VOV.Bahnar - Ƀlep lơm năr tơbăt 101 sơnăm Năr Khul chih kơtơ̆ng ang Kĕch mang Việt Nam, kơsơ̆ năr 14/6, tơ̆ Hnam Kuô̆k hô̆i, Thủ tướng teh đak Lê Minh Hưng hăm Kơdră chĕp pơgơ̆r Kuô̆k hô̆i Trần Thanh Mẫn vang chĕp pơgơ̆r ‘măng tơƀơ̆p muh măt rim kơdră chĕp pơgơ̆r rim hơnih chih kơtơ̆ng ang.

VOV.Bahnar - Lơ̆m khei ‘năr jang hơdai tơring roi ‘năr roi đei tŭn pran, dôm tơring Tây Nguyên păng tơter đak dơsĭ Nam Trung Bộ tŏk bŏk pơih să jang hơdai, iŏk jang đei yua tơdrong ‘lơ̆ng tơgŭm băl đ”bri kông păng đak dơsĭ” vă pơjing dôm tơmam chă tơmang lăng hơdai tơring gĭt kăl. Đơ̆ng dôm tơdrong jang hơdai hơnih truh, pơtrŭt tơmơ̆t jên jang truh pơjing dôm trong chă tơmang lăng ‘nao, tơdrong tơklep hơdai đơ̆ng bri păng đak dơsĭ ưh khan lăp pơm dơ̆ng tơdrong hơiă ăn tơmoi chă tơmang lăng mă oei pơih đei hơnih hơtŏk tơiung ‘nao.

VOV.Bahnar - Lơ sơnăm âu ki, dôm khul iung tơjră oei tơ̆ teh đak đe hơnơ̆ng iŏk tơdrong hơdrĕch hơdrung, lui khop vă phă ngơ̆r Tây Nguyên. Đơ̆ng rŏng dôm tơdrong lui nhen “Tin lành Đêga”, “lui Hà Mòn”, “Lui Yang Mĕ”, tơjê̆ âu đei dơ̆ng tơdrong lui “Bahnar Đêga Kon Kông” vă pơhlŭ kon pơlei, tơiung đon tơchĕng tơklăh jing teh đak kơdih, pơm chere tơdrong guăt đĭ đăng hơdrĕch hơdrung tơ̆ dêh char Gia Lai. Hăm tơdrong bơ̆ jang pran kơtang đơ̆ng khul jang kơpal păng rim anih jang chinh trĭ, lơ̆m khei 5/2026, Công an dêh char Gia Lai phă đei tơdrong lui kư̆ kă âu. Tơdrong tang găn lơ̆m đon tơchĕng vă tơgŭm ăn kon pơlei băt hơdăh tơdrong glăi, ‘mĕh phă ngơ̆r teh đak đơ̆ng tơdrong lui âu oei hơnơ̆ng pơgơ̆r tơ̆ rim pơlei.

VOV.Bahnar – Kơsơ̆ brei (11/06), tơ̆ Hà Nội, Thủ tướng Lê Minh Hưng bơ̆ jang hăm Khul kơdră chĕp kơ̆l Đảng plt Hà Nội găh tơdrong jang atŏk tơiung mŭk drăm, tơpôl, đon pơhnŏng jang tŏk truh “2 kơsô̆”.

VOV.Bahnar - ‘Năr 11/6, tơ̆ Hà Nội, Anih tơm Chĭnh trĭ, Ban Bí thư Trung ương Đảng pơgơ̆r Hop akŏm lơ̆m teh đak tơchĕng hơlen, vei kơjăp păng tơlĕch jang kiơ̆ Tơdrong tơchơ̆t kơsô̆ 06 đơ̆ng Anih tơm Chĭnh trĭ găh tơlĕch trong jang tơbôl Hop akŏm XIV kơ Đảng.

VOV.Bahnar - Đắk Lắk adrin mât lơ̆m grŭp 15 dêh char, plt găh tơplih ‘nao, rơgei.

VOV.Bahnar - Pơgê ‘năr 11/6, hlŏh 35.000 ‘nu hŏk tro tơ̆ dêh char Đắk Lắk mât lơ̆m năr thi mă blŭng lơ̆m ‘măng thi tốt nghiệp lăm 12 sơnăm 2026. Tôch 120 pơnĭt pơm ƀai môn Văn til pơgê, lơ hŏk tro lĕch đơ̆ng lăm thi hăm jơhngâm đon hiôk chơt, hơđơ̆ng jơhngâm.

VOV.Bahnar - Dêh char Gia Lai tŏk bŏk hơdrin tơlĕch jang “Tơdrong jang 500 măng năr bơ̆jang tơchă, akŏm păng băt hơdăh hơnăn kơting lĭnh lôch tang ăn teh đak”, hăm tơdrong hơgăt tơchă, akŏm 390  kơting lĭnh lôch tang ăn teh đak păng iŏk hơlen lăng ADN hăm vă jê̆ 12.000 tŏ pơsat lĭnh lôch tang ăn teh đak tam mă băt hơdăh đei hơnăn.

VOV.Bahnar - Bơngai jang Khŭl chĕp kơ̆l pơgơ̆r Đảng ủy Trung ương Khŭl chih hla ar tơroi Việt Nam Phạm Mạnh Hùng đei pôk pơm dơ̆ng Kơdră Khŭl jang Chih hla ar tơroi Anih radiô nơ̆r pơma Việt Nam jăl jang 2026-2031.

VOV.Bahnar – Kơsơ̆ 'năr brei (11/06), tơ̆ Hà Nội, Jơnŭm jang Nô̆i chĭnh Trung ương pơgơ̆r hop akŏm pơtôch tơdrong jang kơ Jơnŭm pơgơ̆r Chih hơmet khôi luơ̆t Trung ương đơ̆ng khei năr tơ-iung pơjing truh kơ dang ei păng pôk bơnê kơ dôm jơnŭm jang, bơngai jang hơgei lơ̆m tơdrong chih hơmet pơ-'lơ̆ng khôi luơ̆t.