VOV.Bahnar – Kơsơ̆ 9/9 tơ̆ Hà Nội, Tổng Bí thư Tô Lâm pơgơ̆r hop akŏm hăm Khul chĕp kơ̆l Đảng kơ Anih tơm vei lăng pơtho pơhrăm găh tơdrong jang kiơ̆ tơdrong Tơchơ̆t 71 đơ̆ng Anih tơm Chinh trĭ vă atŏk tơiung pran tơdrong pơtho pơhrăm. 

VOV4.Bahnar - Kơsơ̆ (09/9) tơ̆ Anih bơ̆jang Trung ương Đảng, Grŭp Bơ̆jang kơsô̆ 1 kơ Anih tơm Chĭnh trĭ yua đơ̆ng ƀok Lương Cường, Kơdră teh đak pơgơ̆r, bơ̆jang hăm bơngai tang măt Khŭl chĕp kơ̆l pơgơ̆r anih jang Đảng dêh char Cà Mau, Hưng Yên vă ăn tơgop nơ̆r lơ̆m dôm hla ar chih kăl, trong jang rơih bơngai jang păng tơdrong jang hơmet ăn Hop akŏm bơngai tang măt Đảng bộ dêh char jăl jang 2025 - 2030.

VOV4.Bahnar - ‘Năr brei (9/9), Anih vei lăng kon pơlei dêh char Lâm Đồng pơgơ̆r ‘măng hop akŏm pơma dơnuh trong jang hơmet pơ ‘lơ̆ng pơmat tat, hơtŏk tơlĕch jên jang teh đak lơ̆m dôm khei hơtuch sơnăm 2025.

VOV.Bahnar – Đơ̆ng năr 9/9 truh năr 12/9 Kơdră tơm teh đak Australia Sam Mostyn păng Hơkăn ƀok năm tơmang kơpal truh teh đak Việt Nam kiơ̆ nơ̆r hơvơn đơ̆ng Kơdră teh đak bơ̆n Lương Cường păng Hơkăn ƀok.

VOV.Bahnar – Hăm khul kon tơrong hloh 23 triu tŏ, dêh char Đăk Lăk sơkơ̆t hơdah, tang găn păng tơjră pơrang jĭ pơtoi jing sơnong jang dơnơm vă vei lăng tơdrong jang rong kon tơrong păng vei sơđơ̆ng tơmam drăm xa rơgoh tĕch lơ̆m tơring.

VOV.Bahnar - Gơmăng jur, lơ pơlei pơla tơ̆ tơring sơlam găh Pơmât dêh char Gia Lai ƀrŭng ƀrăng ang hơdăh đơ̆ng unh điên măt ‘năr yoa Binh đoàn 15 chô̆, kiơ̆ tơdrong jang “Sơnglŏng tơ̆k hơdăh pơlei pơla”. Lơ kơƀŏng unh điên ang hơdăh ưh lăp hơnhăk ba tơdrong chơt hơiă, vei lăng ‘lơ̆ng tơdrong sơđơ̆ng ăn kon pơlei đĕch mă oei vang tơgop hơmet kơjăp tơdrong pơvei đơ̆ng linh hăm kon pơlei, đei yoa ‘lơ̆ng ăn tơdrong jang vei kơjăp tơdrong sơđơ̆ng tơ̆ tơring sơlam teh đak.

VOV.Bahnar - Dôm năr âu ki, mă đơ̆ng hơnơ̆ng đei ‘mi, mă lei tơ̆ anih jang pơm hơmet trong trong gre 28B – jăl trong tơm tơƀưh Phan Thiết – Đà Lạt, tơƀưh bri kông hăm đak dơsĭ tơ̆ Lâm Đồng, jơhngâm đon bơ̆ jang oei tŏk tôch pơnĕh.

VOV.Bahnar - ‘Mi tih đunh dôm năr âu ki oei pơm ăn lơ trong gre tơm tơ̆ dêh char Lâm Đồng tơjră hăm tơdrong krê kơ teh hơlih chĭt găn.

VOV.Bahnar - Kơdră Anih vei lăng kon pơlei dêh char Đắk Lắk athei dôm anih jang, tơring athei tŭn hrĕnh tơdrong jang tơlĕch jên tơmơ̆t jên jang teh đak, lăng ‘nâu jĭ hơnăp jang tơm vă pơtrŭt jang tŏk.

VOV.Bahnar - Tơpôl Anih tơm Chĭnh trĭ hlôi bơ̆jang hăm Khŭl chĕp kơ̆l pơgơ̆r Anih jang Đảng Kŏng an Trung ương vă ăn tơgop nơ̆r lơ̆m hla ar kăl păng trong jang rơih bơngai jang pơtruh ăn Hop akŏm bơngai tang măt Đảng bộ Kŏng an Trung ương ‘măng mă VIII, jăl jang 2025 - 2030.