VOV.Bahnar - Kơmăng hei (15/3), Jơnŭm pơgơ̆r pôk rơih Teh đak tơlĕch roi tơbăt hăm khŭl chih kơtơ̆ng ang găh tơdrong pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring jăl jang 2026-2031 lơ̆m teh đak.

VOV.Bahnar

VOV.Bahnar - Dôm tơdrong kơhret, tơblăh vang tơ̆ tơring Trung Đông khei ‘năr tơjê̆ âu oei ƀơm ưh ‘lơ̆ng truh tơdrong jang mŭk drăm lơ̆m plei teh, mă loi ‘nŏh găh unh hơyuh, chơ chuĕn tơmam tơ̆ trong đak dơsĭ păng tơdrong pơtruh tơmam lơ̆m apŭng plenh teh. Kơplăh ‘noh, dôm teh đak jang mŭk drăm hiôk hian hơnơ̆ng đei tơdrong pŭ kơhret tih. Hăm Khánh Hòa, tơring đei tơdrong pran ‘lơ̆ng găh jang mŭk drăm tơ̆ đak dơsĭ, chă tơmang lăng păng tĕch tơmam tơ̆ teh đak đe dôm tơdrong ƀơm ưh ‘lơ̆ng đơ̆ng ‘ngoăih kŭm tơlĕch lơ tơdrong nol hăm tơdrong jang xa, tĕch mơdro păng đon pơhnŏng jang tŏk đơ̆ng dêh char lơ̆m sơnăm 2026.

VOV.Bahnar - Hnam pơgang Đa khoa tơring Tây Nguyên, anih jang pơgang tih hloh tơring hlôi jang đang dôm tơdrong hơmet ăn vă vei sơđơ̆ng năr pôk rơih 15/3 pơgơ̆r ‘lơ̆ng hiôk, trŏ tơdrong hơgăt. Hăm tơdrong hpdrôư đơ̆ng anih jang pơgang, kơhrĕng kang ƀô̆, y ƀak si, bơngai jang kŭm hăm bơngai jĭ păng bơngai ŭnh hnam gô vang tăh kơphiê̆u kơtă hloi tơ̆ hnam pơgang. Hăm dôm bơngai jĭ ưh kơ gơh chă rơ rĭ, Grŭp pôk rơih gô hơnhăk ba kơthŭng năm truh tơ̆ giơng bơngai jĭ, vei sơđơ̆ng rim bơngai adoi bơ̆jang kiơ̆ tơdrong jang păng hơnăp jang kơ kon pơlei.

VOV.Bahnar - Dôm năr ‘nâu, dôm tơring lơ̆m dêh char Khánh Hòa akŏm jơhngâm krao hơvơn bơngai tăh hla năm pôk rơih, chă hơlen năng tơdrong hơgăt mưh pôk rơih, hơlen năng hơnăn dôm bơngai lĕch pơjei, tơdrong arih, bơ̆ jang păng tơdrong vă jang đơ̆ng dôm bơngai lĕch pơjei. Đơ̆ng hơtŏk hơnăp jang bơngai đei kon pơlei lui yom lơ̆m kon pơlei Chăm, roi tơbăt  hăm nơ̆r Raglai tơ̆ tơring groi kông truh iŏk yoa kơmăy kơmŏk vă chă hơlen năng rim tơdrong tơroi, lơ trong jang rơgei, tôch hơiă tŏk bŏk tơgŭm ăn bơngai tăh hla chă rơih đei bơngai tang măt rơgei, đei đon ‘lơ̆ng vă dơ̆ng tang ăn kon pơlei.

VOV.Bahnar - Atŭm hăm kon pơlei tah hla jơ̆p teh đak, kon pơlei tah hla dêh char Lâm Đồng tŏk bŏk chơt hơ-iă lăng truh Năr pôk rơih kơ teh đak – năr pôk rơih bơngai tang măt Kuô̆k hô̆i jăl 16 păng bơngai tang măt Hô̆i đŏng kon pơlei dôm jăl jang, sơnăm 2026 - 2031 đei pơgơ̆r ah ‘năr tơpơh năr 15/3. Đơ̆ng tơring đak dơsĭ truh groi kông, đơ̆ng tơring kon pơlei oei xa truh hnam trưng đăi hŏk, tơdrong hơmet ăn năr pôk rơih tŏk bŏk oei pơlan să hăm sơnong jang tơnăp, đon lui păng tơdrong hơpơi ‘meh đơ̆ng kon pơlei hăm rim bơngai tang măt ăn kon pơlei, iŏk sơnong jang trăp hloh lơ̆m jăl jang ‘nao.

VOV.Bahnar - Jang kiơ̆ tơdrong krao hơvơn vang roi tơbăt păng tơgŭm ăn pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring, jăl jang đơ̆ng 2026 - 2031, Anih jang đoan dêh char Lâm Đồng tơlĕch lơ tơdrong jang tôch đei yoa, pơm hơtŏk hơnăp jang đơ̆ng druh dăm sơnăm mơlôh mưh chă roi tơbăt păng pơvih ăn pôk rơih.

VOV.Bahnar - Pơjao tơdrong tơchơ̆t păng hơpăh pơkao, Thủ tướng Phạm Minh Chính đei nơ̆r hơiă hăm ƀok Trần Hồng Thái đei Đảng, Teh đak lui pơjao pơm bơngai chĕp kơ̆l Anih tơchĕng hơlen Khoa hŏk kơmăy kơmŏk Việt Nam.

VOV.Bahnar – Oei pă minh ƀar năr dơ̆ng, jê̆ 2,6 triu kon pơlei tah hla kơ dêh char Gia Lai gô atŭm hăm kon pơlei tah hla kơ jơ̆p teh đak năm pôk rơih bơngai tang măt ăn Kuô̆k hô̆i jăl 16 păng bơngai tang măt ăn Hô̆i đŏng kon pơlei dôm jăl jang sơnăm 2026 - 2031.

VOV.Bahnar - ‘Năr brei (12/3), tơ̆ Hơnih ƀlŏk hơdơ̆r kơ khŭl lĭnh Gạc Ma, xăhCam Lâm, Liên đoàn Lao động dêh char Khánh Hòa pơgơ̆r lêh soh nhang, dan pơkao ƀlŏk hơdơ̆r kơ đe lĭnh nuih mơng, lĭnh lôch tang ăn teh đak ƀlep ƀơ̆t tơbăt 38 sơnăm Tơdrong jang Gạc Ma 1988 (14/3/1988 - 14/3/2026).