnŭm pơgơ̆r kon pơlei dêh char Gia Lai pơgơ̆r tơƀâp bơngai tăh hla tơ̆ phường Quy Nhơn – anih đei dêh char chĕng hơmet vă pơjing tơring kơdrâm chă tơmang lăng sơđơ̆ng, ‘lơ̆ng hơiă.

VOV.Bahnar - Drâm kơsơ̆ ‘năr 6/8, tơ̆ Hnam Quốc hội, Kơdră Quốc hội Trần Thanh Mẫn sơng Bơngai tang măt gĭt kăl ăn teh đak Mi tơ̆ Việt Nam Jennifer Wicks truh tơƀâp ƀlep ƀât Bơngai tang măt pơtơm năm bơ̆ jang tơ̆ Việt Nam.