VOV.Bahnar - Kơsơ̆ 18/9, tơ̆ Kuala Lumpur (Malaysia), lơ̆m Hop akŏm Jơnŭm Nghị viện ASEAN ‘măng mă 46, Kơdră Quốc hội Trần Thanh Mẫn tơƀâp Phŏ Kơdră Quốc hội Lào Sounthone Xayachack.

VOV.Bahnar – Kơsơ̆ năr 18/9, tơ̆ Anih jang Jơnŭm pơgơ̆r teh đak, Thủ tướng Phạm Minh Chính sơng ƀok Kenji Okamura, Phŏ Kơdră dơnơm Anih Mong jên Apŭng plenh teh (IMF).

VOV.Bahnar – Anih jang vei lăng kon pơlei dêh char Khánh Hòa 'nao kĭ tơchơ̆t Tơdrong jang 1 lơ̆m Tơdrong ming man anih mong đak săng đak dou tơguăt 'măn yua Ba Ngòi tơ̆ phương Cam Linh, pơlei tơm Cam Ranh.

VOV.Bahnar – Hăm đak lơ̆p jrŭ đunh sơnăm, Anih jang vei lăng kon pơlei xah Ia Hiao, dêh char Gia Lai 'nao pơtruh nơ̆r hăm dêh char kĭ tơchơ̆t păng asong jên vă 'nhăk truh hơnih oei 'nao ăn 180 unh hnam tơ̆ tơring đak lơ̆p hli.

VOV.Bahnar - Đơ̆ng jang pơlong năng tơ̆ Khánh Hòa, KPI (chư chih kơđeh ăn Kơsô̆ chih tơbăt tơdrong đei yoa mưh bơ̆ jang) đei tơmât lơ̆m Hla ar chih tơroi Chinh trĭ tơ̆ Hop akŏm Đảng ƀô̆ dêh char, hăm đon pơhnŏng pơih xă truh jơ̆p anih jang chinh trĭ. Ưh lăp tơdrong vă vei lăng tơ̆ anih jang đĕch, KPI oei dar dĕh jing ‘long pơtŏ găh tơdrong pơm tơm kơ kon pơlei tơ̆ tơring, ‘long pơtŏ tơdrong đei yoa mưh pơvih ăn kon pơlei păng năm truh tơdrong pơjing tơdrong hơgăt ‘lơ̆ng ăn teh đak mưh hơmet ming tơdrong bơ̆jang.

VOV.Bahnar - Pơgê (18/9), tơ̆ Anih jang kơ Trung ương Đảng, Tổng Bí thư Tô Lâm pơgơ̆r jơ bơ̆ jang hăm đe Kơdră chĕp kơ̆l Đảng găh 1,2 tơdrong lơ̆m Luơ̆t teh (đei hơmet ming) păng 1,2 khôi luơ̆t ƀơm truh.

VOV.Bahnar - Pơgê (18/9), tơ̆ Anih jang kơ Khul kơdră teh đak, đe Kơdră chĕp kơ̆l Đảng lơ̆m Khul kơdră teh đak pơgơ̆r Hop akŏm tơlĕch jang kiơ̆ tơdrong Hơgăt kơsô̆ 294 đơ̆ng Khul kơdră chĕp kơ̆l Trung ương găh bơ̆ jang kiơ̆ Tơdrong tơchơ̆t  đơ̆ng Đảng; Nơ̆r pơtho tơƀôh kơsô̆ 06 đơ̆ng Ban Bí thư găh 1,2 tơdrong tôch hơdăh vă jang kiơ̆ tơdrong Tơchơ̆t Đảng; păng Nơ̆r pơtho kơsô̆ 50 đơ̆ng Ban Bí thư găh tơdrong hơnơ̆ng tơplih 'nao, hơtŏk tơdrong 'lơ̆ng đơ̆ng hŏk hôp lơ̆m chi ƀô̆ chăl 'nao.

VOV.Bahnar – Pơgê năr (18/9), tơ̆ Hà Nội, Anih tơm Kŏng ang pơgơ̆r Hop akŏm jơ̆p teh đak pơm kiơ̆ Tơchơ̆t kơsô̆ 147 năr 22/5/2025 đơ̆ng Jơnŭm pơgơ̆r teh đak tơlĕch Trong pơm jang atŭm kơ jơ̆p teh đak tang găn păng tơjră hăm dôm tơdrong pơjuă hli hăm sơđơ̆ng tơpôl truh sơnăm 2030, sơkơ̆t truh sơnăm 2045.

VOV.Bahnar - Năr 17/9, Tổng Bí thư Tô Lâm pơm tơm jơ bơ̆ jang hăm Kơdră chĕp pơgơ̆r Đảng Khul kơdră chĕp pơgơ̆r Teh đak găh tơlĕch jang kiơ̆ Tơdrong tơchơ̆t Trung ương găh choh jang sa, kon pơlei choh jang sa păng Tơdrong tơchơ̆t Hơnih tơm Chinh trĭ găh atŏk tơ iung kơjăp ‘lơ̆ng tơring kơdrơ̆m truh sơnăm 2030.

VOV.Bahnar - Kơsơ̆ 17/9, Anih vei lăng kon pơlei dêh char Đắk Lắk pơgơ̆r hop akŏm roi tơbăt hăm khŭl chih kơtơ̆ng ang khei 8/2025, roi tơbăt găh tơdrong mŭk drăm - tơpôl, khŭl lĭnh - sơđơ̆ng păng tơl tơroi 1,2 tơdrong hla ar chih kơtơ̆ng ang chih tơroi.