VOV.Bahnar - Pơgê 5/8, tơ̆ Hà Nội, lơ̆m jơ năr Hop akŏm Jang tơbôl ‘măng mă 33, Bơngai jang lơ̆m Anih tơm Chĭnh trĭ, Kơdră chĕp kơ̆l pơgơ̆r Ban Bí thư Trần Cẩm Tú hlôi pơgơ̆r ‘Măng hop akŏm đĭ đăng găh jang tơbôl Đảng păng jang tơbôl kon pơlei.

VOV.Bahnar - Hơmet ăn mơ̆t lơ̆m sơnăm hŏk ‘nao, anih pơtho pơhrăm dôm dêh char Tây Nguyên tŏk bŏk dơ̆ng tơ̆ hơnăp 1 jăl jang tơplih gĭt kăl ƀơ̆t hơdai hăm tơlĕch lơ hơnăp jang tih; proh hơmet ming dơ̆ng hnam trưng hŏk, pơm tŏ sĕt anih vei lăng, hơmet ming dơ̆ng khŭl kang ƀô̆ vei lăng, thây kô pơtho... ‘Nâu ưh khan lăp jing ‘meh vă tơplih ‘nao đơ̆ng anih jang pơtho pơhrăm mă oei jing tơdrong tŏk bŏk iŏk đei tơdrong bơngơ̆t truh đơ̆ng khŭl thây kô pơtho, mĕ ƀă hŏk tro păng tơpôl.

VOV.Bahnar - Hơnơ̆ng pơgơ̆r bơ̆ jang kơ ‘Măng hop akom hăt hot mă blŭng kơ Kuô̆k hô̆i jăl XVI, pơgê năr 5/8, rim bơngai tang măt pơma dơnuh tơ̆ Khul găh Tơdrong vă pơjing Khôi luơ̆t Xek tơlang tơ̆ tơrint (hơmet ming).

VOV. Bahnar - Jang kiơ̆ ‘măng iung jang 500 măng năr atŏk kơtang năm tơchă, kôch akŏm păng hơlen băt hơdăh hơnăn ƀô̆ đô̆i lôch dŏng teh đak, Khul K52, kơ Ƀô̆ đô̆i dêh char Gia Lai ‘nao tơchă, ƀôh păng kôch akŏm đei dơ̆ng 6 kơl ƀô̆ đô̆i lôch dŏng teh đak tơ̆ pơlei Sơr, tơring Ia Boòng.

VOV.Bahnar - Lơ̆m khei năr tơmam choh pơtăm Tây Nguyên, mă kăl noh sầu riêng, roi năr roi đei tĕch lơ ăn teh đak đe, tơdrong hơmet 'lơ̆ng hla bơ-ar pơkăp vei lăng mã kơsô̆ tơring pơtăm, mã kơsô̆ anih tah 'nŭng, đei lăng jĭ tơdrong kăp gĭt, pơm trong hiôk ăn kon pơlei, anih jang hơp tak xah păng anih jang mŭk drăm. Tơchơ̆t kơsô̆ 36 đơ̆ng Jơnŭm pơgơ̆r teh đak 'nao đei tơlĕch, chih akŏm tôm tơdrong jang vei lăng mã kơsô̆ tơring pơtăm, mã kơsô̆ anih tah 'nŭng lơ̆m kơmăi kơsô̆, chih hơtŏk lơ̆m Cổng Dịch vụ công quốc gia păng kơmăi vei lăng kơ Anih tơm Choh jang xa păng Cham char, pơih trong 'nao ăn kon pơlei jang chŭn păng anih jang mŭk drăm tĕch tơmam drăm ăn teh đak đe.

VOV.Bahnar - Kơsơ̆ 4/8, tơ̆ Hà Nội, ƀlep ƀât tơbăt 59 sơnăm pơjing ASEAN, 50 sơnăm kĭ Tơdrong tơchơ̆t ‘lơ̆ng hơiă păng jang hơdoi tơ̆ Đông Nam păng 31 sơnăm Việt Nam mât jang lơ̆m ASEAN, Tổng Bí thư, Kơdră teh đak Tô Lâm hlôi sơng Bơngai tang măt dôm teh đak ASEAN truh tơƀâp.

VOV.Bahnar - Kơdră Quốc hội athei kăl kơ tơplih đơ̆ng đon tơchĕng “chă tơroi ăn” kơtơ̆ng ang jing đon tơchĕng pơvih pơvăn, tơgŭm kon pơlei hơtŏk ‘lơ̆ng tơdrong kĕ vei lăng kơdih tơdrong pơm tơm, đei yua trŏ luơ̆t đơ̆ng kơdih hăm khôi luơ̆t.

VOV.Bahnar - Đơ̆ng rŏng kơ tơmât hơdai anih vei lăng, xăh tơring kăn kư̆ Ea M’Droh, dêh char Đắk Lắk đei vă jê̆ truh 900 unh hnam tơnuh păng vă jê̆ tơnuh. Tơplih ăn hơnơ̆ng gô chang lơ̆m tơdrong tơgŭm dăh mă dôm ‘măng pơgơ̆r bơ̆ jang tơgŭm tŏ sĕt năr, tơring tơlĕch trong jang “Mĭnh khul jang Đảng yak hơdoi hăm unh hnam jang tŏk klăih đơ̆ng tơnuh” ăn kăn ƀô̆, đảng viên truh jê̆ ƀiơ̆ kon pơlei, kŭm hăm kon pơlei hơmet pơ ‘lơ̆ng pơmat tat, tơjur tơnuh hin kơjăp ‘lơ̆ng.

VOV.Bahnar - Pơgê 4/8, lơ̆m Hop akŏm găh Jang tơbôl ‘măng mă 33, Thủ tướng Lê Minh Hưng truh akŏm păng iung pơma nơ̆r pơtho tơ̆ jơ hôp hơdai hăm hơnăn "Jang tơbôl pơvih ăn tơdrong jang tŏk kơ teh đak lơ̆m chăl ‘nao – Tơplih đon tơchĕng, bơ̆ jang mă pran, iŏk đei jơnei ‘lơ̆ng". 

VOV.Bahnar – Tơ̆ Hop akŏm pơtôch 5 sơnăm thực bơ̆ jang tơdrong jang “Kon pơlei pơjei băl choh jang xa, tĕch mơdro rơgei, mât 1 ƀơ̆r đon tơgŭm băl jang pơm pơdrŏng păng tơjur tơnuh hin kơjăp 'lơ̆ng”, Khul kon pơlei jang chŭn mir dêh char Đắk Lắk tơlĕch tơdrong pơjei đơ̆ng sơnăm 2026-2031, tơƀôh trong jang kiơ̆ tơdrong tơplih hăm kơmăy sô̆ păng atŏk tơiung choh jang xa kơjăp 'lơ̆ng.