VOV. Bahnar - Pơgê năr 24/8, tơ̆  Hà Nội, Tổng Bí thư, Kơdră chĕp pơgơ̆r teh đak Tô Lâm pơm tơm jơ bơ̆ jang hăm Đảng uỷ Khul kơdră chĕp pơgơ̆r Teh đak păng rim hơnih bơ̆ jang ƀơm truh găh Trong jang tơm Teh đak hơvơn, tơmơ̆t jang păng atok tơ iung khul hơgei lơ̆m rim hơnih bơ̆ jang, tơdrong jang kăl, pơvih pơvăn atok tơ iung tĕnh koăng, kơjăp ‘lơ̆ng.

VOV.Bahnar - Pơyan ‘mi tơ̆ Tây Nguyên hlôi truh. Vă kon pơlei ưh pă arih xa lơ̆m jơhngâm đon hli pơngơ̆t tơdrong răm truh yoa đơ̆ng ‘mi tih, teh hơlih, đak lip, dôm tơring tơ̆ dêh char Gia Lai oei pơgơ̆r “Tơdrong jang Quang Trung” pơm hnam ăn kon pơlei hơnơ̆ng đei đak lip. Tơdrong jang ‘nâu krao akŏm rim anih jang chinh trĭ vang bơ̆ jang kŭm hăm tơdrong tơgŭm đơ̆ng kon pơlei vă chông ba vă jê̆ 1.900 unh hnam tơ̆ tơring hơnơ̆ng đei đak lơ̆p tŏk oei tơ̆ anih sơđơ̆ng ‘lơ̆ng adrol kơ pơyan ‘mi truh.

VOV.Bahnar - Anih tơm pơgơ̆r Khŭl linh dêh char Gia Lai tơbăt, lơ̆m 2 năr ‘năr 22 păng 23/8, Khŭl K52 hlôi tơchă, sir iŏk akŏm đei 3 kơting linh năm jang tơgŭm lôch tang ăn teh đak păng bơngai joăt jang Việt Nam lôch tơ̆ 2 dêh char Stung Treng păng Ratanakiri, teh đak Campuchia.

VOV.Bahnar – Năr ‘nâu (24/8), Quốc hội vă pơgơ̆r pơtôch Hop akŏm ưh ê ‘măng mă mônh, Quốc hội jăl XVI.

VOV.Bahnar – Jơva chĭng chêng, tơdrong joh ayŏ kơ dŏ xoang ‘lơ̆ng hơiă kơ Tây Nguyên kŭm hăm lơ kơdeng tơmam sầu riêng, tơmam ‘lơ̆ng đei ming pơdă pơjing đei jơhngâm hưch hanh, čhôk 'nă tơ̆ năr “Ea Knuếc mât lơ̆m pơyan phĕ”, tơdrong jang đei pơgơ̆r kiơ̆ Lêh Sầu riêng Đắk Lắk sơnăm 2026.

VOV.Bahnar - Kơsơ̆ 23/8, đơ̆ng rŏng lêh sơng đei pơgơ̆r tih tơ̆ Hnam Quốc hội, Kơdră Quốc hội Trần Thanh Mẫn hlôi pơma đam hăm Kơdră Quốc hội teh đak Cộng hòa Bờ Biển Ngà Patrick Achi kŭm hăm khŭl tang măt gĭt kăl kơ Quốc hội Bờ Biển Ngà tŏk bŏk đei ‘măng năm ngôi bơ̆jang tơ̆ Việt Nam đơ̆ng ‘năr 23 - 26/8/2026.

VOV.Bahnar – Kơsơ̆ brei, 20/8, tơ̆ Anih jang kơ Khul kơdră teh đak, Phó Thủ tướng Phạm Thị Thanh Trà sơng Bơngai tang măt ăn Trung Quốc tơ̆ Việt Nam Hà Vĩ.

VOV,Bahnar – Hơnơ̆ng bơ̆ jang lơ̆m Hop akŏm ưh ê ‘măng mă mônh, Quốc hội jăl XVI, năr ‘nâu (21/8), dôm bơngai tang măt Quốc hội pơma nuh tơ̆ Hnam hôp găh tơlĕch trong hơmet ming Luơ̆t teh sơnăm 2024 păng Luơ̆t Hnam oei sơnăm 2023. 

VOV.Bahnar - Anih vei lăng hơdrĕch kon kông kơ Jơnŭm pơgơ̆r kon pơlei dêh char Đắk Lắk ‘nao dăr lăng tơ̆ yăn âu găh 1,2 trong jang chă tơmang lăng lơ̆m tơpôl tơ̆ tơring vă hơlen năng dôm tơdrong jang đei kiơ̆ tơdrong tơchơ̆t đơ̆ng Jơnŭm pơgơ̆r kon pơlei dêh char găh tơgŭm atŏk tơiung chă tơmang lăng lơ̆m tơpôl hơdai chĕp vei, tưk tơiung tơdrong juăt, joh ayŏ kơ dŏ xoang kơ hơdrĕch kon kông, atŭm hăm 'nŏh jĭ pơih trong vă tơchĕng hơlen, tơlĕch nơ̆r apinh găh tơdrong tơgŭm mă lăp lơ̆m chăl 'nao.

VOV.Bahnar - Oei pă hloh 1 giĕng dơ̆ng, tơdrong jang man Hnam trưng teh đak rong jăl mônh păng jăl ƀar tơ̆ 7 xăh sơlam kơ dêh char Gia Lai athei man đang vă pơm lêh mât hŏk sơnăm hŏk 'nao 2026 - 2027. Kơdră chĕp kơ̆l dêh char Gia Lai hơnơ̆ng athei rim anih iŏk jang, hơtŏk hrĕnh tơdrong ming man, pơtruh dơ̆ng bơngai jang vă bơ̆jang roi hrĕnh, athei man đang ƀlep khei 'năr pơkăp vă hŏk tro tơ̆ tơring sơlam đei hnam trưng 'nao, lăm hŏk 'nao lơ̆m năr blŭng mât hŏk.