VOV.Bahnar – Sơng iŏk nơ̆r hơvơn đơ̆ng Thủ tướng teh đak bơ̆n Lê Minh Hưng, Thủ tướng teh đak Thái Lan Anutin Charnvirakul năm tơmang teh đak Việt Nam păng năm Hop akŏm Khei năr hơnô̆ hơnăp ASEAN 'măng mă 3.

VOV.Bahnar – Lơ̆m khei 5 ou ki tơdrong pơm jang kŏng ngĭp kơ dêh char Lâm Đồng tŏk hloh 12% pơtêng hăm khei 4 păng tŏk hloh 15% pơtêng hăm khei năr ou sơnăm sơ̆.

VOV.Bahnar - Pơgê năr 8/6, tơ̆ Hơnih bơ̆ jang Trung ương Đảng, Tổng Bí thư, Kơdră chĕp pơgơ̆r Teh đak Tô Lâm pơm tơm jơ bơ̆ jang hăm Hơnih jang pơchoh Tơdrong bơ̆ jang kăl Trung ương găh pơtôch 8 sơnăm jang kiơ̆ Tơdrong tơchơ̆t 36 kơ Trung ương jăl XII găh Tơdrong atok tơ iung kơjăp ‘lơ̆ng mŭk drăm đak dơsĭ Việt Nam truh sơnăm 2030.

VOV. Bahnar - Kơsơ̆ năr 8/6, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn hlôi pơma dơnuh hăm Thủ tướng Lào Sonexay Siphandone ƀlep lơ̆m jơ ‘năr iung năm tơmang Việt Nam păng vang năm Hop akŏm tơdrong Hơnô̆ hơnăp kơnh ASEAN 2026.

VOV.Bahnar - Hop akŏm tih kơdră tang măt lơ̆m teh đak Khul kon pơlei choh jang sa Việt Nam ‘măng mă IX, jăl jang 2026 - 2031 hăm vang năm đơ̆ng 599 ‘nu bơngai tang măt hlôi pơtôch ‘lơ̆ng liĕm, pơih đei hơyak pran ‘nao ăn bơngai choh jang sa păng hơnih mơdro sa lơ̆m tơdrong tĕch răt lơ̆m plei teh.

VOV. Bahnar - Hơnih vei lăng kon pơlei dêh char Lâm Đồng ‘nao tơbăt hơdăh hơmet ming Tơdrong Pơprŏ vă jang dêh char jăl jang 2021-2030, lăng truh sơnăm 2050. Pơprŏ vă jang sơkơ̆t hơdăh pơjing đei trong tŏk ‘nao găh mŭk drăm đak dơsĭ; tơ iung pơjing Hơnih bơ̆ jang-chinh trĭ kơ dêh char tơ̆ Đức Trọng, adoi atok tơ iung Đà Lạt jing hơnih tơm tơmang pơhiơ̆ cham char, pơdơ̆h pơdei hơtŏ hăm teh đak đe.

VOV.Bahnar - Pơgê 8/6, tơ̆ anih bơ̆jang kơ Khŭl kơdră teh đak, Thủ tướng Lê Minh Hưng pơgơ̆r Lêh sơng Thủ tướng Campuchia Hun Manet tŏk bŏk năm ngôi, bơ̆jang tơ̆ Việt Nam păng vang truh Hop akŏm Tơ̆ hơnăp kơnh ASEAN ‘măng mă 3.

VOV.Bahnar - Jang kiơ̆ Khei Kŏng nhơ̆n sơnăm 2026, ‘năr 7/6, tơ̆ Gia Lai, Trung ương Khŭl vei lăng hơdruh tơdăm Việt Nam pơgơ̆r Năr “Hơdruh tơdăm kŏng nhơ̆n - Păr ang tơdrong ‘lơ̆ng” hăm lơ tơdrong jang hơdăh ‘lơ̆ng vei lăng tơdrong hơrih sa bơngai jang.

VOV.Bahnar - Pơgê 8/6, Phó Thủ tướng Lê Tiến Châu truh Tokyo, pơtơm năm ngôi tơ̆ Nhật Bản păng vang truh Hop akŏm Ning mônh kơnh kơ châu Á ‘măng mă 31.

VOV.Bahnar - Drơ̆ng nơ̆r krao hơvơn đơ̆ng Thủ tướng Lê Minh Hưng, kơsơ̆ 7/6, Thủ tướng teh đak Cộng hòa Dân chủ Nhân dân Lào Xỏn-xay Xi-phăn-đon chĕp kơ̆l Khŭl tang măt gĭt kăl Khŭl kơdră teh đak Lào truh tơ̆ Hà Nội, pơtơm blŭng ‘măng năm ngôi, bơ̆jang tơ̆ Việt Nam.