VOV.Bahnar – Tơbăt 81 sơnăm Kăch mang khei 8 păng Quốc khánh 2/9, kơsơ̆ (18/8), tơ̆ Trung đoàn linh gre teh 102, xăh Phú Cát, Hà Nội, Tổng Bí thư, Kơdră teh đak Tô Lâm, Bí thư Quân ủy Trung ương păng Khul jang kơ Trung ương năm ngôi păng bơ̆ jang hăm Sư đoàn ling gre teh 308, Quân đoàn 12, Anih tơm vei lăng khul linh teh đak.

VOV.Bahnar – Pơgê brei (18/8), Khul drŏ kăn dêh char Đắk Lắk pơgơ̆r pơtôch, hơpăh tơmam ăn Tơdrong thi trư̆k tuyê̆n chă hơlen năng Tơdrong tơchơ̆t đơ̆ng Hop akŏm Đảng ƀô̆ dêh char, Tơdrong tơchơ̆t đơ̆ng Hop akŏm bơngai tang măt MTTQ Việt Nam dêh char păng Tơdrong tơchơ̆t đơ̆ng Hop akŏm bơngai tang măt drŏ kăn jơ̆p tơring, jăl jang đơ̆ng 2025 - 2030.

VOV.Bahnar - Đơ̆ng rŏng 8 ‘măng livestream tĕch tơmam tơ̆ Lêh Sầu riêng Đắk Lắk sơnăm 2026, bơngai pơtăm sầu riêng hlôi tĕch hloh 28 tấn, hăm vă jê̆ 6.000 hla ar tĕch tơmam, akŏm iŏk đei vă jê̆ 3 ti hlak jên. 

VOV.Bahnar - Kơ sơ̆ brei (18/08), tơ̆ Anih jang kơ Khul kơdră tĕh đak, Thủ tướng Lê Minh Hưng pơgơ̆r Hop akŏm tơ drong jang chih pơjing khôi luơ̆t khei 8/2026 ăn tơgop nơ̆r lơ̆m 11 luơ̆t păng 1 tơ drong tơ chơ̆t pơ truh ăn Quốc Hội tơ̆ 'Măng hop akŏm mă 2.

VOV. Bahnar - Pơgê năr 18/8, tơ̆ Hà Nội, Hơnih tơm Chinh trĭ, Ban Bí thư pơgơ̆r Hop akŏm tơƀơ̆p muh măt rim Kơdră bơ̆ jang lơ̆m Hơnih tơm Chinh trĭ, kơdră jang lơ̆m Ban Bí thư rim jăl jang păng kơdră jang lơ̆m Trung ương Đảng jăl XIII pă đei pôk tơmơ̆t jang lơ̆m jăl XIV, ƀlep lơ̆m năr tơbăt 81 sơnăm Kĕch mang Khei Tơhngam păng Quốc khánh 2/9.

VOV.Bahnar - ‘Năr 19/8/2006, tơdrong tơroi pơma nơ̆r M’nông đei pơih lơ̆m radio nơ̆r pơma Việt Nam tơ̆ tơring Tây Nguyên. 20 sơnăm âu ki, tơdrong tơroi ưh lăp roi tơbăt rim trong jang, tơdrong tơgŭm đơ̆ng Đảng, khôi luơ̆t teh đak; pơtruh nơ̆r pơma, tơdrong hơpơi ‘mĕh đơ̆ng kon pơlei M’nông tơ̆ jơ̆p pơlei pơla đĕch, mă oei tơgop vei kơjăp păng tưk tơiung nơ̆r M’nông lơ̆m tơpôl dơ̆ng.

VOV.Bahnar - Pơgê brei 18/8, tơ̆ Anih jang tang măt ăn Trung Quốc tơ̆ Việt Nam, Thủ tướng Lê Minh Hưng chĕp kơ̆l Khul tang măt ăn Đảng, Teh đak, Mặt trận Tổ quốc Việt Nam năm hơpong păng chih nơ̆r ƀlŏk hơdơ̆r kơ nhap ƀok Chu Dung Cơ, sơ̆ jang lơ̆m Khul kơdră chĕp kơ̆l Anih tơm Chinh trĭ Trung ương Đảng Cộng sản Trung Quốc, sơ̆ pơm Thủ tướng teh đak Cộng hòa Nhân dân Trung Hoa, ‘nao lôch hơchăng.

VOV.Bahnar - Dêh char Đắk Lắk ‘nao pơgơ̆r lêh pôk pơ ư, hơpăh tơmam ăn hŏk tro, thây kô iŏk đei jơnei tôch rơgei lơ̆m dôm ‘măng thi tơ̆ teh đak, lơ̆m apŭng plenh teh sơnăm hŏk 2025-2026.

VOV.Bahnar - Hơnơ̆ng ‘măng hop akŏm mă 5, năr 17/8, Hơnih chĕp pơgơ̆r Kuô̆k hô̆i ăn tơgop nơ̆r găh tơdrong tơblang hơdăh, tơgoăt iŏk, hơmet ming trong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Hơnih mong răk jên teh đak Việt Nam, Khôi luơ̆t Tang găn hơlou, iung tơjră tang găn ôp jên păng Khôi luơ̆t rim Hơnih jang jên hu ăn tŏk iŏk.

VOV.Bahnar - Vă bơ̆ jang đei đon pơhnŏng jang tŏk mŭk drăm truh 2 kơsô̆ lơ̆m sơnăm 2026, Đắk Lắk oei akŏm jơhngâm hơmet pơ ‘lơ̆ng dôm tơdrong tơhlăk tih, mă loi jĭ chưk pơ ‘ngoăih teh păng tơlĕch jên jang đơ̆ng teh đak. Đơ̆ng tơdrong jang 45 măng năr chưk pơ ‘ngoăih teh truh vei kơjăp ki luơ̆t tơlĕch jên jang, iŏk tơlĕch jên đơ̆ng dôm tơdrong jang bơ̆ jang hiơ̆ hyĭn, lơ trong jang oei bơ̆ jang tôch pran, pơm tơplih ‘lơ̆ng tơ̆ dôm tơdrong jang tơm gĭt kăl.