VOV.Bahnar - Đei hloi tơring pơtăm să păng jê̆ ‘măng mât lĕch tơ̆ trong đak dơsĭ đơ̆ng rŏng kơ tơmât hơdai, Đắk Lắk dơ̆ng ƀât hơnăp tơdrong ‘lơ̆ng vă jang tŏk găh kơmăy kơmŏk pơm hơmet tơmam. Mă lei vă jang đei tơdrong ‘nâu, tơring athei hơmet pơ ‘lơ̆ng dôm tơdrong tơhlăk găn trong găh anih jang logistics păng tơgoăt tơring. ‘Nâu jĭ tơdrong đei bơngai juăt jang, anih tĕch mơdro akŏm jơhngâm tơblang hơdăh tơ̆ Hop akŏm atŏk tơiung tơring jang kơmăy hơdai hăm pơm hơmet pơ ‘lơ̆ng tơmam păng jang logistics yoa Anih vei lăng kon pơlei dêh char Đắk Lắk pơgơ̆r.

VOV.Bahnar – Đei pơgơ̆r đơ̆ng ‘năr 15/8 truh 2/9, ‘nâu jĭ ‘măng mă blŭng Lêh sầu riêng tơ̆ Đắk Lắk đei pơgơ̆r tih kơ dêh char. Lêh akŏm đei 17 tơdrong jang, pơgơ̆r tơ̆ phường Buôn Ma Thuột, xăh Krông Pắc, phương Tuy Hòa kŭm hăm 1,2 tơring đei teh pơtăm sầu riêng xă. Lêh Sầu riêng Đăk Lăk sơnăm 2026 ưh khan lăp vă roi tơƀôh tơmam mă oei yak truh pơjing cham char tơmam, pơih să anih tĕch mơdro păng pơm kơjă kơjăp ăn bơngai pơm tơlĕch.

VOV.Bahnar - Vă kơchăng druh kiơ̆ rim tơdrong tơplih ưh ê đơ̆ng tŏ ‘mi kial, mă loi jĭ ‘mi kial đak lip, dêh char Đắk Lắk tơgŭm ăn kon pơlei pơm lơ kơloăi hnam vă veh ver kơ đak lip. Kơhrĕng tŏ hnam đơ̆ng “Tơdrong jang Quang Trung" đei man đang, dôm jĭt tŏ hnam phao đei jrăng tơjră păng lơ hnam vă veh ver đak lip ăn tơpôl đei man, tơgŭm ăn kon pơlei sơđơ̆ng jơhngâm lơ̆m pơyan ‘mi kial vă truh.

VOV.Bahnar – Lơ̆m 'măng năm tơmang kơpal truh teh đak New Zealand, 'năr brei (13/8), Tổng Bí thư, Kơdră teh đak bơ̆n Tô Lâm hlôi pơma đam hăm Thủ tướng New Zealand Christopher Luxon.

VOV.Bahnar - Pơgê 13/8, đơ̆ng rŏng Lêh sơng tih đei pơgơ̆r tơ̆ Anih jang Kơdră chĕp kơ̆l teh đak, pơlei tơm Auckland, New Zealand, Tổng Bí thư, Kơdră teh đak Tô Lâm hlôi pơma dơnuh hăm Kơdră chĕp kơ̆l teh đak New Zealand, yă Dame Cindy Kiro.

VOV.Bahnar - Đại tướng Trịnh Văn Quyết, Kơdră chĕp kơ̆l Ban Tuyên giáo Trung ương ‘nao truh akŏm păng iung pơma nơ̆r pơtho tơ̆ “Năr đĭ đăng kon pơlei vei lăng sơđơ̆ng teh đak” sơnăm 2026 tơ̆ phường Hoài Nhơn Bắc, dêh char Gia Lai. Pơma tơ̆ âu, Đại tướng athei vei kơjăp tơdrong sơđơ̆ng ‘moi kiơ̆ jơhngâm đon kon pơlei păng athei dêh char Gia Lai jang pơlong năng tơdrong pơjing phường xã hội chủ nghĩa.

VOV.Bahnar - Đơ̆ng rŏng hloh 2/3 khei ‘năr tơlĕch jang “Tơdrong jang iŏk pơ ‘ngoăih teh dôm tơdrong jang tơm”, truh dang ei, dêh char Đắk Lắk hlôi hơmet pơ ‘lơ̆ng teh ăn dôm jĭt tơdrong jang đei tơhlăk lơ sơnăm.

VOV.Bahnar – Pơgê 'năr brei (13/08), tơ̆ Hơnih jang kơ Jơnŭm pơgơ̆r teh đak, Thủ tướng Lê Minh Hưng pơgơ̆r 'măng pơm jang hăm Hơnih mong jên teh đak Việt Nam păng dôm hơnih jang mong jên.

VOV.Bahnar – Lơ̆m ‘măng năm ngôi tơ̆ teh đak New Zealand, drâm kơsơ̆ brei 12/8, tơ̆ plt Auckland (New Zealand), Tổng Bí thư, Kơdră teh đak Tô Lâm păng Khul tang măt ăn Việt Nam hlôi tơƀâp kăn ƀô̆, bơngai jang tơ̆ Anih tang măt păng bơngai dơ̆ng tang ăn tơpôl bơngai Việt Nam tơ̆ New Zealand.

VOV.Bahnar – Lơ̆m khei ‘năr bơ̆ jang Tơdrong jang “500 măng năr sir chă, pôi akŏm păng chih hơdăh hơnăn đe linh lôch tang ăn teh đak”, xăh Đăk Pék, dêh char Quảng Ngãi sir chă đei 10 kơ̆l linh lôch tang ăn teh đak tơ̆ thôn 16/5.