VOV.Bahnar - Kơsơ̆ ‘năr 30/9, lơ̆m tơdrong chă tơƀâp bơngai tăh hla adrol kơ Hop akŏm mă 10, Quốc hội jăl XV, Tổng Bí thư Tô Lâm tơƀâp bơngai tăh hla tơ̆ 1,2 xăh lơ̆m plt Hà Nội.

VOV.Bahnar - Hăm jơhngơ̆m đon jang tơnăp ‘lơ̆ng, tơdrong jang hơmet ăn Hop akŏm bơngai tang măt Đảng bộ dêh char Lâm Đồng ‘măng mă I, jăl jang 2025 – 2030 tŏk bŏk đei tơlĕch jang hăt hot, vei sơđơ̆ng ‘lơ̆ng, ‘mơ ‘met păng jơnei.

VOV.Bahnar - Kơsơ̆ 30/9, tơ̆ Anih jang Khŭl kơdră teh đak, Thủ tướng Phạm Minh Chính pơgơ̆r ‘Măng hop akŏm ‘măng mă 15 Anih pơgơ̆r jang kơ Teh đak găh tang găn rôp yâu ka glăi, ưh kơ roi tơbăt păng ưh kơ pơm kiơ̆ tơdrong hơgăt (IUU).

VOV.Bahnar - Anih vei lăng kon pơlei dêh char Gia Lai ‘nao pơgơ̆r Hop akŏm pơma nuh hăm dôm anih tĕch mơdro tĕch tơmam tơ̆ teh đak đe kiơ̆ trong ‘măng jang sơlam Lệ Thanh (xăh Ia Dom). Tơ̆ âu, khul kơdră pơgơ̆r dêh char păng khul tĕch mơdro pơma nuh, hơmet pơ ‘lơ̆ng dôm tơdrong oei tơhlăk, găn trong vă pơjing ‘măng jang sơlam Lệ Thanh jing anih tĕch mơdro tơ̆ tơring sơlam găh Pơmât, hăm đon pơhnŏng truh sơnăm 2030 iŏk đei jên tĕch mơdro tơmam hăm teh đak đe hlŏh 2 ti USD.

VOV.Bahnar – Pơgê ‘năr 30/09, Hop akŏm bơngai tang măt Đảng ƀô̆ dêh char Phú Thọ ‘măng mă I, jăl jang đơ̆ng 2025-2030, đei pơgơ̆r hăm tơdrong vang akŏm đơ̆ng 500 ‘nu bơngai tang măt dơ̆ng tang ăn hlŏh 257.000 ‘nu đảng viên.

VOV.Bahnar - Pơgê năr 30/9, tơ̆ Hà Nội, Tổng Bí thư Tô Lâm năm akŏm păng pơma pơgơ̆r Hop akŏm bơngai tang măt ăn Đảng ƀô̆ Khul linh 'măng mă 12, jăl jang 2025-2030.

VOV.Bahnar – Pơgê năr 30/9, Hop akŏm bơngai tang măt ăn Đảng ƀô̆ dêh char Đăk Lăk 'măng mă mônh, jăl jang 2025 – 2030 đei pơtơm hăm hơnăn Pơkăp sơđơ̆ng – Jang kơtang – Hơtŏk tơ-iung"

VOV.Bahnar – Hơdrol kơ Hop akŏm Đảng ƀô̆ dêh char, jăl jang 2025-2030, pơgê năr 30/9, Anih jang vei lăng kon pơlei dêh char Gia Lai pơgơ̆r et hơtŏk 2 jăl trong dơnơm noh Trong tơm 633 jăl đơ̆ng Núi Ghềnh truh jăl trong tơkuh đak dơsĭ (Jăl trong tơm 639) păng trong Điện Biên Phủ pơtoi truh tơring kơdrơ̆m Diêm Vân.

VOV.Bahnar – Anih jang vei lăng kon pơlei dêh char Khánh Hòa 'nao pơtruh hla bar kăl ăn Anih tơm Jên hu, Anih tơm Ming man, dah hrôih pơtruh ăn Thủ tướng Teh đak drơ̆ng nơ̆r asong ming man jăl trong kơdou hrĕnh Nha Trang – Đà Lạt hơdrol kơ sơnăm 2030.

VOV.Bahnar - Năr brei (29/9), tơ̆ Hơnih bơ̆ jang Kơdră chĕp pơgơ̆r Teh đak, Kơdră chĕp pơgơ̆r teh đak Lương Cường sơng pơma dơnuh hăm Kơdră chĕp pơgơ̆r Đuma Quốc gia Nga Vyacheslav Volodin hăm Khul kơdră tang măt Đuma Quốc gia Nga tŏk bŏk năm tơmang Việt Nam păng vang năm ‘Măng hop akŏm mă 4 Hơnih bơ̆ jang hơdoi Nghĭ viê̆n ƀar păh Kuô̆k hô̆i Việt Nam hăm Đuma Quốc gia Nga.