VOV.Bahnar - Ƀât mă tơdrong jang jăl 1 păng 3 oei man pơkĕh dôm anih mă hơtuch vă tơmât yoa ‘nŏh, Tơdrong jang jăl 2 – Trong gre kơdâu hrĕnh Khánh Hòa – Buôn Ma Thuột oei jang hiơ̆ ƀiơ̆. Tơ ‘ngla tơmât jên jang păng anih iŏk jang oei pơjing trong ming man mă lăp hăm rim tơdrong lơ̆m pơyan ‘mi, hơtŏk hrĕnh tơdrong jang ming man.

VOV.Bahnar - Kơsơ̆ ‘năr 12/8, tơ̆ Anih bơ̆jang kơ Khŭl kơdră teh đak, Thủ tướng Lê Minh Hưng hlôi sơng Bơngai tang măt ăn teh đak Singapore tơ̆ Việt Nam Rajpal Singh truh kơkuh pơma donuh.

VOV.Bahnar - Truh khei 8, dêh char Gia Lai pơtơm asong đei hloh 9.320 ti hlj, đei hloh 30% tơlĕch jang sơnăm ou. Dang ei dêh char tŏk bŏk oei tơlĕch lơ trong jang vă pơklaih tơnap tap, asong jên jang, hơdrin asong đei 100% tơdrong tơlĕch jang.

VOV.Bahnar – Năr 12/8, tơ̆ hơnih jang kơ Jơnŭm pơgơ̆r teh đak, Phŏ Thủ tướng Hồ Quốc Dũng hop akŏm hăm rim Hơnih jang tơm, păng tang măt ăn dôm hơnih jang mŭk drăm sek tơlang tơnap tap, tơhlăk tăk gah tơdrong jang groi teh, cham char, tơmam kăp gĭt lơ̆m teh, tơmam ming man.

VOV.Bahnar – Hăm tơdrong hơlen lăng tơroi hơdrol kơ 'mi kial lơ̆m dôm khei hơtuch sơnăm, Đăk Lăk tŏk bŏk oei dăr lăng tôm dơnou mong đak, pơnơ̆ đak păng dôm hơnih teh jê̆ hơlih, đak hơbông; atŭm hăm noh chiha kŏm dôm trong jang vă tơjră tơtom, ưh đei lê̆ tơdrong răm truh mưh đei 'mi kial đak hơbông.

VOV.Bahnar - Đơ̆ng rŏng pơtôch dôm tơdrong jang tơ̆ Canberra (Australia), drơ̆m kơsơ̆ 12/8 (jơ tơring), Tổng Bí thư, Kơdră teh đak Tô Lâm kŭm hăm Khŭl tang măt gĭt kăl kơ Việt Nam hlôi truh tơ̆ anih tơm Wellington pơtơm năm ngôi, bơ̆jang tơ̆ teh đak New Zealand đơ̆ng ‘năr 12-13/8/2026, kiơ̆ nơ̆r krao hơvơn đơ̆ng Kơdră chĕp kơ̆l teh đak New Zealand Cindy Kiro.

VOV.Bahnar – Lơ̆m ‘măng năm ngôi tơ̆ teh đak Australia đơ̆ng Tổng Bí thư, Kơdră teh đak Tô Lâm păng Khul tang măt kơ teh đak Việt Nam (đơ̆ng ‘năr 9 – 12/8), 2 păh drơ̆ng nơ̆r ăn 3 tơdrong tơchơ̆t atŭm păng kĭ pơkăp 13 hla ar jang hơdoi, pơjing jơhngâm pran ‘nao ăn tơdrong pơvei jang hơdoi gĭt kăl tôm tơdrong Việt Nam – Australia.

VOV.Bahnar – Tơ̆ hop akŏm hơlen năng tơdrong bơ̆ jang, iŏk yoa khoa hŏk, kơmăy kơmŏk păng tơplih ‘nao rơgei, kơdră chĕp kơ̆l Anih vei lăng kon pơlei dêh char Đắk Lắk athei kăt tơjur 50% hla ar vei lăng vă hơtŏk tơdrong tơchĕng hơlen, jang kiơ̆ khoa hŏk kơmăy kơmŏk.

VOV.Bahnar - ‘Năr 11/8, Khŭl bơ̆jang kơ Anih tơm vei lăng găh Kơmăy kơmŏk, mơdro sa yua đơ̆ng Phŏ Kơdră tơm Trương Thanh Hoài pơm Kơdră khŭl bơ̆jang hăm Anih vei lăng kon pơlei dêh char Đắk Lắk găh hơtŏk tơiung kơmăy kơmŏk, unh hơyuh, pơtrŭt jang tŏk 2 kơsô̆.

VOV.Bahnar - Đơ̆ng rŏng kơ tơmơ̆t hơdai, dêh char Gia Lai hlôi sơng đei 14 tơdrong jang đei jên tơmơ̆t jang đơ̆ng Trung Quốc, hăm akŏm jên pơm hla ar hloh 175 triệu USD.