VOV.Bahnar - Kơsơ̆ 10/2, Thủ tướng Phạm Minh Chính hlôi pơma điên thoăi hăm Thủ tướng Singapore Lawrence Wong vă pơma dơnuh găh trong jang hơtŏk tơiung jang hơdai 2 pang.

VOV.Bahnar - Tổng Bí thư Tô Lâm pơma hơdăh nơ̆r athei hơnơ̆ng pơjing Khul linh kon pơlei kăch mang, rơgei, pran kơtang lơ̆m chăl jang tŏk đơ̆ng hơdrĕch hơdrung, pơm lăp hăm tơdrong jang vei lăng teh đak lơ̆m chăl ‘nao.

VOV.Bahnar - Kơsơ̆ ‘năr 10/2, tơ̆ phường Quy Nhơn, dêh char Gia Lai, ƀok Trịnh Văn Quyết, Kơdră jang lơ̆m Anih tơm Chinh trĭ, Kơdră chĕp kơ̆l Anih roi tơƀôh păng krao hơvơn kon pơlei Trung ương pơgơ̆r jơ bơ̆ jang, dăr lăng tơdrong hơmet ăn pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring đơ̆ng 2026–2031.

VOV.Bahnar - Tơdrong jang “Pơyan Puih mak hiôk jơhngâm đon kon pơlei tơ̆ tơring” yoa Ƀô đô̆i vei lăng tơring sơlam Quảng Ngãi jang hơdoi vang pơgơ̆r hơnhăk ba pơyan Puih mak hrôih truh hăm kon pơlei dôm hơdrĕch hơdrung tơ̆ tơring sơlam dêh char Quảng Ngãi. Tơdrong jang oei pơgơ̆r khăm, ƀơk pơgang, hơpăh tơmam Têt pơgơ̆r hơri hơxoang ƀĕnh jơhngâm đon ‘mêm băl đơ̆ng linh hăm kon pơlei tơ̆ tơring sơlam. 

VOV.Bahnar - Lơ̆m tơdrong jang “Pơyan Puih mak đe linh” 2026, tơ̆ xăh sơlam Quảng Trực (Lâm Đồng), Quân khu 7 jang hơdoi hăm Anih vei lăng kon pơlei dêh char Lâm Đồng pơgơ̆r pơjing tơring kon pơlei oei xa jê̆ kơđông linh tơ̆ tơring sơlam. 

VOV.Bahnar – ‘Năr 10/2, tơ̆ xăh Cẩm Thạch, dêh char Thanh Hoá, Thủ tướng Phạm Minh Chính truh pơm lêh tơlĕch jang man Hnam trưng jăl mông Cẩm Thạch păng năm ngôi, hơpăh tơmam Têt ăn unh hnam tơnuh, unh hnam đei tơdrong arih xa pơmat tat, công nhân bơngai jang tơ̆ dêh char Thanh Hóa.

VOV.Bahnar – Tơ̆ hop akŏm pơma nuh ‘măng mă 3 pơgơ̆r pơgê (10/2), Anih Mặt trận Tổ quốc Việt Nam dêh char Đắk Lắk drơ̆ng nơ̆r, chih hơmet hơnăn mă hơtuch hăm dôm bơngai đei tôm tơdrong kăl vă lĕch pơjei pơm bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei dêh char Đắk Lắk jăl XI, đơ̆ng 2026-2031.

VOV.Bahnar – Tổng Bí thư Tô Lâm hlôi truh plang hlôt nhang, plang pơkao ƀlŏk tơbăt kơ dôm Ƀok Kơdră kơpal so yuk trong hơlou kơ Đảng păng đe linh lôch tang tơ̆ Hưng Yên păng Bắc Ninh.

VOV.Bahnar – Pơgê năr (10/2), Đại tướng Trịnh Văn Quyết, Kơdră Hơnih jang Tuyên yăo păng Pơrô̆ pơrôp Trung ương atŭm hăm Khul kơpal kơ Jơnŭm Pôk rơih Teh đak hlôi chă hơlen lăng tơdrong hơmet ăn tơdrong pôk rơih bơngai jang tang măt ăn Kuô̆k hô̆i jăl 16 păng bơngai jang tang măt ăn Hô̆i đŏng kon pơlei dôm jăl jang đơ̆ng sơnăm 2026–2031 tơ̆ dêh char Quảng Ngãi.

VOV.Bahnar - Hloh mĭnh hei dơ̆ng gô truh năr pơgơ̆r pôk rơih Kơdră tang măt Kuô̆k hô̆i jăl XVI păng kơdră tang măt Jơnŭm vei lăng kon pơlei rim kâp, jăl jang 2026–2031. Truh dang ei, 123 Hơnih bơ̆ jang pôk rơih tơring kơ dêh char Lâm Đồng hlôi jang keh đang pơdrơ̆ng nơ̆r mă ƀar, sơkơ̆t hơdăh hơnăn bơngai tang măt Jơnŭm vei lăng kon pơlei. Tơ̆ tơring sơlam teh đak Quảng Trực, hơnăn kơdră tang măt đei pơklep tơ̆ hơnih pôk rơih vă bơngai tăh hla lăng hơlen, rơih, yak truh ‘măng pơdrơ̆ng dih băl mă 3 chih hơnăn tơpă bơngai tang măt vă pôk rơih.