VOV.Bahnar – Kơsơ̆ năr (27/8), tơ̆ Hơnih jang Trung ương Đảng, Tổng Bí thư, Kơdră teh đak bơ̆n Tô Lâm pơgơ̆r jơ pơm jang hăm Jơnŭm jang Trung ương păng rim hơnih jang đei tơrĕk tơgop nơ̆r gah Tơdrong jang hơmet pơ-'lơ̆ng Đảng păng tơdrong jang chĭnh trĭ hlăng 'lơ̆ng, kơjăp kơtang tôm tơdrong, pơtrŏ hăm tơdrong kăl hơtŏk tơ-iung kơ teh đak lơ̆m chăl 'nao.

VOV.Bahnar – Hơnih jang vei lăng kon pơlei dêh char Đăk Lăk hlôi tơlĕch tơchơ̆t drơ̆ng nơ̆r ăn Kŏng ti Kô phân Hơtŏk Unh hơyuh 'lơ̆ng Nam Việt Phú Yên ming man Hnam kơmăi pơm tơlĕch unh hơyuh đơ̆ng kial đei 48 MW unh hơyuh, hăm kơsô̆ jên asong jang jê̆ 1.460 tih hlj.

VOV.Bahnar – Tơbăt 81 sơnăm Kăch mang Khei Tơhngam jơnei keh kong păng Kuô̆k khanh 2/9, pơgê năr 27/8, tơ̆ Hà Nội, Kơdră Kuô̆k hô̆i Trần Thanh Mẫn năm akŏm lêh tơbang kơsơ̆p săch hơnăn “Jơhngơ̆m pran kơ kon pơlei Việt Nam lơ̆m tơdrong tơ-iung pơjing păng vei lăng teh đak” kơyuơ Đại tướng Lương Cường, Kơdră so kơ teh đak Cộng hòa xã hội chủ nghĩa Việt Nam.

VOV.Bahnar - Pơgê brei (27/08), hăm tơdrong pơgơ̆r đơ̆ng Thủ tướng Lê Minh Hưng, Anih tơm vei lăng găh tơdrong pơtho pơhrăm pơgơ̆r Hop akŏm pơtôch sơnăm hŏk 2025-2026, tơlĕch hơnăp jang sơnăm hŏk 2026-2027.

VOV.Bahnar - Pơgê ‘năr 27/8, Kơdră Anih tơroi tơbăt kơ Trung ương Trịnh Văn Quyết hlôi năm pơjao Grat 80 sơnăm jang Đảng ăn kơ 3 ‘nu đảng viên bơngai kră lơ̆m dêh char Thanh Hóa.

VOV.Bahnar - Khŭl bơ̆jang kơ Anih vei lăng kon pơlei dêh char Đắk Lắk hơlen lăng 2 tơdrong jang anih kơdrơ̆m tơm tơ̆ phường Tân An.

VOV.Bahnar - Dôm năr ou, tơ̆ Khoa Hơmet tôm tơdrong jĭ ăn Hơioh, Hnam pơgang tơm tơring Tây Nguyên (dêh char Đắk Lắk), kơsô̆ hơioh ƀĭch tơ̆ hnam pơgang yua đơ̆ng jĭ pơlŏ lĕch đe tŏk bŏk đei ƀôh tŏk lơ. Jô̆ păh lăp mĭnh năr, khoa iŏk hơmet đơ̆ng 8 truh 10 ‘nu hơioh jĭ. Găh lơ đei chă ƀôh, hơmet tơtom, mă lei oei đei dôm bơngai đei ƀôh jĭ ăl yua đơ̆ng bơngai ‘lŏ pơm pơ hơi. ‘Nâu jĭ tơdrong kăl kơ tơrĕk truh.

VOV.Bahnar – Kơsơ̆ năr 26/8, tơ̆ Hơnih jang kơ Jơnŭm pơgơ̆r teh đak, Thủ tướng teh đak bơ̆n Lê Minh Hưng pơgơ̆r 'Măng hop akŏm Jơnŭm pơgơ̆r teh đak gah tơdrong chih akŏm khôi luơ̆t khei 8/2026, 'măng hop akŏm mă 2, tơgop nơ̆r gah 11 tơdrong chih akŏm luơ̆t hơmet pơtruh ăn Kuô̆k hô̆i.

VOV.Bahnar – Kơsơ̆ năr 26/8, dêh char Đăk Lăk pơgơ̆r Hop akŏm sơkơ̆t tơdrong jang kiơ̆ Hla bar tơbăt gah tơdrong jang tơbôl păng jang hơdoi hăm dêh char Mondulkiri, teh đak Campuchia jăl sơnăm 2024-2025.

VOV.Bahnar - Tơ̆ Nha Trang, Hơnih tơm Khoa hŏk păng Kmăi kmŏk, Viện Hàn lâm Khoa học păng Kmăi kmŏk Việt Nam ‘nao iung jang hơdoi hăm Hơnih vei lăng kon pơlei dêh char Khánh Hòa pơgơ̆r Hop akŏm Khoa hŏk, Kmăi kmŏk, tơplih ‘nao tơchăr păng tơplih kơsô̆ tơlĕch jang kiơ̆ Tơdrong tơchơ̆t kơsô̆ 20 kơ Hơnih chep pơgơ̆r Trung ương Đảng jăl XIV găh tơ iung pơjing, atok tơ iung Việt Nam đei jing teh đak đei đak dơsĭ pran kơtang.