VOV.Bahnar - Kơsơ̆ 17/9, lơ̆m jơ năr vang truh Hop akŏm AIPA – 46 păng ‘măng năm ngôi tơ̆ teh đak Malaysia, Kơdră Quốc hội Trần Thanh Mẫn hlôi năm ngôi păng bơ̆jang hăm kơdră chĕp kơ̆l Grŭp jang Đak dâu Teh đak Malaysia (Petronas).

VOV.Bahnar - Dêh char Khánh Hòa hlôi tơlĕch jang kiơ̆ KPI - Kơsô̆ hơlen bơ̆ jang ‘lơ̆ng lơ̆m lăng hơlen bơngai kang ƀô̆. Hăm trong jang ou, Khánh Hòa hơdrin hŭt hloi tơdrong “ ‘mêm-hơreh” lơ̆m lăng hơlen, lăng truh bơngai tơpă, tơdrong jang tơpă, jang keh đang tơpă. Đơ̆ng noh, pơjing đei jơhngơ̆m pran ăn kang ƀô̆ hơdrin păng đei jing jơhngơ̆m pran ăn dêh char atŏk tơ iung.

VOV.Bahnar - Hơnih chĕp pơgơ̆r pôk rơih Kơdră tang măt Kuô̆k hô̆i jăl XVI păng Jơnŭm vei lăng kon pơlei rim hơnih lơ̆m dêh char Quảng Ngãi jăl jang 2026-2031 pơgơ̆r hop akŏm ‘măng mă I vă ăn tơgop nơ̆r mĭnh ƀar tơdrong bơ̆ jang hơmet ăn pôk rơih.

VOV.Bahnar - Năr 17/9, tơ̆ Kuala Lumpur, Malaysia, lơ̆m ‘măng năm Hop akom Nghĭ viê̆n ASEAN ‘măng mă 46 (AIPA 46), Kơdră chĕp pơgơ̆r Kuô̆k hô̆i Trần Thanh Mẫn hlôi pơgơ̆r pơma dơnuh hăm Kơdră chĕp pơgơ̆r Kuô̆k hô̆i Campuchia păng Kơdră chĕp pơgơ̆r Kuô̆k hô̆i Timor Leste.

VOV.Bahnar - Ƀok Lương Nguyễn Minh Triết hơnơ̆ng pơm Bí thư Anih jang Đảng pơlei tơm Đà Nẵng, jăl jang 2025-2030.

VOV.Bahnar - Pơgê brei (17/09), tơ̆ Anih bơ̆jang Khŭl kơdră teh đak, Thủ tướng Phạm Minh Chính pơgơ̆r Hop akŏm lơ̆m teh đak pơtrŭt tơmơ̆t jên jang teh đak sơnăm 2025 (‘măng mă 3). 

VOV.Bahnar –‘Năr (16/9), tơ̆ Anih jang kơ Trung ương Đảng, Tổng Bí thư Khul kơdră chĕp kơ̆l Trung ương Đảng Cộng sản Việt Nam Tô Lâm sơng Bơngai jang tơgŭm ăn Kơdră tơm teh đak Nga, Kơdră Anih vei lăng đak dơsĭ kơ teh đak Nga Nikolai Patrusev oei hơpong ngôi tơ̆ Việt Nam đơ̆ng ‘năr 15 – 18/9/2025.

VOV.Bahnar – Thủ tướng Phạm Minh Chính hơpơi ‘mĕh dôm anih tĕch mơdro, anih jang xa kơdih pơm kiơ̆ ‘lơ̆ng trong jang, tơdrong tơgŭm đơ̆ng Đảng, Teh đak, tơƀôh hơdăh jơhngâm đon tĕch mơdro rơgei păng đei đon tơnăp hăm tơpôl; atŭm hăm ‘nŏh kŭm hăm Đảng, Teh đak păng kon pơlei hơnơ̆ng druh kiơ̆ trong chĕp kơ̆l pơgơ̆r kơdih đơ̆ng hơdrĕch hơdrung, jang tŏk kiơ̆ trong CNXH.

VOV.Bahnar – Hop akŏm đei pơih pơdăh đơ̆ng Anih hôp tơm tơ̆ Đà Lạt truh tơ̆ 120 anih hyup iŏk lơ̆m dêh char păng đei 1.720 ‘nu bơngai tang măt vang akŏm.

VOV.Bahnar - Tơ̆ Hop akŏm lơ̆m teh đak pơhlôh đon jang kiơ̆ 4 tơdrong Tơchơ̆t đơ̆ng Anih tơm Chinh trĭ, Thủ tướng Phạm Minh Chính pơre tơbăt Tơdrong tơchơ̆t 71 găh tưk tơiung pran tơdrong pơtho hŏk pơhrăm.