VOV.Bahnar - Ƀơ̆t Kuô̆k khănh năr 2/9, kon pơlei rim hơdrung kon kông tơ̆ Tây Nguyên băt hơdah hloh gah tơdrong hơrih roi năr roi đei hơtŏk, jơhngơ̆m đon tơguăt tơguăl kon pơlei kơjăp hloh, lui ngeh hăm tơdrong pơgơ̆r đơ̆ng Đảng păng Teh đak.

VOV.Bahnar - 81 sơnăm đơ̆ng rŏng Kăch mang Khei 8 păng Quốc khánh 2/9, tơdrong kăp gĭt đơ̆ng tơdrong rơngei hiôk hian oei jing jơhngơ̆m pran vă rim jơhnơr bơngai Việt Nam hơnơ̆ng pơjing păng vei lăng teh đak. Tơ̆ Đăk Lăk, jơhngơ̆m pran noh tŏk bŏk đei jang kiơ̆ hăm đon tơnăp păng tơdrong hơpơi ‘mĕh plang pơyơ̆r đơ̆ng chăl mơlôh.

VOV.Bahnar - Dôm năr ou, lơ̆m teh đak bơ̆n rơ ông rơ ang vang vơch tơbăt 81 sơnăm năr Quốc khánh 2/9. Hưch hanh hơmanh bơnê hăm hơyak gĭt kăl chăl sơnăm kơ hơdrĕch hơdrung, rim ‘nu bơngai Tây Nguyên jei ling lang ƀlŏk hơdơ̆r hôn bơnê kơ Ƀok Hô - Kơdră chĕp pơgơ̆r tơm dơnơm đŏk Nơ̆r tơchơ̆t pơm tơm kơdih, pơjing đei teh đak Việt Nam Dân chủ Cộng hòa, dang ei ‘noh teh đak Cộng hòa xã hội chủ nghĩa Việt Nam. Ƀlok hơdơ̆r kơ Ƀok Hô, bơngai Tây Nguyên sa roi tơgăt tơgoăl, đĭ jơhngơ̆m đon hơdrin tơ iung pơjing pơlei pơla roi năr roi tơplih, ‘lơ̆ng liĕm.

VOV.Bahnar - Tơ̆ Gia Lai, hok pơhrăm păng jang kiơ̆ jơhngơm đon ‘lơ̆ng, trong jang gơh hơgei kơ Hồ Chí Minh tŏk bok đei tơlĕch jang kiơ̆ hơdăh hăm dôm tơdrong jang tơjê̆ hăm kon pơlei, kơ yuơ kơ kon pơlei. Đơ̆ng trong jang ou, lơ trong bơ̆jang, tơdrong tơchơ̆t đei tơlĕch jang kiơ̆ trŏ lăp hăm yan ou, pơjing đei lăp đon lơ̆m kon pơlei, tơgop pơtrŭt kơtang mŭk drăm-tơpôl tơring atok tơ iung. Tơ̆ hơla ou dôm tơdrong đei ƀôh hơdăh tơ̆ tơring Ia Hiao, tơring đei dôm kang ƀô̆, đang viên drơ̆ng nơ̆r plang ăn teh, yuih teh dur, pơjing đei drơ̆ng mĭnh nơ̆r, atok kơtang jơhngơ̆m đon kon pơlei vă atok tơ iung.

VOV.Bahnar - Dêh char Đắk Lắk tơlĕch tơdrong jang “30 măng năr” hơlen năng, chih tơbăt lơ̆m kơmăy sô̆ tôm tơdrong păng tơmât kơsô̆ chih răk tơring pơtăm, anih tăh hơmet plei sầu riêng. ‘Nâu ưh khan lăp vă hơmet pơ ‘lơ̆ng dôm tơdrong tơhlăk ƀât măt vă chih tơbăt anih jang đei tơmam đĕch, mă oei jing hơyak tơplih đơ̆ng trong vei lăng so jing vei lăng hăm kơmăy kơmŏk ‘nao ‘moi kiơ̆ kơsô̆ chih răk, vang tơgop pơm hơdăh tơdrong jang kiơ̆ Tơdrong tơchơ̆t 57 đơ̆ng Anih tơm Chinh trĭ găh atŏk tơiung khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆ kơ teh đak.

VOV.Bahnar - Khei 8/1945, hlŏh 20 triê̆u ‘nu kon pơlei lơ̆m teh đak mĭnh jơhngơ̆m vang iung tơblăh, pơjing đei tơdrong jơnei đơ̆ng Kăch mang khei 8, pơjing đei teh đak Việt Nam Dân chủ Cộng hòa. 81 sơnăm âu ki, jơhngơ̆m đon ‘nŏh oei đei hơnơ̆ng: đơ̆ng pơjei iŏk tơdrong chĕp kơ̆l truh pơjing khul kơdră pơgơ̆r, đơ̆ng tơblăh iŏk rơngei hơdrĕch hơdrung truh tưk tơiung jơhngŏm đon rơgei, pơjing teh đak Việt Nam pran kơtang, hơnŭk hơnoa. Tơdăh sơnăm 1945, “iung tơblăh” vă iŏk rơngei kơdih, ‘nŏh hrei ‘nâu, ‘nŏh jĭ jơhngâm đon kơchăng tơplih ‘nao, pơ̆n phă hŭt lê̆ dôm tơdrong găn trong, hơnhăk teh đak yak mơ̆t lơ̆m chăl ‘nao.

VOV.Bahnar – Tơ̆ dôm tơring hơtaih yaih, tơring kon pơlei kon kông, tơring sơlam kơ dêh char Đăk Lăk, tơdrong jang hơmŏ ăn sơnăm hŏk 'nao ưh hơdrô̆ ming hơmet hnam trưng lăm hŏk, mă oei jing tơdrong jang hơnhăk rim hŏk tro truh tơ̆ hnam trưng păng vei đe oh oei hŏk tơ̆ lăm. hăm dôm unh hnam oei ƀơm lơ tơnap tap, tơdrong yak hơdoi đơ̆ng bơngai pơtho pơtơm đơ̆ng tơdrong ƀônh hiôk nhen hla bơ-ar hŏk, 'long chih truh tơdrong vih vơ̆t.

VOV.Bahnar - Tơdrong jang man Hnam trưng teh đak rong jăl mônh păng jăl ƀar tơ̆ tơring sơlam Ia Púch, dêh char Gia Lai oei hăt hơmet pơkeh lăm hŏk, anih oei xa truh tơdrong hơmet pơ 'lơ̆ng cham hnam trưng, vă tơtom sơng hŏk tro lơ̆m năr mât hŏk sơnăm hŏk ‘nao.

VOV.Bahnar - ‘Năr (27/8),Khul jang đơ̆ng Anih tơm vei lăng jên hu đei jơ bơ̆jang hăm Anih vei lăng kon pơlei dêh char Quảng Ngãi găh tơdrong atŏk tơiung mŭk drăm, tơpôl tơ̆ tơring.

VOV.Bahnar - Kơsơ̆ ‘năr 27/8, tơ̆ Anih jang kơ Khul kơdră teh đak, Thủ tướng Lê Minh Hưng sơng Bơngai tang măt, Kơdră Anih jang tang măt kơ dôm teh đak ASEAN truh tơƀâp.