VOV.Bahnar -‘Mi tih, đak lơ̆p lơ̆m dôm khei hơtuch sơnăm pơm hiong răm lơ hăm trong nơnăm kơ dêh char Lâm Đồng. Tơdrong teh hơlih, đak lơ̆p tơ̆ lơ jăl trong gĭt kăt kơ dêh char pơm ăn tơdrong yak vih vât đơ̆ng kon pơlei tôch mơmat păng krê hơmơt. Vă vei lăng ‘lơ̆ng trong gre tơ̆ dôm jăl trong đei đak lơ̆p, tih hơlih, khul kơdră chep kơ̆l păng khul jang kơpal kơ dêh char Lâm Đồng bơ̆ jang prăt măng prăt năr vă vei lăng ‘lơ̆ng dôm trong gre gĭt kăl, vă gre gơ̆h kơdâu hiôk hian.

VOV.Bahnar - Khŭl tang măt Quốc hội dêh char Đắk Lắk hlôi pơgơ̆r “Hop akŏm tơƀơ̆p pơma dơnuh hăm bơngai tăh hla đơ̆ng rŏng ‘Măng hop akŏm mă 10, Quốc hội jăl XV” kiơ̆ trong kơtă hơdai hăm trực tuyến truh 68 xăh, phường lơ̆m dêh char, pơm tơdrong hiôk vă lơ lap bơngai tăh hla vang akŏm, răp hơlen păng tơgop nơ̆r.

VOV.Bahnar - Pơgê brei (15/12), tơ̆ Hà Nội, Thủ tướng Phạm Minh Chính vang truh Hop akŏm Kŏng an lơ̆m teh đak ‘măng mă 81.

VOV. Bahnar - Dêh char Lâm Đồng tŏk bŏk tơlĕch jang hrơ̆p mĭnh ‘măng rim hơyak ‘măn ăn ƀlep tơdrong tơchơ̆t khôi luơ̆t, sơđơ̆ng ăn ‘măng pôk rơ̆ih pơgơr ‘lơ̆ng hơ iă, sơđơ̆ng, tơpăt păng jơnei.

VOV.Bahnar - Thủ tướng sơkơ̆t hơdăh bơ̆ jang sơdrar teh đak ‘noh jing tơdrong jang kăl hloh kơ Đảng, kơ kon pơlei, kơ ƀô̆ đô̆i kŏng ang, hăm trong jang “rim ‘nu kon pơlei tơring sơdrar teh đak jĭ mĭnh hơdrơ̆ng hơrih”.

VOV.Bahnar – Pơm kiơ̆ Tơdrong akŏm pơma dơnuh hăm kon pơlei tah hla đơ̆ng rŏng kơ 'Măng hop akŏm mă 10, pơgê năr 15/12, Tổng Bí thư Tô Lâm atŭm hăm khul Kơpal jang tang măt ăn Kuô̆k hô̆i pơlei tơm Hà Nội, anih pơgơ̆r pôk rơih kơsô̆ 1, akŏm pơma dơnuh hăm kon pơlei tah hla 11 phương lơ̆m tơring kơ pơlei tơm vă tơroi gah tơdrong hop akŏm păng tơl nơ̆r hăm dôm tơdrong apinh, pơtruh đơ̆ng kon pơlei ăn Kuô̆k hô̆i.

VOV.Bahnar – Pơgê năr 15/12, Kơdră Hơnih jang Nô̆i chĭnh Trung ương Phan Đình Trạc năm akŏm pơtơm "Tơdrong jang Quang Trung" tơ̆ xah Hàm Thuận Bắc, dêh char Lâm Đồng (apŭng Hàm Thuận Bắc, dêh char Bình Thuận so).

VOV.Bahnar - Kơsơ̆ brei (14/12), Khŭl bơ̆jang kơ Khŭl kơdră teh đak yua đơ̆ng Phŏ Thủ tướng Nguyễn Hòa Bình năm ngôi păng bơ̆jang tơ̆ Grŭp jang hơdai Hnam kơmăy VinFast păng Tơnŏk Container Apŭng plĕnh teh Hateco Hải Phòng.

VOV.Bahnar – Kơsơ̆ brei (14/12), hơlen năng tơdrong jang man cham gre păr apŭng plenh teh Long Thành, Đồng Nai; Thủ tướng Phạm Minh Chính akhan, 8 tơdrong jang tơm nhen: Anih gre dơ̆ng, trong păr jur tŏk, Kơmăy vei lăng rơvơ̆ng plenh, trong tơƀưh, unh điên, đak, anih tuh đak xăng, kơmăy roi tơbăt, hlôi lăp hăm rim tơdrong hơgăt vă gơ̆h sơng ‘măng păr truh mă blŭng lơ̆m ‘năr 19/12 truh âu kơnh. 

VOV.Bahnar – Hăm lơ bơngai tang drơ̆ng nơ̆r, pơgê 14/12, Jơnŭm pơgơ̆r kon pơlei plt Hà Nội hlôi drơ̆ng nơ̆r ăn tơdrong Tơchơ̆t kĭ ăn Trong tơmât jên jang man trong gre tơm tơter đak krong Hồng păng Tơdrong tơchơ̆t tơmât jên jang pơjing Tơring kơdrâm tơplŏng kơdâu Olympic.