VOV.Bahnar – Tơ̆ plt Kazan, Cộng hòa Tatarstan, teh đak Liên bang Nga, Thủ tướng Lê Minh Hưng chĕp kơ̆l khul tang măt ăn Việt Nam vang truh hop akŏm tih Tơbăt 35 sơnăm tơdrong pơvei jang hơdoi.

VOV.Bahnar - Lơ̆m dôm năr ‘nâu, lơ tơring găh Hơlĕch kơ dêh char Đắk Lắk oei akŏm jơhngâm hơtŏk hrĕnh tơdrong tơlĕch jên jang đơ̆ng teh đak. Lơ̆m noh, tơdrong găn trong tih hlŏh ‘nŏh jĭ tơdrong chưk pơ ‘ngoăih teh. Tơ̆ hơnăp tơdrong athei jăh bơ̆ jang đơ̆ng dôm tơdrong jang pơm trong tơter đak dơsĭ, dêh char Đắk Lắk hlôi tơlĕch tơdrong jang “30 măng năr chưk pơ ‘ngoăih teh”, pơjing jơhngâm pran ‘nao đơ̆ng tơring hăm tơdrong vang tơgŭm, bơ̆ jang tơnăp păng hơnơ̆ng năm hơdrol yoa tơdrong đei yoa atŭm.  

VOV.Bahnar - Lơ̆m jơnăr năm bơ̆jang vang Hop akŏm Tih tơbăt 35 sơnăm pơvei ASEAN - Nga, Thủ tướng Lê Minh Hưng kŭm hăm lơ kơdră chĕp kơ̆l tih hlôi vang truh akŏm Tơdrong jang Hơdai tĕch mơdro păng Tơmơ̆t jên jang Việt Nam - Liên bang Nga.

VOV.Bahnar - Anih vei lăng kon pơlei dêh char Gia Lai ‘nao tơlĕch ăn Tơdrong jang trong ƀê tŏng ‘lơ̆ng tơring tơrang jăl jang 2026-2030 hăm akŏm jên jang hloh 1.165 ti hlak jên đơ̆ng jên tơmơ̆t jang păh lăp khei ‘năr vă pơm pơcheh trong nơnăm, pơyua ăn hơtŏk tơiung mŭk drăm - tơpôl tơring tơrang. Akŏm jên tơgŭm bơ̆jang tơdrong jang ‘noh 1.165 ti hlak jên.

VOV.Bahnar – Tơ̆ Hà Nội, Tổng Bí thư, Kơdră teh đak bơ̆n Tô Lâm hlôi sơng Phŏ Kơdră Kuô̆k hô̆i Cộng hòa Liên bang Đức Bodo Ramelow năm tơmang teh đak Việt Nam.

VOV.Bahnar – 'Năr brei (18/6), Jơnŭm pơgơ̆r pơm kiơ̆ tơchơ̆t hơtŏk mŭk drăm 2 kơsô̆ kơ dêh char Đăk Lăk jăl sơnăm 2026-2030 pơgơ̆r 'măng hop akŏm mă 3 vă hơlen lăng tơdrong jang đei jơnei hơtŏk mŭk drăm – tơpôl 6 khei blŭng sơnăm păng tơlĕch trong pơm jang vă hơtŏk tơ-iung lơ̆m khei năr truh. Vă keh đang tơchơ̆t hơtŏk tơ-iung đơ̆ng 10% tŏk tơ̆ kơpal lơ̆m sơnăm 2026, hơtŏk mŭk drăm atŭm 6 khei hơtuch sơnăm kơ dêh char Đăk Lăk athei đei đơ̆ng 11,8% truh 12%.

VOV.Bahnar – Kơsơ̆ năr 18/6, Hơnih jang vei lăng kon pơlei dêh char Đăk Lăk hop akŏm hơlen lăng tơdrong tơlĕch dôm trong hơmet ăn Hop akŏm tơbang Pơkăp păng Asong jang kơ dêh char Đăk Lăk.

VOV.Bahnar – Năr (18/6), tơ̆ Hà Nội, pơgơ̆r Hop akŏm Bơngai tang măt đe Drăkăn jơ̆p teh đak 'măng mă 14, jăl jang 2026-2031. Tang măt ăn đe kơdră Đảng, Teh đak, Kơdră Kuô̆k hô̆i Trần Thanh Mẫn năm akŏm păng iung pơma ah Hop akŏm.

VOV.Bahnar – Yak truh Festival Pơkao Đà Lạt 'măng mă 11 sơnăm 2026, lơ̆m 2 năr ou ki, tơ̆ hơnih tơmang pơhiơ̆ Lang Biang, phương Lang Biang - Đà Lạt, dêh char Lâm Đồng pơgơ̆r Tơdrong Pơlong joh ayŏ chĭng chêng păng 'nhot xa tơguăt hăm tơdrong pơsuh pơchơt kră sơ̆ sơnăm 2026.

VOV.Bahnar - Tơdrong kơtơ̆ng ang đei dôm kơtơng ang kăl tơ̆ hơla ou: - Tổng Bí thư, Kơdră chĕp pơgơ̆r Teh đak Tô Lâm bơ̆ jang hăm Khul kơdră Hơnih chĕp pơgơ̆r Hop akom pơtôch 100 sơnăm Đảng chĕp pơgơ̆r Kĕch mang Việt Nam - Thủ tướng Lê Minh Hưng iung pơma tơ̆ Hop akŏm Hơnih mơdro sa ASEAN-Nga - Ƀok Lương Nguyễn Minh Triết, Bí thư Đảng dêh char Đắk Lắk năm ngôi, hmach chơt hơ iă ăn Hơnih bơ̆ jang tơ̆ tơring Tây Nguyên kơ Radiô NPMVN ƀlep lơ̆m năr tơbăt 101 sơnăm Năr Khul chih kơtơ̆ng ang Kĕch mang Việt Nam. - Gia Lai tĕnh koăng hơmet pơ ‘lơ̆ng dơnou mong đak choh jang sa hơdrol kơ pơyan ‘mi kial hơbŭt hơbông. - Kơ iĕng Kơdră jang Tơbôl Việt Nam pơm tơm pơma đam apŭng plĕnh teh “Sơđơ̆ng dơ̆ng kơjăp păng duk kơdou hiôk hian"