VOV.Bahnar – Anih tang măt ăn Việt Nam tơ̆ Nhật Bản pơm lêh tih tơbăt 80 sơnăm Quốc khánh teh đak Cộng hòa xã hội chủ nghĩa Việt Nam.

VOV.Bahnar – ‘Năr (11/9), Anih vei lăng Tơring jang mŭk drăm păng dôm Tơring jang kơmăy kơ dêh char Khánh Hòa pơm lêh pơjao tơdrong tơchơ̆t asong tơmât jên jang pơjing 2 tơring kơdrâm tih tơ̆ Tơring jang mŭk drăm Vân Phong.

VOV.Bahnar - Tơ̆ anih pơm trong gre kơdâu hrĕnh Khánh Hòa – Buôn Ma Thuột, rơbâu ‘nu công nhân, ki sư kŭm hăm kơhrĕng kơmăy kơmŏk oei hăt bơ̆ jang ưh đei pơdơ̆h kiơ. Jang kiơ̆ nơ̆r krao hơvơn “500 măng năr ming man 3.000 km trong gre kơdâu hrĕnh” yoa Thủ tướng Phạm Minh Chính tơlĕch tŏk bŏk đei rim bơngai jang jang kiơ̆ ‘lơ̆ng.

VOV.Bahnar -  Tổng Bí thư Tô Lâm pơma hơdăh lơ̆m jăl jang truh, Đảng ƀô̆ Quốc hội athei akŏm jơhngâm chĕp kơ̆l pơgơ̆r hơtŏk tơdrong jang tơiung pơjing Đảng rơgŏh ‘lơ̆ng, pran kơjăp rim tơdrong; tơplih ‘nao trong chĕp kơ̆l pơgơ̆r kiơ̆ trong jang ‘nao.

VOV.Bahnar -  Đơ̆ng ‘năr 11 - 15/9, Khul tang măt Quốc hội dêh char Đắk Lắk pơgơ̆r dôm ‘măng dăr hơlen năng tơdrong bơ̆ jang đơ̆ng Khul kơdră pơgơ̆r tơring 2 tăl păng tơlĕch trong jang atŏk tơiung mŭk drăm, tơpôl sơnăm 2025, hăm đon pơhnŏng jang tŏk mŭk drăm đơ̆ng 8% tŏk tơ̆ kơpal.

VOV.Bahnar – Pơgê năr 11/9, tơ̆ Anih jang đe Kơdră, Ƀok Kơdră teh đak bơ̆n Lương Cường hlôi sơng Ƀô̆ trương Anih tơm vei lăng khul linh teh đak Thổ Nhĩ Kỳ Yasar Guler truh hmach ƀơ̆t 'măng năm tơmang, pơm jang tơ̆ Việt Nam.

VOV.Bahnar – Kơsơ̆ năr 11/9, Khul Kơpal kơ Jơnŭm pơgơ̆r teh đak kơyuơ Phŏ Thủ tướng Hồ Đức Phớc chĕp kơ̆l hlôi năm pơm jang hăm pơlei tơm Hải Phòng gah pơklaih tơnap tap, tơhlăk tơhlĭn lơ̆m tơdrong jang tĕch răt tơmam drăm hăm teh đak đe, ming man anih jang, hơtŏk kơtang asong jên jang kŏng.

VOV.Bahnar – Pơgê năr (11/9), tơ̆ phương Lâm Viên Đà Lạt, Trưng Kang ƀô̆ jang Dăr hơlen jang atŭm hăm Anih jang Dăr hơlen dêh char Lâm Đồng pơtơm Lăm hŏk gah tơdrong hiôk sơng drơ̆ng kon pơlei, sek tơlang hla bar pơtruh tơkêng tơhlou.

VOV.Bahnar - Bơnê kơ dôm tơdrong jang hơdoi đei jơnei tơnăp lơ̆m Jang Tơbôl tôm tơdrong Việt Nam - Australia, Kơdră tơm teh đak Australia Sam Mostyn akhan, lơ̆m sơnăm 2025, ƀar teh đak gô pơtoi atŭm băl sek tơlang dôm tơdrong tơnap tap kơ tơdrong hơrih jang xa

VOV.Bahnar - Đắk Lắk tŏk bŏk hơtŏk hrĕnh tơlĕch jang dôm trong jang hơmet ming hla ar bơ̆jang tơklep hăm tơplih kơsô̆, vă pơm tơdrong hiôk tôch ai ăn kon pơlei păng anih mơdro sa, hơdai hăm bơ̆jang kiơ̆ ‘lơ̆ng tơdrong hơgăt truh hơtuch sơnăm 2025 đei tŏ sĕt hloh 70% hla ar hô sơ đei hơmet ‘lơ̆ng kiơ̆ trực tuyến lơ̆m kơmăy kơsô̆.