VOV.Bahnar - Kơsơ̆ năr 18/5, tơ̆ Hơnih bơ̆ jang Khul kơdră chĕp pơgơ̆r teh đak, Thủ tướng Lê Minh Hưng hlôi sơng pơma dơnuh hăm Kơdră Jang tơbôl păng rim tơdrong châu Âu Croatia Gordan Grlić Radman tŏk bŏk năm ngôi păng bơ̆ jang tơ̆ Việt Nam.

VOV.Bahnar – Kơmăng năr 18/5, lêh tơbang pơjing pơlei tơm Đồng Nai pơkăp lơ̆m Trung ương păng sơng Mê đai Pơm jang tăl mă Mônh hlôi pơgơ̆r kăp gĭt hăm tơdrong vang truh akŏm đơ̆ng Tổng Bí thư, kơdră teh đak bơ̆n Tô Lâm.

VOV.Bahnar – Tơbăt Năr rơneh Ƀok Kơdră Hồ Chí Minh, năr 18/5, tơ̆ Gia Lai, Jơnŭm jang gah Linh so Việt Nam pơgơ̆r pơma dơnuh hăm linh so jang hơgei lơ̆m tơdrong hŏk pơhrăm păng jang kiơ̆ đon bơnôh, trong jang 'lơ̆ng Hồ Chí Minh.

VOV.Bahnar - Đon tơchĕng “tơgoăt pôm ƀơ̆r đon tih” đơ̆ng ƀok Hô ‘noh jĭ 1 lơ̆m dôm tơdrong tơm lơ̆m đon tơchĕng đơ̆ng Đảng, ‘noh jĭ “tơley brai ƀrê” hơnơ̆ng pơm đei jơhngơ̆m pran păng rim tơdrong jơnei đơ̆ng kăch mang Việt Nam. Hăm Tây Nguyên, tơring teh gĭt kăl, hơnih akŏm lơ hơdrĕch hơdrŭng ‘nhŏng oh vang hơrih sa, đon tơchĕng tơgoăt pôm ƀơ̆r đon đĭ đăng hlôi đei akŏm jing jơhngơ̆m pran lơ̆m tơdoă, tơklep tơpôl, vei kơjăp sơđơ̆ng, pơjing pơlei pơla hơtŏk tơiung păng hơmet ming đon lui đơ̆ng Kon pơlei hăm Đảng. Ƀlep ƀơ̆t tơbăt 136 sơnăm năr rơneh kơ Ƀok Hô 19/5, kon pơlei dôm hơdrĕch kon kông Tây Nguyên sa roi chih răk nơ̆r ƀok Hô pơtho dơ̆ng, hơnơ̆ng hơtŏk ‘lơ̆ng grŭp tơgoăt đĭ đăng hơdrĕch hơdrŭng, tơdrong kơjăp vă tơring teh bri kông hơtŏk tơiung kơjăp.

VOV.Bahnar - Bơ̆jang hăm Anih jang Joh ayŏ păng Tơpôl pơgê 18/5, Kơdră Quốc hội Trần Thanh Mẫn athei Anih jang hơnơ̆ng hơmet tôm khŭl jang, proh hơmet bơngai jang tŏ sĕt, klăih song hơnăp jang trŏ lăp, hơtŏk tôch ai tơdrong jang đơ̆ng rim kang ƀô̆.

VOV.Bahnar - Thủ tướng Lê Minh Hưng sơkơ̆t hơdăh, Năr Khoa hŏk, Kmăi kmŏk păng Tơplih ‘nao tơchăr Việt Nam ưh khan lăp jơ ‘năr pôk pơ ư khul bơ̆ jang hơgei, bơngai khoa hŏk mă oei tơgop pơm hơtŏk jơhngơ̆m đon hưch hanh hơmanh bơnê găh jơhngơ̆m đon gơh hơgei Việt Nam.

VOV.Bahnar - Tơ̆ pơlei pơla Tây Nguyên, nơ̆r pơma đơ̆ng kră pơlei nhen lĕ jơva chĭng chêng djơ djrĭng lơm gơmăng rang khei. Ưh kơ ngê̆ al loa, ưh kơ ngê̆ pơma hơmrăi, lăp kră pơlei chă pơma mĭnh nơ̆r ‘noh kon pơlei yom. Kơ yuơ găh rŏng dôm nơ̆r pơma ‘noh tơdrong lui yom hlôi gei kơjăp prăt sơnăm tơklep kơjăp hăm pơlei pơla, hăm mir ƀa, hăm rim trong thoong đak. Păng jei đơ̆ng dôm nơ̆r tơklep dih băl ‘noh, trong bơ jang đơ̆ng Đảng, tơdrong jang đơ̆ng Teh đak hlôi yak mơ̆t lơ̆m rim hnam pơtăm, rim hnam gŏ kơ kon pơlei rim hơdrung Tây Nguyên.

VOV.Bahnar – Tổng Bí thư, Kơdră teh đak Tô Lâm pơma hơdăh, mât lơ̆m chăl ‘nao, athei jang tŏk hrĕnh păng kơjăp đơ̆ng teh đak, athei Đăi hŏk Quốc gia Hà Nội adrin păng jang tŏk mă pran hlŏh dơ̆ng, tơgăl hăm hơnăp jang jĭ Hnam trưng đăi hŏk teh đak tơm dơnơm.

VOV.Bahnar - Đơ̆ng năr ‘nâu (18/5), tôch jăl trong gre kơdâu hrĕnh Chí Thạnh - Vân Phong kơdâu klĕch dêh char Đắk Lắk pơtơm đei tơmât yoa, vang tơgop hơmet pơ ‘lơ̆ng trong gre kơdâu tơƀưh tơring Tây Nguyên hăm tơring tơter đak dơsĭ Nam Trung Bộ.

VOV.Bahnar - Tơdrong man 7 hnam hŏk teh đak rong tơ̆ dôm xăh sơlam păih Pơmơ̆t dêh char Gia Lai oei tŏk bŏk hiơ̆ pơting hăm ‘meh vă tơlĕch ăn.