VOV.Bahnar - Tơplih tŏ ‘mi kial tŏk bŏk pơm ăn ‘mi kial tơ̆ Tây Nguyên ưh sơđơ̆ng kơtang. Hrei ou, hlôi truh pơyan ‘mi mă lei lơ tơring oei ưh kơ măh đak choh jang sa, lơ̆m mă dôm khei hơtuch sơnăm tă hơmơt đei tơdrong ‘mi kial hơbŭt hơbông, đak lŏk jroh, teh tơdrŭt hơlih păng đak lip. Tơdrong đei ƀôh ou pơkoel ăn rim tơring ưh khan lăp akŏm iung jang tơjră tang găn hăm tơplih tŏ ‘mi kial ƀơ̆t măt mă oei tơmơ̆t jên jang ming man ‘lơ̆ng pơnơ̆t đak.

VOV.Bahnar - Ƀlep lơ̆m năr tơbăt 50 sơnăm năr Pơlei tơm Hồ Chí Minh đei krao hơnăn Kơdră chĕp pơgơ̆r teh đak Hồ Chí Minh, pơgê năr 1/7, Hơnih vei lăng kon pơlei kơ pơlei tơm Hồ Chí Minh pơgơ̆r iung jang ming man 8 hơnih ming man, tơdrong vă jang kăl hăm akŏp kon jên hloh 253.000 ti hlak jên.

VOV.Bahnar - Kơsơ̆ ‘năr 30/6, tơ̆ Anih jang kơ Trung ương Đảng, Tổng Bí thư, Kơdră teh đak Tô Lâm pơgơ̆r jơ Hôp ‘măng mă mônh Anih pơgơ̆r jang kơ Trung ương găh jang tơbôl păng mât hơdai hăm apŭng plenh teh.

VOV.Bahnar - Ƀât mă dôm tơdrong hơgăt rơgŏh ‘lơ̆ng roi đunh roi năng kăl, athei jang kiơ̆ mă ‘lơ̆ng vă gơ̆h mât hơdai lơ̆m tơdrong pơtruh tơmam lơ̆m plei teh, dôm dêh char Tây Nguyên oei kơchăng tơplih ming trong jang tŏk kiơ̆ trong rơgŏh, jang hăm kơmăy kơmŏk ‘nao păng kơjăp ‘lơ̆ng. Tơplih rơgŏh ‘lơ̆ng ưh lăp jing nơ̆r athei vă mât jang hơdoi đĕch mă oei pơih đei tơdrong ‘lơ̆ng vă hơtŏk kơsư̆k pơjei, sơng iŏk jên jang păng pơm hơtŏk kơjă tơmam.

VOV.Bahnar - Đơ̆ng rŏng kơ tơbăt hơdăh Trong tơproh jang kơ dêh char păng pơgơ̆r jơnei Hop akŏm pơtrŭt tơmơ̆t jên jang hăm 25 tơdrong jang đei asong hla ar pơkăp, akŏm jên hloh 40.200 ti hlak jên, Đắk Lắk tŏk bŏk đei lơ tơdrong hiôk hơtŏk tơiung.

VOV.Bahnar - Pơgê 1/7, khŭl tang măt Anih jang đảng pơlei tơm, Jơnŭm pơgơ̆r kon pơlei, Anih vei lăng kon pơlei păng Anih jang MTTQ Việt Nam pơlei tơm Hồ Chí Minh pơgơ̆r pơyơ̆r pơkao ƀlŏk hơdơ̆r kơ ƀok kơdră Hồ Chí Minh tơ̆ Cham ngôi pơhiơ̆ man rup Kơdră Hồ Chí Minh, ƀlep ƀơ̆t tơbăt 50 sơnăm năr pơlei tơm Sài Gòn – Gia Định chơt hơiă iŏk hơnăn Kơdră Hồ Chí Minh.

VOV.Bahnar - Đon hli pơngơ̆t đơ̆ng teh hơlih ƀât Phương Mai (tơ̆ phường Quy Nhơn, dêh char Gia Lai) yoa 'mi kial kơsô̆ 13 ƀât hơtuch sơnăm sơ̆ oei tam mă kĕ hiơt mưh lơ unh hnam oei tôch hli adrol kơ pơyan 'mi kial truh. Vă vei lăng tơdrong arih, mŭk drăm kơ kon pơlei, dêh char Gia Lai oei hơtŏk hrĕnh tơdrong man dur găn teh hơlih tơ̆ tơring Hải Minh adrol kơ pơyan 'mi, tơgŭm ăn kon pơlei sơđơ̆ng jơhngâm arih xa.

VOV.Bahnar - Thượng tướng Lê Quang Minh, Phŏ Kơdră Anih jang Chĭnh trĭ kơ Khul linh kon pơlei Việt Nam kŭm hăm khul jang đơ̆ng Quân khu 5 păng kơdră chĕp kơ̆l dêh char Quảng Ngãi truh hơlen năng ƀât anih sir chă kơting linh lôch tang ăn teh đak tơ̆ trong Trường Chinh, găh dôm phường Đăk Cấm păng Kon Tum.

VOV.Bahnar - Pơgê (30/6), Jơnŭm pơgơ̆r kon pơlei dêh char Đắk Lắk jăl XI pơgơ̆r Hop akŏm mă 2, hơlen năng tơdrong jang mŭk drăm, tơpôl 6 khei blŭng sơnăm, tơchơ̆t dôm trong jang ăn dôm khei hơtuch sơnăm păng hơlen năng lơ trong pơgơ̆r bơ̆ jang, tơdrong tơgŭm gĭt kăl vă pơjing jơhngâm pran jang tŏk tơ̆ hơnăp kơnh.

VOV.Bahnar - Hop akŏm Mŭk drăm kơdih Việt Nam 2026 pơgơ̆r lơ̆m tơring tơ̆ Đắk Lắk. Ưh khan lăp pơma dơnuh găh hơmet ming trong jang, hop akŏm oei akŏm chă nơ̆r tơblang ăn dôm tơdrong tơhlăk tŏk bŏk pơgăn hơnih jang mŭk drăm kơdih hơtŏk tơiung, đơ̆ng pơm hla ar, teh truh tơplih kơsô̆ păng bơngai jang.