Kŭm hăm tơdrong adrin atŏk tơiung jang xa, tĕch mơdro, tơdrong vei lăng sơđơ̆ng arih xa tơpôl hơnơ̆ng đei dôm khul grŭp, anih tĕch mơdro tơ̆ dêh char Đắk Lắk tơrek truh bơ̆ jang hăm lơ trong jang tôch đei yoa. Dôm tơdrong jang tôch hơdăh, hua lăng truh tơpôl oei tơgop tơgŭm ăn kon pơlei tơ̆ tơring pơmat tat da ƀiơ̆ kơ gleh hrat, tơiung dơ̆ng jơhngâm pran vă jang tŏk lơ̆m tơdrong arih xa.

VOV.Bahnar - Pơgê năr 20/10, tơ̆ Hơnih Hop akom Diên Hồng, Hnam Kuô̆k hô̆i, hlôi pơgơ̆r blŭng a ‘Măng hop akom mă 10, Kuô̆k hôi jăl XV-‘măng hop akŏm tuch luch kơ jăl jang.

VOV.Bahnar - Hăm đon hơdrin, jang tơnăp păng pơ̆n chĭu pŭ, lơ drŏ kăn bơngai kon kông tơ̆ dêh char Lâm Đồng hlôi tơƀôh hơdăh anih dơ̆ng, đon hơgei đơ̆ng kơdih lơ̆m tơpôl. Đơ̆ng đe đảng viên, kang ƀô̆ tơ̆ tơring truh dôm bơngai hơnơ̆ng năm hơdrol lơ̆m tơdrong jang tŏk mŭk drăm, đe sư ưh khan lăp vang tơgop pơjing tơdrong hơrih sa ‘nao tơ̆ pơlei pơla đĕch mă oei tưk tơiung jơhngơ̆m đon lui, jang gơ̆h hơgei, vang tơgop ‘lơ̆ng ăn tơdrong jang tŏk mŭk drăm, tơpôl, tưk tơiung tơdrong hơtŏk băl đơ̆ng drŏ kăn hăm drŏ nglo tơ̆ tơring kon kông.

VOV.Bahnar - Truh dang ei, 2 tŏ trong trôm tơtil băl kơjung hlŏh 1.700m tơ̆ trong gre kơdâu hrĕnh tơƀưh 2 dêh char Khánh Hòa păng Đắk Lắk hlôi đei bŏk klĕch, lơ̆m noh trong trôm păih ‘ma jang đei 82% tơdrong ming man.

VOV.Bahnar -  ‘Nâu jĭ ‘măng hop akŏm mă hơtuch kơ Quốc hội jăl XV hăm năr bơ̆ jang dang 40 năr, tơchĕng adrol vă set hơlen, pơdrơ̆ng nơ̆r ăn 49 khôi luơ̆t.

VOV.Bahnar - Sơng iŏk nơ̆r krao hơvơn đơ̆ng Kơdră tơm teh đak Phần Lan Alexander Stubb, đơ̆ng ‘năr 20 truh 22/10, Tổng Bí thư Tô Lâm, hơkăn ƀok kŭm hăm khul tang măt ăn Việt Nam năm ngôi tơ̆ teh đak Phần Lan.

VOV.Bahnar - Thủ tướng pơgơ̆r, đơ̆ng dang ei truh hơtuch sơnăm athei hơdrin keh đang, phŏ noh hloh kơ tơchơ̆t ming man trong kơdou hrenh tơ̆ tơring Tơmăn đak krong Cửu Long, lăng ou jĭ “sơnong kơ plei nuih” păng sơnong jang hăm tơring teh.

VOV.Bahnar - Ah kơsơ̆ năr 16/10, tơ̆ Đà Nẵng, Thủ tướng teh đak bơ̆n Phạm Minh Chính năm akŏm Lêh tơbăt 80 sơnăm năr Juăt jue khul linh Kuân khu 5 (16/10/1945-16/10/2025) păng sơng Mê đai Hồ Chí Minh.

VOV.Bahnar – Kơsơ̆ năr 16/10, tơ̆ Hop akŏm kơ Tĭnh uy Đăk Lăk, Jơnŭm pơgơ̆r Trung ương hlôi tơbang tơchơ̆t đơ̆ng Anih tơm Chinh trĭ pôk ƀok Lương Nguyễn Minh Triết, jang hơmŏ lơ̆m Trung ương Đảng, Ƀĭ thư Thanh uy Đà Nẵng jang Ƀĭ thư Tĭnh uy Đăk Lăk jăl jang 2025 – 2030 đơ̆ng năr 15/10/2025.

VOV.Bahnar – Tơ̆ xah Ia Boòng, (lơ̆m apŭng Chư Prông so), dêh char Gia Lai, kang ƀô̆, khul linh Đô̆i K52 oei hăt hot jang atŭm hăm dôm khul jang đei tơrĕk pơih să tơdrong chơ chă, sir kôch kơting linh lôch tang ăn teh đak lơ̆m khei năr tơblah vang sơ̆.