VOV.Bahnar - Tơ̆ Anih jang kơ Khul kơdră teh đak pơgơ̆r Hop akŏm Khul kơdră teh đak khei 6/2026 păng Hop akŏm trư̆k tuyê̆n Khul kơdră teh đak hăm tơring.

VOV.Bahnar – Khul kơdră chĕp kơ̆l Đảng ƀô̆ dêh char Gia Lai jăl XVI pơgơ̆r Hop akŏm ‘măng mă 4 jăl jang 2025 -2030 hơlen năng dôm tơdrong jang đei lơ̆m 6 khei blŭng sơnăm, tơlĕch trong jang ăn dôm khei hơtuch sơnăm păng hơlen năng lơ tơdrong kăl găh tơdrong pơjing Đảng, jang tŏk mŭk drăm, tơpôl.

VOV.Bahnar - Bơ̆jang kiơ̆ "Tơdrong jang 500 măng năr” yua đơ̆ng Anih pơgơ̆r jang teh đak găh tơchă, sir iŏk akŏm păng hơlen lăng hơnăn, pơlei pơla kơting linh lôch tang ăn teh đak tơlĕch jang, vă tŭn hrĕnh tơdrong jang tơchă dôm linh nuih mơng lôch tang ăn teh đak păng iŏk kơmâu ADN vă hơlen băt hơnăn, yak truh tơbăt 80 sơnăm Năr Linh jĭ rơka - Linh lôch tang ăn teh đak (27/7), dôm năr âu, Anih vei lăng kon pơlei dôm dêh char Tây Nguyên păng Nam Trung bộ tơlĕch jang ‘măng bơ̆ jang iŏk tơmam ADN đơ̆ng ŭnh hnam linh lôch tang ăn teh đak tam mă đei băt hơnăn, pơlei pơla lơ̆m tơring.

VOV.Bahnar - Kơsơ̆ 5/7, tơ̆ pơlei tơm Hồ Chí Minh, Phŏ Thủ tướng Phạm Thị Thanh Trà hơlen lăng tơdrong jang hơmet ăn Lêh tơlĕch jang tơchă, sir iŏk akŏm kơting linh lôch tang ăn teh đak tơ̆ Cham să Lê Thị Riêng (phường Hòa Hưng, găh Quận 10 hơdrol sơ̆).

VOV.Bahnar - Lơ̆m trong jang kiơ̆ tơdrong jang tŏk mŭk drăm truh 2 kơsô̆, Lâm Đồng oei tơlĕch đon pơhnŏng, hăm lơ tơdrong hơmĕng đơ̆ng dôm tơmam kơmăy kơmŏk đei kơjă kăp. Mă loi jĭ anih pơm nhôm, hăm dôm hnam kơmăy vă pơm tơlĕch tơmam blŭng a lơ̆m khei 7, đei hơmĕng jing jơhngâm pran ‘nao vă tưk tơiung anih jang kơmăy, pơjing jơhngâm pran ăn rim anih jang mŭk drăm. Tơ̆ hop akŏm mă 4, Jơnŭm pơgơ̆r kon pơlei dêh char Lâm Đồng jăl XI, lơ bơngai tang măt tơblang hơdăh tôm tơdrong vă jang tŏk đơ̆ng anih jang nhôm, atŭm hăm ‘nŏh athei chih hơdăh tơdrong vang tơgop đơ̆ng rim tơdrong jang vă tơlĕch trong pơgơ̆r jang đei yoa, jang đei đon pơhnŏng jang tŏk lơ̆m sơnăm 2026.

VOV.Bahnar - Hăm trong jang “kơ yuơ mĭnh Tây Nguyên sơđơ̆ng hiôk hian păng atok tơ iung”, Đắk Lắk tŏk bŏk tơlĕch lơ trong bơ̆ jang vei lăng sơđơ̆ng tơring păng bơ̆ jang vei lăng sơđơ̆ng sơlam teh đak, tơgop vei lăng sơđơ̆ng chinh trĭ, sơđơ̆ng dơ̆ng kơjăp teh đak, pơjing hơyak ăn atok tơ iung mŭk drăm-tơpôl lơ̆m dêh char.

VOV.Bahnar - Anih vei lăng kon pơlei dêh char Khánh Hòa ‘nao pơgơ̆r Hop akŏm hơmet ming trong Tơproh jang kơ dêh char đơ̆ng 2021-2030, trong jang truh sơnăm 2050. Đon pơhnŏng đơ̆ng hơmet ming trong Tơproh jang ‘nao ‘nŏh vă hơnhăk dêh char jing plt găh Trung ương adrol kơ sơnăm 2030. 

VOV.Bahnar – Kơsơ̆ năr 2/7, tơ̆ Hơnih jang kơ Jơnŭm pơgơ̆r teh đak, Thủ tướng Lê Minh Hưng sơng pơma dơnuh hăm Kơdră Hơnih mong jên Jang hơdoi apŭng plenh teh Nhật Bản (JBIC) Maeda Tadashi tŏk bŏk oei tơmang păng pơm jang tơ̆ Việt Nam.

VOV.Bahnar – Năr 2/7, Ƀan châ̆p hanh Đảng ƀô̆ dêh char Khánh Hòa pơgơ̆r Hop akŏm 'măng mă 5, jăl jang 2025 - 2030, sơkơ̆t hơdah tơdrong jang hơtŏk mŭk drăm – tơpôl păng tơdrong jang pơ-'lơ̆ng Đảng.

VOV.Bahnar - Pơgê brei (02/07) tơ̆ pơlei tơm Hồ Chí Minh, Tổng Bí thư, Kơdră teh đak Tô Lâm truh akŏm păng pơma tơ̆ lêh tơbăt 50 sơnăm pơlei tơm Sài Gòn - Gia Định iŏk hơnăn Kơdră Hồ Chí Minh (2/7/1976 – 2/7/2026).