VOV.Bahnar – Tơ̆ plt Hồ Chí Minh, ƀlep bât tơbăt 51 sơnăm Năr tơblăh iŏk rơngei tơring Pơbăh, pơjing đei 1 teh đak kơjăp ‘lơ̆ng păng Năr bơngai jang lơ̆m apŭng plenh teh 1/5, Tổng Bí thư, Kơdră teh đak Tô Lâm truh akŏm păng pơgơ̆r jơ tơƀâp hăm 200 ‘nu công nhân, bơngai jang vă mơ̆ng tơdrong hơpơi ‘mĕh đơ̆ng đe công nhân tơ̆ plt.

VOV.Bahnar - Lơ̆m 2 ‘măng tơblăh vang tang găn Phalăng păng ayăt Mi tơblăh pơjei, tơring Gào, dêh char Ga Lai hăm groi teh bri kông hli hlơt, jĭ tơring kăn kư̆ kĕch mang (hăm krao hơnăn Khu 9). Ƀô̆ đô̆i păng kon pơlei tơ̆ ou hlôi iung tơblăh iok đei jơnei tih tên, tơgop pơm rơngei tơring Pơbăh, teh đak rơngei keh kong, 2 ‘măng đei teh đak pôk ăn hơnăn Nuih mơng. Hloơh 50 sơnăm rơngei, dôm bri kơdrơ̆ng tơring Gào sơ̆ hơnơ̆ng đei vei lăng kơjăp, pơtruh đak tơruih pơro ăn ‘long pơtăm, tơgŭm ăn kon pơlei atok tơ iung tơdrong hơrih sa phĭ tơtŏ dơnŏ ‘lơ̆ng dơ̆ng kơjăp.

VOV.Bahnar - Lơ̆m jơ năr đĭ đăng lơ̆m teh đak yak truh tơbăt 51 sơnăm Năr Rơngei tơring Pơbăh, jơnei teh đak, 1 ‘măng tơƀơ̆p ƀĕnh jơhngơ̆m ƀrơ̆k ‘nao pơgơ̆r tơ̆ phường Thủ Dầu Một, pơlei tơm HCM. ‘Măng mă blŭng, đe drŏ kăn lĭnh găh 5 khŭl kơnong dêh char Thủ Dầu Một chăl iung tơblăh hŭt ayăt Mi hlôi vang akŏm lơ̆m jơ hop akŏm tơƀơ̆p muh măt.

VOV.Bahnar  - Ƀlep lơ̆m tơbăt 51 sơnăm Rơngei tơring Pơbăh, Teh đak rơngei hiôk hian, tơ̆ Pơlei tơm Hồ Chí Minh, Tổng Bí thư, Kơdră chĕp pơgơ̆r teh đak Tô Lâm atum hăm khul bơ̆ jang hlôi năm soh hlôt nhang, ƀlŏk hơdơ̆r rim kơdră chĕp pơgơ̆r so, tơbăt hơdăh jơhngơ̆m đon “nhă đak chăm kơ tu” păng ƀlŏk hơdơ̆r hôn bơnê dôm tơdrong tơgop tih tên hăm tơdrong jang kĕch mang kơ hơdrĕch hơdrung.

VOV.Bahnar - Vă hơmet pơ ‘lơ̆ng dôm tơdrong tơhlăk, pơih trong ăn mŭk drăm tơ ter đak dơsĭ tŏk pran, kơsơ̆ (28/4), Kơdră Anih vei lăng kon pơlei dêh char Đắk Lắk Đỗ Hữu Huy đei jơ bơ̆jang hăm rim tơring tơ ter đak dơsĭ păih Hơlĕch.

VOV.Bahnar - Kơsơ̆ brei (28/04) tơ̆ pơlei tơm Hải Phòng, Thủ tướng Lê Minh Hưng păng Khŭl tang măt Quốc hội pơlei tơm Hải Phòng pơgơ̆r tơƀơ̆p pơma dơnuh hăm bơngai tăh hla đơ̆ng rŏng ‘măng hop akŏm mă Mônh, Quốc hội jăl XVI.

VOV.Bahnar – Kơsơ̆ 28/4, tơ̆ Anih jang kơ ƀok Kơdră teh đak, Tổng Bí thư, Kơdră teh đak Tô Lâm pơgơ̆r lêh pơjao tơdrong Tơchơ̆t pôk hơtŏk 5 ‘nu Bơngai tang măt tôm tơdrong ăn teh đak Cộng hoà Xã hội Chủ nghĩa Việt Nam tơ̆ teh đak đe.

VOV.Bahnar - Pơgê 28/4, tơ̆ Hnam joh ayŏ bơ̆ jang tơbôl Việt – Xô (Hà Nội), Kơdră Quốc hội Trần Thanh Mẫn truh pơm lêh tơbăt 140 sơnăm Năr Apŭng plenh teh kơ bơngai jang păng pôk pơ ư 101 ‘nu Kơdră vei lăng công đoàn tơ̆ tơring bơ̆ jang rơgei sơnăm 2026.

VOV.Bahnar – Pơgê năr 28/4, tơ̆ Hà Nội, Tổng bí thư – Kơdră teh đak bơ̆n Tô Lâm, Kơdră tơm khul linh kon pơlei, Kơdră Jơnŭm Pơgơ̆r Khŭl linh vei lăng teh đak păng Vei sơđơ̆ng tơpôl pơgơ̆r 'Măng hop akŏm mă mônh kơ Jơnŭm jang jăl sơnăm 2026–2031.

VOV.Bahnar – Kơsơ̆ năr 27/4, Tổng Bí thư, Kơdră teh đak bơ̆n Tô Lâm pơgơ̆r 'măng pơm jang hăm Hơnih jang Thanh uy Pơlei tơm Hồ Chí Minh gah tơdrong pơm jang kiơ̆ Tơchơ̆t Hop akŏm 14 kơ Đảng.