VOV.Bahnar - Pơgê brei (17/06), tơ̆ Hơnih hop akŏm tơm kơ Anih tơm vei lăng khŭl lĭnh pơgơ̆r tih Hop akŏm bơngai tang măt lơ̆m teh đak Khŭl vei lăng lĭnh so Việt Nam ‘măng mă VIII jăl jang 2026-2031.

VOV.Bahnar – Tơbăt 101 sơnăm Năr Hla ar tơroi kăch mang Việt Nam (21/6), kơsơ̆ (16/06) tơ̆ Anih jang kơ ƀok Kơdră teh đak, Tổng Bí thư, Kơdră teh đak bơ̆n ƀok Tô Lâm đei jơ tơƀâp, pơma nuh chơt hơiă hăm 101 ‘nu bơngai chih hla ar tơroi rơgei iŏk đei tơmam hơpăh lơ̆m tơdrong Thi chih hla ar kơ teh đak lơ̆m rim sơnăm kŭm hăm 1,2 ‘nu bơngai chĕp kơ̆l Hla ar tơroi.

VOV.Bahnar – ‘Năr 16/6, tơ̆ Hnam Quốc hội, Kơdră Quốc hội Trần Thanh Mẫn sơng Phŏ Kơdră Quốc hội teh đak Đức Bodo Ramelow năm ngôi tơ̆ Việt Nam.

VOV.Bahnar – ‘Năr (16/6), Anih vei lăng kon pơlei dêh char Đắk Lắk pơgơ̆r Hop akŏm kiơ̆ tơdrong jang vă hơtŏk tơdrong đei yoa đơ̆ng hơmet ming trong pơm hla ar vei lăng, hơmet pơ ‘lơ̆ng anih tơmât jên jang, tĕch mơdro pơyoa ăn tơdrong jang tŏk mŭk drăm, tơpôl sơnăm 2026. 

VOV.Bahnar - Kơsơ̆ brei (16/06) Thủ tướng Lê Minh Hưng păng khŭl tang măt gĭt kăl kơ Việt Nam hlôi truh tơ̆ cham gre păr apŭng plĕnh teh Kazan tơ̆ pơlei tơm Kazan kơ Liên bang Nga, pơtơm blŭng tơdrong jang vang truh Hop akŏm Tih tơbăt 35 sơnăm pơvei ASEAN - Nga păng dôm tơdrong jang 2 pang kiơ̆ nơ̆r krao hơvơn đơ̆ng Kơdră tơm Liên bang Nga Vladimir Putin.

VOV.BNahnar – ‘Năr 16/6, tơ̆ Hnam Quốc hội, Anih chĕp kơ̆l pơgơ̆r Quốc hội pơgơ̆r Hop akŏm tơlĕch tơdrong jang tơƀôh trong chih pơjing luơ̆t lơ̆m jăl jang kơ Quốc hội jăl XVI.

VOV.Bahnar - Dêh char Khánh Hòa oei pơgĕnh jơnăr vă bơ̆jang pơjao teh pơvih ăn Tơdrong jang man Hnam kơmăy unh điên hat nhân Ninh Thuận 1 păng 2 lơ̆m năr pơkăp ‘năr 30/6/2026 kiơ̆ nơ̆r athei đơ̆ng Thủ tướng teh đak.

VOV.Bahnar – Sơng iŏk nơ̆r hơvơn đơ̆ng Kơdră teh đak Liên bang Nga Vladimir Putin, Thủ tướng teh đak bơ̆n Lê Minh Hưng păng Khŭl Kơpal tang măt ăn Việt Nam vang năm Hop akŏm Kơpal tơbăt 35 sơnăm jang tơbôl ASEAN - Nga păng tơlĕch dôm tơdrong jang 2 pah tơ̆ pơlei tơm Kazan, Liên bang Nga đơ̆ng năr 16-18/6.

VOV.Bahnar - Pơgê năr (16/6), Hơnih jang vei lăng kon pơlei dêh char Đăk Lăk pơgơ̆r Lêh pôk Hơpah Ƀăo chĭ dêh char Đăk Lăk 'măng mă 6 – sơnăm 2025 păng pơtơm tơdrong Pơlong Ƀăo chĭ dêh char Đăk Lăk 'măng mă 7 - sơnăm 2026.

VOV.Bahnar – Kơsơ̆ năr (15/06 ) tơ̆ Hơnih jang Trung ương Đảng, Tổng Bí thư, Kơdră teh đak bơ̆n Tô Lâm pơgơ̆r 'măng pơm jang hăm Hơnih jang Tuyên yăo păng Pơrô̆ pơrôp Trung ương tơgop nơ̆r gah Tơdrong chih akŏm pơm jang gah đon tơchĕng đơ̆ng Đảng lơ̆m khei năr jang kiơ̆ tơplih kơmăi kơsô̆.